English | عربی | Kurdî دواهەواڵ
ڕاستەوخۆ  
 
ئاگاداریی لەبارەی شەربەتی میوە
2019-05-21 [11:27 AM]

هەولێر _ ZNA



توێژینەوەیەکی نوێ ئاشکرایکردووە، خواردنەوەی شەربەتی میوە بەراددەیەکی زۆر زیانی تەندروستیی دەبێت و ئەگەری هەیە ببێتە هۆی مردنی پێشوەخت.

ماڵپەڕی روسیا تودەی لە بابەتێکدا ئاماژەی بەوەکردوە، توێژینەوەکە ئاشکرایکردووە کە ئەو کەسانەی کە زۆر شەربەتی شیرین و پڕ شەکر دەخۆنەوە مەترسی تووشبوونیان بە مردنی پێشوەخت زیاترە.

توێژەران لە ئەمەریکا بۆ ئەکەمجار شەربەتی میوەیان لەگەڵ شەربەتە شیرینەکاندا بەراورد کرد وەك خواردنەوە گازییەکان، بینیان کە لێكچوونێکی زۆر هەیە لە نێوان شەربەتی میوە و خواردنەوە دەوڵەمەندەکان بە شەکر، هەردووکیان وادەکەن مەترسی مردنی پێشوەخت زیاتر بێت، وێڕای ئەوەی دڵنیایی ئەوەیان داوە کە پێویستە توێژینەوەی زیاتر لەو بارەیەوە بکرێت.

یەکێك لە پسپۆڕان ئاماژەی بەوەکردوە کە ئەم توێژینەوەیە گرنگە بەڵام ئەگەر لە رۆژێکدا تەنها یەك پەرداخ شەربەتی میوە بخورێتەوە بە قەبارەیەکی مامناوەندی ئەوا زیانی نابێت.

لە توێژینەوەکەدا زانایان پشکنینیان بۆ داتای ١٣٤٤٠ کەس کرد، لەو ماوەیەدا بڕی ئەو شەربەتە شیرینانە و شەربەتی میوانەی دەیانخواردەوە تۆمارکران.

لەکاتی توێژێنەوەکەدا کە شەش ساڵی خایاند، ١٠٠٠ حاڵەتی مردن تۆمارکران و ١٦٨ی ئەو حاڵەتانە بەهۆی نەخۆشییەکانی شاخوێنبەرەوە بووە.

هەروەها ئەو کەسانەی کە بە بڕێکی زۆر خواردنەوە شیرینەکان و شەربەتی میوەیان خواردووەتەوە مەترسی مردنی پێشوەختیان زیادی کردووە.





ئەم هەواڵە 7126جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad