سەرۆکی ئەمریکا لە بنکەی عەین ئەسەد/ ئەرشیڤ
	2019-05-23 [05:55 AM]

لیژنەی ئاسایش و بەرگری لە پەرلەمانی عێراق پێیوایە ئەمریكا بنكەی سەربازی عەین ئەسەد لە رۆژئاوای ئەنبار، بۆ لێدانی ئێران بەكاردێنێت.

كەریم مەحمەداوی، ئەندامی لیژنەی ئاسایش و بەرگری لە پەرلەمانی عێراق ئاشكرایكرد، ئەمریكا ھێزی زیاتری رەوانەی بنكەی سەربازی عەین ئەسەد لە رۆژئاوای ئەنبار كردووە و بەنیازە بیكاتە فڕۆكەخانەیەكی سەربازی، بۆ ئەوەی لە كاتی ھەڵگیرسانی شەڕ لەگەڵ ئێران، بەكاری بێنێت.

لە چەند رۆژی رابردووشدا، ھێزەكانی ئەمریكا، چەند بنەكەیەكی نوێی سەربازییان لە ناوچەكانی رۆژئاوای ئەنبار دامەزراندووە، ئەمەش لەكاتێكدایە، عێراق، بەكارھێنانی خاكەكەی بۆ ھێرشكردنە سەر ئێران رەتدەكاتەوە.