English | عربی | Kurdî دواهەواڵ
ڕاستەوخۆ  
 
هەڤپەیمانێن راستەقینە
2019-05-20 [11:32 AM]

نڤیسینا : دلۆڤان حەسەن


هەر وەڵاتەکێ ل رۆژهەڵاتا ناڤین مابیت ئارام و رۆژ ب رۆژ د پێشکەفتنێ دا بیت، وەڵاتەکە کو پەیوەندیێن باش ل گەل سەرکێشا وەڵاتێن جیهانێ "ئەمریکا"هەبووینە و پەیوەندیێن وان ب باشی د بەردەوامن. چونکی چ خۆش یان نەخۆش ب تایبەت د وەڵاتێن رۆژەهەڵات دا ،هەر وەڵاتەکێ ل دژی ئەمریکا راوەستیا بیت تۆشی ژ بەرێکچوون و خۆ خوری و سەرهلدانا تیرۆرێ ...هتد بوویە. چەوان برایێ بچویک حەزدکەت چ جاران پەیوەندیێن وی ل گەل برایێ وی یێ مەزن تێکنەچن. ب هەمان شێوە د گێلەشۆکا رۆژهەڵاتا ناڤیندا رێبەرێن وەڵاتێن کو بەرژەوەندا گەلێ خوە دخوازن هەمی بزاڤان دکەن پەیوەندیێن خوە ل گەل ئەمریکا باش بکەن و بەرەف پێش ببەن. لێ د کێمن ئەو سیاسەتمەدارێن بزانن یان بشێن هەڤسەنگییەکێ د گێلەشۆکا هەیی دا ل گەل ئەمریکا پەیدا بکەن. ئەگەر نموونە عیراقێ وەربگرین...
ژ بەر هەژموونا ئیرانێ ل سەر عیراقێ، پەیوەندیێن عیراق و ئەمریکایێ د بەرزی و نزمیێن بەردەوام دانە. ل ڤێرە تشتێ دلخۆشکەر ئەوە راستە کوردستان بەشەکە ژ عیراقێ،لێ شیایە ببیتە نموونەیا رۆژهەڵاتا ناڤین کو مینا هەڤپەیمانەکا راستەقینە ل گەل ئەمریکا بمینیت، و رۆژ ب رۆژ باوەریا ئەمریکا ب خەلک و حکوومەتا کوردی هەی دیار دبیت. ئەڤ هەڤپەیمانیە د شەڕێ رزگارکرنا عیراقێ دا دیاربوو.پشتی وێ ژی ب تایبەتی ل دەمێ مەزنترین رێکخراوا تیرۆری ل ساڵا (۲۰۱٤)ێ هێرشی خاکا عیراقێ کری ل دەستپکێ ئەمریکا زۆ نەهاتە سەر هێل.لێ دەما رێکخراوا تیرۆرستی بەرێ هێرشا خوە بۆ خاکا هەرێما کوردستانێ ڤەگۆهاستی، ئەمریکا ب رژدی هاتە سەر هێل و نیازپاکییا خوە ل گەل کوردان دیارکر. بێگۆمان راستە ئەمریکا بەرژەوەندیێن خوە دپارێزیت. لێ ئەگەر سەرکردەیێن کارێزما و لێهاتی ل کوردستانێ نەبانە و ئەو باوەری بۆ ئەمریکا چێنەکربایە کو کەفتنا کوردستانێ کەفتنا ئابوور،ناڤ و دەنگی و هەژموونا ئەمریکایە ل ڤێ دەڤەرێ.قەت یا بەرعەقل نەدبوو وەسان زۆی ئەمریکا پشتەڤانیێ ل کوردستانێ بکەت. راستە بۆ بابەتێ ریفراندوومێ ئەمریکا پشتا خوە دا کوردان لێ راستترە بێژین، بەشەک ژ کوردێن ب ناڤ کورد ل بەری ئەمریکا پشتا خوە دا کوردان...
پشتی شەڕێ ل گەل داعش ژی ئەمریکا بەردەوام بوو د هەڤکاریکرنا کوردستانێ دا ب تایبەت د هەڤکاریکرنا هێزێن پشمەرگەی دا.لێ دڤێت د ڤان هاوکێشەیاندا رۆلێ سەرکردەیێن کارێزما یێن کوردستانێ ژ وان ژی سەرۆکێ حکوومەتێ "نێچیرڤان بارزانی"نەهێتە ژبیر کرن. ژبەرکو بێویژدانیە رۆلێ وی د بنیاتنانا پەیوەندیێن ئەرێنێ و یێن د خزمەتا پێشڤەچوون و ئارامی و مانا هەرێما کوردستانێ دا بهێتە ژبیرکرن.
چونکی شیایە ب لێزانین و سیاسەتا خوە یا نەرم وێ باوەرا مە ئاماژە پێکری بۆ ئەمریکا وگەلەک وەڵاتێن زلهێز و پێشکەفتی یێن دونیایێ دروست بکەت، ئەگەر نموونە ئەمریکا بێژین...
ئەمریکا ل رۆژهەڵاتا ناڤین و ب تایبەت بەراورد ل گەل وەڵاتێن هەڤسنوور هیچ وەڵاتەکێ وەکی کوردستانێ نابینیت کو باوەری ب پێکڤەژیان و فرەنەتەوەیی و پاراستنا تاک و مافێن کێمەنەتەوە،ئاین و مەزهەبان هەبیت. دیسان د بابەتێن سەربازی،سیاسی، و پاراستنا ئەمریکا و تەڤایا وەڵاتێن سەر دەستدا، کوردستان میناکەکا باشە کو ل ڤێ دەڤەرێ ژ پێش ئەمریکاڤە ل دژی تیرۆرێ و هزر و هەڤهزرێن توندرەوان رابوەستیت. ئەڤ ئێک ژی ل شەڕێ ل دژی داعشێ دا ب زەڵالی بۆ ئەمریکا و جیهانێ دیاربوو، کا چەوان پێشمەرگەی ب قارەمانانە ل پێش هەموو جیهانێڤه شەڕێ وێ رێکخراوا تیرۆری کر.
دیسان دانانا بەرێ بنیاتێ مەزنترین کۆنسۆلخانەیا ئەمریکا ل هەولێرا پایتەخت ل سەر دەستێ سەرۆکێ حکوومەتا هەرێمێ،و وەک مە ئاماژەپێکری پێکڤەژیان و ئارامییا کوردستانێ، پەیوەندیێن کوردستان و ئەمریکایێ هێش خورتتر کرن... هەر ژبەر خالێن مە ئاماژەپێکری و چەندین کارێن دی ئەمریکا چاڤ ل وێ ئێکێ یە کو کوردستان ببیتە جهگرا وان وەڵاتێن هەتا نوکە ل دەڤەرێ ئەمریکا وەک هەڤپەیمان هەلبژارتین لێ ل دووڤ وێ خواستێ نەبووینە یا کو وان پلان بۆ دارژتین.





ئەم هەواڵە 3073جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad