English | عربی | Kurdî دواهەواڵ
ڕاستەوخۆ  
 
نێچیرڤان بارزانی و ماددەیێ سەد و چل
2019-05-24 [02:05 AM]

نڤیسینا : هەژین رێکانی


بەرێز نێچیرڤان بارزانی ل نامەیەکێ دا 5 پێشنیازا ددەتە سکرتێرێ گشتی یێ نەتەوێن ئێکگرتی کو ئێک ژ وان پێشنیازا بابەتێ ماددێ 140 یێ دەڤەرێن ڤەقەتیای یێن هەرێما کوردستانێ یە و د پێشنیازێ دا دیارکریە کو هنارتیێ تایبەت یێ سکرتێرێ گشتیێ یوئێن ل ئیراقێ ببیتە ناڤبەینکار بو جێبەجێکرنا ماددێ 140 یێ دستورێ ئیراقێ . کو ئەڤە ئێک ژ خالێن هەرە گرنگە ژبو زێدەتر ب نێزیکبون ب ئارمانجێن گەلێ کورد یا کو ئەڤە چەندین سالە کورد خەباتێ بو دکەت ، ئەگەر بزڤرینە دیروکێ ژی کو گەلەک ئاستەنگ و ئالوزی بو کوردان چێبوینە ل دور ماددەیێ 140 ئەو ماددەیێ کو ل سەردەمێ حکومەتا ئینتیقالی ب ماددەیێ 58 دهاتە نیاسین باس ل وان دەڤەران دکەت یێن ناکوکی ل سەر هەی دناڤبەرا ئیراقێ و هەرێما کوردستانێ دا ، ئەڤ دەڤەرە ئەون یێن کو ژلایێ دەستهەلاتا بەرێ یا ئیراقێ ڤە هاتینە ئەرەبکرن و جوگرافیا وان هاتیە گوهرین . خەلکێ وان دەڤەران ژ وارێن وان یێن رەسەن هاتە دورخستن و مولکێ وان ب زوری ژێستاند و ل سەر هندەک کەسێن دی تاپوکر . هەروەسا سنورێن وان دەڤەران یێن کارگێری هاتە گوهرین بو مەرەمێن سیاسیێن رژێما بەعس . ماوەیێ یاسایی یێ کو کار پێ دهێتە کرن ژ 17 ی تەمموزا 1968 ێ بو تا کو 9 ی نیسانا 2003 ێ ئانکو ئەو گوهرینێن دڤی ماوەیدا ل سەر ڤان ناوچەیان هاتینە ئەنجامدان ، دڤێت وەکی بەرێ بهێتە زڤراندن . کوردا هەر ژ کەڤندا کێشە دگەل دەستهەلاتدارێن ئیراقێ سەبارەت کەرکوکێ هەبوون. کورد نەشیابون یانژی دەرفەت بو وان نەروخسابوو دەڤەرێن ڤەقەتیایی بێخنە ژێر دەستهەلاتا خو ئەگەر ژی گەلەک بوون . ئێک ژ وان ئەگەران کورد و بەغدا وەسا رێکەفتبون کو رێکەفتنامەیا 11 ی ئادارا سالا 1970 ێ تاکو 1974 ێ بهێتە بجهئینان ، هەر د وی دەمیدا راپرسی بهێتە کرن ل سەر کەرکوکێ ئەگەر پتری کورد بوون بو سەر کوردستانێ ڤەگەریت د وی دەمی دا احمد حسن بکر سەروک کومار بوو و سەدام حسێن جێگرێ وی بو . بو وان دەرکەفت کو پتریا وەلاتیێن کەرکوکێ کوردن. لەو نەهێلا سەرژمێری بهێتە کرن. دوماهی ژی هەر ئەڤە بو ئەگەرێ شکەستنا رێکەفتنامەیێ. لێ پشتی 2003 ێ کوردان هەولێن ڤەگەراندنا کەرکوکێ دان . نەخاسمە ب رێکێن یاسایی ئانکو دەستوری دگەل لایەنێن دیتر یێن ئیراقێ وەک سوننە و شیعەیان کو رێک ژی هەر ماددەیێ 140 بوو بەلێ ئەڤ چەندا هەژی نەبوو ئەگەر کو؟کورد پێ بشێن چارەسەریێ بو کەرکوکێ بدەستخوڤەبینن ، ئەگەر ژی هەر پیلانێن دوژمنێن کوردان بوینە دناڤ سوننە و شیعەیاندا . چونکو ئالوزی دئێخستە پروسێسا جێبەجێکرنا ماددەیا 140 ، ئانکو هەر ژ 2005 ێ تا کو 2014 ێ چو ئنیەتەکا باش نەبوویە بو بجهکرنا وی ماددەیی . کوردان ئەڤ چەندا هەنێ دزانی . لەو هەردەم نەرازیبونا خو دیاردکر . تاکو گەهشتیە وی رادەیی پلانەکێ بدانن ژبو بدەستڤەئینانا کەرکوکێ و دەڤەرێن دیترێن کوردستانێ بێگومان ئەڤ پلانا هەنێ ژی پێکهاتبوو ژ گەلەک خالان هەر ژ خو ئامادەکرنێ ژلایێ لەشکری . ئابوری ، سیاسی ، تا خوشکرنا پەیوەندیان دگەل دەولەتێن دەرڤە و دەولەتێن جیران ، تا کو بەری چەند سالان د داخویانیەکا روژنامەڤانیدا حنان فەتلاوی دگوت بو ماوەیێ 10 سالان مە نەهێلایە ماددێ 140 بهێتە بجهئینان و دانپێدان کر کو وان هەمی شیانێن خو د مەزاختن بو رێگریکرنێ ل بجهکرنا ڤی ماددەیێ دەستوری . ل پشتی هاتنا داعش بو ئیراقێ ب تایبەتی ژی بو موسل و چەند دەڤەرێن دی.دگەل ڤەکێشانا لەشکرێ ئیراقێ بو ئەگەر کو دیسان دەستهەلاتدارێن کورد هەولێن ڤەگەراندنا کەرکوکێ و دەڤەرێن دیترێن کوردستانێ بدەن بو ژێر دەستهەلاتا خو و کوردان دیت بکارئینانا پێشمەرگەی  باشترین چارەسەریە  چونکو مێژوویێ دیارکریە کو سوننە و شیعەیێن ئەرەب ب هیچ رەنگەکێ دگەل دانا مافێن کوردان نینن لەو لاوازیا وان دبوارێن لەشکری دا ، و دژایەتیا وان بو ئێکدوو یارمەتی بوو بو کوردان داکو بشێن کەرکوکێ و دەڤەرێن دیترێن کوردستانێ رزگار بکەن ، و کورد ب ئامانج گەهشتن و پێشمەرگەی سەرکەفتنێت مەزن تومارکرن لێ ئەڤجارە خیانەتا نافخو رێ نەدا ماددێ 140 جێبەجێبیت . لێ دنهادا پێنگاڤا بەرێز نێچیرڤان بارزانی و خوشکرنا پەیوەندیا دگەل دەولەتێن مەزن و پەنابرن بو بەر زمانێ دبلوماسی و پێشنیازکرن بو دەولەتێن ئێکگرتی ئێک ژ باشترین چارەسەریا یە چونکی یا خویایە راستەوخو پەنابرن بو بەر دەستهەلاتا ئیراقێ نە چارەیە هەر وەک مێژوویێ بو مە دایە دیارکرن کو ئەو ناخازن کورد ب مافێن خو یێن یاسایی بگەهن ، هەر وەک دکێشەیێن دیتردا ژی نێچیرڤان بارزانی پەنابریە ل بەر دەولەتێن دەرڤە کو ئەو ببن ناڤبەینکار ب چارەکرنا هند ژ کێشان ل جهێ کو راستەوخو دگەل ئیراقێ دانوستاندن بکەت و بڤێ رێ بارزانی ئەنجامێن ئەرێنی ب دەستخستبوون ، چونکو یا دیارە ل دەڤەرێن ڤەقەتیایی هەمان رەفتارا سالێن چویی هەمبەر کوردان دهێتە کرن و مولکێ وان ژێ دهێتە ستاندن و مەبەست ژێ ئەرەبکرن دوبارەبکەنەڤە ئیتر یا گرنگە خالا دی یا بارزانی پێشنیازکری کو ئاستێ نوینەرایەتیا نەتەوێن ئێکگرتی ل هەرێما کوردستانێ بهێتە بەرزکرن ، ب هەبوونا ئەنجامەک ئەرێنی ل سەر ڤان پێشنیازا دێ ئەنجامێن ئەرێنی بو گەلێ کورد بدەستڤەئینیت .





ئەم هەواڵە 2938جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad