English | عربی | Kurdî دواهەواڵ
ڕاستەوخۆ  
 
گۆڤاری ئێکۆنۆمیست: کوردی سووریا ناتوانێت ببێته‌ هاوپه‌یمانی هه‌میشه‌ییی ئه‌مریکا
2019-05-25 [01:10 AM]

ZNA - هه‌ولێر


گۆڤاری ئێکۆنۆمیست ده‌ڵێت، تا ئه‌و کاته‌ی ئه‌مریکا له‌ كوردستانی رۆژئاوا بمێنێته‌وه‌ ئه‌وا له‌ به‌رژه‌وه‌ندیی کورد دایه‌، وتیشی، کوردی سووریا ده‌یه‌وێت وه‌ک هه‌رێمی کوردستان ببێته‌ هاوپه‌یمانی هه‌میشه‌ییی ئه‌مریکا به‌ڵام کۆمه‌ڵگا نێوده‌وڵه‌تی ئیداره‌ی خۆسه‌ری کورد له‌ باکووری سووریا به‌ فه‌رمی ناناسن به‌ڵام ناوچه‌ی خۆبه‌ڕێوه‌به‌ری هه‌رێمی کوردستان له‌ باکووری عێراق له‌ کۆمه‌ڵگا نێوده‌وڵه‌تییه‌کاندا به‌ فه‌رمی ناسراوه‌.

گۆڤاری ئێکۆنۆمیست دۆخی باکووری سووریای شی کردۆته‌وه‌ که‌ له‌ژێر کۆنتڕۆڵی کورددایه‌ و دۆخی ئێستای باکووری سووریا تا ئه‌و کاته‌ی که‌ ئه‌مریکا له‌و شوێنه‌ بمێنێته‌وه‌ به‌ به‌رژه‌وه‌ندیی کورد وه‌سف ده‌کات به‌ڵام هۆشداری ده‌دات هه‌ندێک بابه‌ت هه‌ن که‌ سه‌روه‌ریی کورد له‌ باکووری سووریا به‌ره‌وڕووی کێشه‌ ده‌کاته‌وه‌.

ئه‌و گۆڤاره‌ باسی له‌وه‌ كردوه‌، ژماره‌ی دانیشتوانی عه‌ره‌بی باکووری سووریا زیاتره‌ له‌ کورد و ئه‌م بابه‌ته‌ش به‌ له‌به‌رچاوگرتنی ناڕه‌زایه‌تیی ئه‌مدواییه‌ی عه‌ره‌ب نیسبه‌ت به‌ سه‌روه‌ریی کورد له‌سه‌ر باکووری سووریا ده‌توانێت مه‌ترسیدار بێت.

ئه‌وه‌شی روون كرده‌وه‌، پارتی کوردیی یه‌کێتیی دیموکراتی سووریا بۆچوونی لایه‌نی به‌رهه‌ڵستکاری خۆی به‌ هه‌ند وه‌رناگرێت و ئه‌م بابه‌ته‌ش ده‌ردیسه‌ر دروست ده‌کات.

ئه‌م گۆڤاره‌ ئاماژه‌ی به‌وه‌دا، له‌سه‌ر‌ داوای ئه‌مدواییه‌ی عه‌بدوڵڵا ئۆجه‌لان سه‌رۆکی زیندانی‌کراوی په‌که‌که‌ له‌ کورد بۆ دانووستان له‌گه‌ڵ ده‌وڵه‌تی سووریا، ژماره‌یێک له‌ سه‌رکرده‌کانی کوردی سووریا بۆ دانووستان له‌گه‌ڵ ده‌وڵه‌تی ناوه‌ندی سه‌ردانی دیمه‌شقیان کردووه‌.

گۆڤاری ئێکۆنۆمیست باس له‌وه‌ ده‌کات که‌ گرنگترین بابه‌ت به‌ لای کوردی سووریاوه‌ مانه‌وه‌ی ئه‌مریکا له‌و وڵاته‌یه‌ بۆ به‌قای ئه‌وان و ده‌نووسێت: کوردی سووریا ده‌یهه‌وێت وه‌ک هه‌رێمی کوردستان ببێته‌ هاوپه‌یمانی هه‌میشه‌ییی ئه‌مریکا به‌ڵام کێشه‌ ئه‌مه‌یه‌ که‌ ئیداره‌ی خۆسه‌ری کورد له‌ باکووری سووریا له‌ کۆمه‌ڵگا نێوده‌وڵه‌تییه‌کاندا به‌ فه‌رمی ناناسن به‌ڵام ناوچه‌ی خۆبه‌ڕێوه‌به‌ری هه‌رێمی کوردستان له‌ باکووری عێراق له‌ کۆمه‌ڵگا نێوده‌وڵه‌تییه‌کاندا به‌ فه‌رمی ناسراوه‌.

ئێکۆنۆمیست ده‌نووسێت، په‌یوه‌ندیی ئیداره‌ی خۆسه‌ری کورد له‌گه‌ڵ پارتی کرێکارانی کوردستان (په‌که‌که‌) سه‌رچاوگه‌ی زۆربه‌ی کێشه‌کانی ئه‌م داموده‌زگا له‌ باکووری سووریایه‌ چوونکه‌ نیگه‌رانیی تورکیای به‌دواوه‌ بووه‌ و ئه‌م بابه‌ته‌ش پشتیوانییه‌ نێوده‌وڵه‌تییه‌کان له‌ کوردی سووریا که‌م ده‌کاته‌وه‌.

 

 





ئەم هەواڵە 2542جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad