English | عربی | Kurdî دواهەواڵ
ڕاستەوخۆ  
 
ئێران ناراستەو خۆ سعودیە بە ھێرشە موشەکیەکەی سەر بالیۆزخانەی ئەمریکا تاوانبار دەکات
2019-05-21 [08:42 AM]

ZNA- ھەولێر


بەرپرسێکی کۆماری ئیسلامیی ئێران ناڕاستەوخۆ وڵاتێک بە هێرشکردنە سەر باڵیۆزخانەی ئەمریکا لە بەغدا تۆمەتبار دەکات.

حیشمەتوڵڵا فەلاحەتپیشە، سەرۆکی لێژنەی ئاسایشی نەتەوەیی و سیاسەتی دەرەوە لە پەرلەمانی ئێران لە هەژماری تایبەتیی خۆی لە تۆڕی کۆمەڵایەتیی (تویتەر)، سعودیەی بە هەوڵدان بۆ هەڵکردنی ئاگری شەڕی وڵاتەکەی و ئەمریکا، تۆمەتبار کردووە.

حیشمەتوڵڵا فەلاحەتپیشە رایگەیاندووە، تۆپبارانکردنی باڵیۆزخانەی ئەمریکا لە عێراق بەشێکە لە سیاسەتەکانی سعودیە بۆ دروستکردی ”ئاڵۆزییەکی گەورە“ لە ناوچەکە.

ئێوارەی یەکشەممە 19-5-2019، چەند مووشەکێک لە نزیک باڵیۆزخانەی ئەمریکا لە بەغدا کەوتنە خوارەوە و پۆلیس رایگەیاندووە، مووشەکەکان لە گەڕەکی پیشەسازی لە رۆژهەڵاتی بەغدا، ئاراستەی باڵیۆزخانەکە کراون.

چەند هەفتەیەکە بارودۆخی نێوان ئەمریکا و ئێران زۆر ئاڵۆز بووە و ئەمریکا دەیان هەزار سەربازی لە عێراق خستووەتە حاڵەتی ئامادەباشی و کەشتیگەلێکی گەورەی سەربازیشی ناردووەتە ئاوەکانی کەنداوی عەرەبی.

توندبوونی بارودۆخەکە دوای کشانەوەی ئەمریکا لە رێککەوتننامەی ناوکی لەگەڵ ئێران دروست بوو و ئەمریکا چەندین سزای دارایی و ئابووری بەسەر ئێراندا سەپاند.

شەوی 8/5/2018، دۆناڵد ترەمپی سەرۆکی ئەمریکا بڕیاری کشانەوەی وڵاتەکەی لە رێککەوتنی ناوکیی ئێران و  وڵاتانی پێنج + یەک، واژۆ کرد.

دوای کشانەوەی ئەمریکا لە رێککەوتننامەی ناوکی و سەپاندنی چەندین سزا بەسەر ئێران، دۆناڵد ترەمپ هەڕەشەی لە هەموو ئەو وڵات و لایەنانە کرد، کە یان دەبێ بچنە بەرەی ئێران یاخود پابەندی سزاکانی ئەمریکا بن بەسەر ئێران.

رێککەوتنی ناوکیی ئێران و وڵاتانی پێنج + یەک لە سەرەتای نیسانی 2015 لە شاری لۆزان لە سویسڕا واژۆ کرا، کە بەپێی ئەو رێککەوتنە ئێران دەستبەرداری دروستکردنی چەکی ناوکی دەبێت و ئەمریکاش سزاکانی لەسەر ئەو وڵاتە سووک دەکات.

وڵاتانی پێنج + یەک بریتین لە پێنج وڵاتی ئەندامی هەمیشەیی ئەنجومەنی ئاسایشی نێودەوڵەتی (ئەمریکا، فەرەنسا، رووسیا، بەریتانیا و چین) و ئەڵمانیا پێک دێت.





ئەم هەواڵە 6013جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad