English | عربی | Kurdî دواهەواڵ
ڕاستەوخۆ  
 
ئەمەریكا دووهەفتە مۆڵەت بە توركیا دةدات لەسەر كڕینی ئێس 400 رووسی
2019-05-22 [07:35 AM]

​ZNA – هەولێر


توركیا  دووهەفتە مۆڵەتی لەپێشە بۆ ئەوەی پاشگەزبێتەوە لەكڕینی سیستەمی بەرگری ئاسمانی رووسی (ئێس - 400)، ئەگەرنا  رووبه‌ڕووی ده‌رهاوێشته‌ راسته‌قینه‌ نێگه‌تیڤه‌كان ده‌بێته‌وه‌. یه‌كێك له‌وانه‌ كه‌نارگیركردنی ئه‌نقه‌ره‌یه‌ له‌ كڕینی فڕۆكه‌ی شه‌ڕكه‌ری ئه‌مه‌ریكی له‌ جۆری (F-35) .

كه‌ناڵی CNBC ئه‌مه‌ریكی له‌ سه‌ر زاری سه‌رچاوه‌یه‌كی ئاگاداری وه‌زاره‌تی ده‌ره‌وه‌ی ئه‌مه‌ریكا بڵاویكردووه‌ته‌وه‌ كه‌ "واشنتن داوای له‌ ده‌سه‌ڵاتدارانی ئه‌نقه‌ره‌ كردووه‌ له‌ رێككه‌وتنی كڕینی سیستەمی ئێس - 400ـ ی رووسی بكشێنه‌وه‌ و بۆ ئه‌و مه‌به‌سته‌ش مۆڵه‌تێكی دوو هه‌فته‌ییان دیاریكردووه‌ .

سه‌رچاوه‌كەی وه‌زاره‌تی ده‌ره‌وه‌ی ئه‌مه‌ریكا گوتوویه‌تی: "وڵاتانی ئه‌ندامی هاوپه‌یمانێتی باكووری ئه‌تڵه‌سی (ناتۆ) پێویستیان به‌ جۆرێك كه‌ره‌سته‌ی سه‌ربازییه‌، كە گونجاو بێت له‌گه‌ڵ پێوه‌ره‌كانی رێكخراوی ناتۆ، سیستەمی رووسیش له‌گه‌ڵ ئه‌و پێوه‌رانه‌ یه‌كناگرێته‌وه‌ و گونجاو نییه‌".

سه‌رچاوه‌ی كه‌ناڵه‌ ئه‌مه‌ریكییه‌كه‌ دەشڵێت: "ئه‌گه‌ر توركیا رێوشوێنه‌كانی گه‌یشتن به‌ سیستەمی ئێس - 400 ته‌واو بكات، رووبه‌ڕووی ده‌رهاوێشته‌ راسته‌قینه‌ نێگه‌تیڤه‌كان ده‌بێته‌وه‌. یه‌كێك له‌وانه‌ كه‌نارگیركردنی ئه‌نقه‌ره‌یه‌ له‌ كڕینی فڕۆكه‌ی شه‌ڕكه‌ری ئه‌مه‌ریكی له‌ جۆری (F-35)  و ئه‌و خه‌رجیانه‌شی بۆ داواكاریی كڕینی 100 فڕۆكه‌ی له‌و جۆره‌ داویه‌تی و هێشتا فڕۆكه‌كانیشی ده‌ستنه‌كه‌وتووه له‌ كیسی ده‌چێت‌، جگه‌ له‌وه‌ش توركیا رووبه‌ڕووی سزای ئه‌مه‌ریكی و وڵاتانی دیكه‌ی ناتۆ ده‌بێته‌وه‌".

تا ئێستا به‌رپرسانی توركیا سوورن له‌سه‌ر كڕینی سیستەمه‌ رووسییه‌كه‌ و هیچ ئاماژه‌یه‌ك بۆ پاشگه‌زبوونه‌وه‌ی ئه‌نقه‌ره‌ له‌و ریككه‌وتنه‌ ئاشكرا نەكراوە.

 





ئەم هەواڵە 6211جار خوێندراوەتەوە
 
 
ڤیدیۆ گەلەری
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
چەند بیرۆکەیەک بۆ ڕزگاربوون لە گەرمای ھاوین
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad