English | عربی | Kurdî دواهەواڵ
ڕاستەوخۆ  
 
شه‌ركرن ب چه‌كێ‌ (یۆنامی)!
2019-05-25 [02:12 AM]

نڤیسینا : شیرزاد نایف


ئاشتی ب شه‌ری دهێته‌ دی و شه‌ر ژی ب ئاشتیێ‌ دهێته‌ دی، ئه‌ڤه‌ پره‌نسیپه‌كه‌ ژ مێژه‌ مه‌ بهیستی د ناڤ په‌یره‌وێن خواندنێن سه‌ربازی و هه‌روه‌سا ژی د خواندنێن سیاسی ژی دا، به‌لێ‌ د فله‌سه‌فه‌یا خوه‌یا به‌حت دا، شه‌ر ب چه‌كێ‌ ئاشتیێ‌ دهێته‌ كرن، دبێژنێ‌ چه‌كێ‌ سپی، بێی رێتنا خوینێ‌، به‌لێ‌ ب گه‌هشتنا ئه‌نجامێن شه‌ری، ئها ئه‌و یا ڤه‌بره‌ و یا سه‌ركه‌فتی یه‌، چونكو مینا زانایێن شه‌ری دبێژن، چو لایه‌ن د شه‌ری شه‌ری دا دسه‌ركه‌فتی نینن، واته‌ هه‌ردولا لایه‌ن ددۆراندینه‌، هه‌كه‌ چو نه‌بیت، هه‌ر دێ‌ گیانێ‌ مرۆڤێن خۆ ژده‌ستده‌ن، و مرۆڤ ژی گرنگترین سامانه‌!!. 
وه‌كو دی ژی ئاشتی ژی ب شه‌ری دهێته‌ دی، به‌لێ‌ ب مه‌رجه‌كی كو نه‌هێرشكرن بیت، به‌لكو به‌رگری بیت ژ خۆ هینگی شه‌ر دبیته‌ په‌نایه‌كا ره‌وا!!. گرۆڤه‌ ژی بلا ئه‌م گه‌له‌ك دوور نه‌چین شه‌رێ‌ مه‌ یێ‌ ل دژی رێكخراوا تیرۆرستیا داعش و هه‌روه‌سا به‌رگریكرنا مه‌ ل داستانێن پردێ‌ و سحێلا و مه‌خمۆر و ..هتد. مه‌ نه‌ڤێت بچینه‌ د ناڤ هووراتیان دا، دا كو خوینداری نوونه‌بیته‌ ڤه‌، یا كو دوژمنێن مه‌زن بۆ مه‌ پیلاندارێتی..
ئه‌ڤجا پشتی وان هه‌می هه‌ولێن ب هه‌ردو جۆران بۆ ژناڤبرنا گه‌لێ‌ مه‌ ئه‌زمۆنا هه‌رێما كوردستانێ‌ یا بناڤوده‌نگ و ریفراندۆما سه‌ربخوه‌یێ‌ یا (بارزانیزمێ‌) بلا بیت، دوژمنێن مه‌ هاتنه‌ مه‌ ب شه‌ری ژی و ب جۆرێن پیلانێن سیاسی، به‌لێ‌ نه‌شیان مه‌ ژناڤببه‌ن، ئه‌و ژی ب زانین و سیاسه‌تا (راستۆ درستۆ ـ خارو شكه‌ستۆ) یا دو كه‌سێن كارێزما (مسعود بارزانی و نێچیرڤان بارزانی)، ژبه‌ر وێ‌ سه‌ربۆرا وان هه‌ی، شیان مه‌ ژ ده‌ستێن گه‌له‌ك چه‌په‌لان و درنده‌یان قورتال بكه‌ن و هه‌ر مه‌ های ژی خوه‌نه‌، ژره‌خه‌كی نێچیرڤان بارزانی مژوولی به‌رسڤدانا ڤان پیلانێن دژوار بوو ل سه‌ر ئه‌ردێ مه‌، كا چاوا و  ب چو تێكۆشان دێ‌ مه‌ ژ ڤان پیلانێن ئه‌ی و بی یێن گه‌له‌ك وه‌لاتان خلاس كه‌ت، ب تێكۆشان و ب گه‌له‌ك شێوازێن نه‌یێن باوه‌ری وه‌كو چوونا د ناڤ كۆلكه‌كی مین و ئه‌لغامان را، ل هه‌مان ده‌می ده‌می ژی و ب مخابنی ڤه‌، هنده‌ك ژ مه‌ كورد و كوردستانیان گوهێ‌ خوه‌ ددا ده‌ستكێن پیلانگێرێن كوردبوونێ‌، ب به‌هانه‌یێن نه‌بوونا مووچه‌ی و بۆدجه‌یی هه‌ر ئه‌وی دوژمنی بۆ مه‌ نه‌هێلای، ماته‌ دیتیه‌ ئێك به‌رگریێ‌ ژ شه‌ره‌فا مرۆڤی بكه‌ت و ژ پشتێ‌ ڤه‌ ژی مرۆڤ خه‌نجه‌ره‌كێ‌ ل وی بده‌ت؟!. به‌لێ‌ ئه‌ڤ چه‌نده‌ عقه‌له‌كێ‌ زانا ل پشت بوو، و ئه‌ڤ پرۆسه‌ برێڤه‌دبر، دزانی كو ئه‌زێ‌ هنده‌ یێ‌ زانامه‌، له‌ورا سه‌ره‌ده‌ریا كور و بابی نێچیرڤان بارزانی ل گه‌ل گه‌ل دكر، زێده‌باری ل به‌رچاڤوه‌رگرتنا سه‌ختیا قه‌یرانێ‌.. ئه‌ڤجا گرێدانێ‌ ڤێ‌ راستیێ‌ ب شه‌ركرنا چه‌كێ‌ یۆنامی، زنجیره‌كا پێكڤه‌گرێدایا گرنگه‌، چونكو ئه‌ڤه‌ دووماهی په‌نایه‌ یا كو كه‌سێ‌ هزر لێ‌ نه‌دكر، به‌لێ‌ هه‌ر وی عه‌قلێ‌ ئاڤابووی ب سه‌ربۆرێ‌ و ده‌ینامۆیا وی كارێزمابوون، یا كوڕێ‌ كوردستانێ‌ نێچیرڤان بارزانی بوو، كو هنده‌ك مۆشه‌كێن سپی یێن ئاشتیخوازانه‌ ل وژدانا نه‌حه‌زان وه‌ركه‌ت، ده‌ڤێ‌ وان لال بیت و هشێن وان بێده‌نگ بن و چو به‌رسڤ نه‌بن، بۆ ڤێ‌ راستیا خوه‌زایی، ئه‌و ژی هنارتنا وان هه‌ر پێنچ پێشنیاز و په‌یمان بیت، ئه‌و ب خوه‌ ب سروشتێ‌ هه‌لویستی ب ناڤ پێشنیازنن به‌لێ‌ په‌یامن پتر ژ كو پێشنیاز بن، په‌یامن د ناڤ رێزێن پیشنیازان، دا كه‌سه‌كێ‌ چپكه‌كا سیاسه‌تێ‌ دسه‌ری دا هه‌بیت، دێ‌ مه‌ره‌م و حنێرا وان په‌یامان زانیت!!. . نامه‌ بۆ سكرتێری گشتی نه‌ته‌وێن ئكگرتی بوو، پێنج خالێن سه‌ره‌كی پێشنیازكرن ده‌رباره‌ی كارێ به‌رنامێ نه‌ته‌وێن ئێكگرتی له‌ عیراق كو ب "یۆنامی" ناسیاره‌.
راسته‌ ئه‌ڤ نامه‌، ل پێش سێ‌ هه‌فتیان دهێت ژ ده‌نگدانا ئه‌نجوومه‌نێ ئاسایشا نێڤده‌وله‌تی ل سه‌ر پرۆژه‌ بڕیاره‌كێ‌ بۆ درێژكرنا كاری یۆنامی ل عیراقێ‌ بۆ ئێك سالا دیتر،
د ده‌می دایه‌ كو حوكمه‌تا عێراقێ‌ مژوولی به‌رهه‌ڤكرنا پلانه‌كێ‌ یه‌ بۆ كێمكرنا به‌رنامێ نه‌ته‌وێن ئێكگرتی ل عیراقێ‌.
ئێكه‌مین داخوازی یا نێچیرڤان بارزانی بۆ ئه‌نتۆنیۆ گوتێری ده‌رباره‌ی كه‌ركووكێ‌ و ناڤچه‌یێن ناكۆكی ل سه‌ر،  د نامه‌یا خوه‌ دا دبێژیت هنارتیێ‌ تایبه‌تێ سكرتێرێ گشتی یۆئێن ل عیراقێ‌ دكاریت "رۆله‌كێ سه‌ره‌كی بگێڕێت" وه‌كو ناڤبژیكار و ده‌سپێكرنا "دایه‌لۆگه‌كا چڕ" ل ناڤبه‌را هه‌ولێر و به‌غدا بۆ چاره‌سه‌ركرنا كێشه‌یان، ژ وان ژی: "جێبه‌جێكردنی مادده‌ی 140 دستوورێ عیراقێ‌".
و ئه‌ڤه‌ نیڤشكێ‌ ناكۆكیێ‌ یه‌ دناڤبه‌را به‌غدا و هه‌ولێرێ‌ دا، هه‌روه‌سا راستیه‌كه‌ عیراق نه‌وێریت دانپێدانێ‌ بكه‌ت ژ به‌ر گه‌له‌ك ئه‌گه‌ران ل پێشیا هه‌میان ژی وه‌لاتێن ده‌وربه‌رن، چونكو ئه‌و دستوورێ‌ مادێ‌ 140 دانایی هینگی ده‌ستێن وان نه‌ دگه‌هشتنێ‌ هه‌كه‌ هه‌ر هینگی دا خۆلیێ‌ ب سه‌رێ‌ وی ماده‌یی ژی وه‌ركه‌ن، به‌لێ‌ ئه‌و ماده‌ هه‌موو دزانن ب زه‌حمه‌ت و تێكۆشانا كیژ لایه‌نێ‌ كوردی بوو؟!، مانه‌ هه‌ر پارتی دیمۆكراتی كوردستان بوو، ب هێزترین حزب بوو ل سه‌رانسه‌ری عیراقێ‌ و حه‌تا ئه‌ڤرۆ ژی، تاكه‌ هێزا چه‌كدار و رێكخستی بوو ل عیراقێ‌ و هه‌می عیراق ب كۆنترۆلا وێ‌ بوو، هه‌می داموده‌زگه‌ه و سازی و ئوفیسێن عیراقێ‌ ل بن پاسه‌وانیا وێ‌ و پێشمه‌رگێ‌ وێ‌ ڤه‌بوون. دێ‌ یۆنامی ئێخیته‌(ئه‌مر الواقع)، كو یا دورست بكه‌ت، هه‌كه‌نه‌ ئه‌ڤه‌ هه‌تكبه‌ریا وێ‌ یه‌ن، كو چو رۆل نینن هه‌ما تنێ‌ ناڤه‌كه‌ ل سه‌ر كاغه‌زێ‌ و چو مافێن ره‌وا و پره‌نسیپێن مافێ‌ مرۆڤی نینن، ده‌ستێن سیاسه‌تێ‌ یێن د ناڤ دا و چو رۆل نینن، ما ئێك هه‌یه‌ لایه‌نه‌كێ‌ مه‌زنتر داخوازبكه‌ت بهێت ببیته‌ حه‌كه‌م و هه‌موو راستیان راده‌سی وی بكه‌ت، ب تنێ‌ هه‌كه‌ یێ‌ راست و دروست نه‌بیت، ئه‌ڤا نێچیرڤان بارزانی كری، ب نێرینا من وه‌كو قانوونه‌كا فیزیائی یه‌، كه‌س نه‌شێت ب شاش ل قه‌له‌م بده‌ت!!. و لۆتكه‌یا عه‌قلداریێ‌ یه‌، ئه‌و ژی ژ سه‌ربۆرێ‌ هاتیه‌!!. ئه‌وی ده‌روونا هه‌می لایه‌ن و سازیێن نیڤده‌وله‌تی وكه‌ساتیا باش خواندیه‌ و دزانیت چاوا هزر دكه‌ن و دێ‌ چ كه‌ن و چ بێَژن، له‌ورا ئه‌و ب وی زمانی ل گه‌ل وان دئاخڤیت كو تنێ‌ بێده‌نگێ‌ هه‌لبژێرن، لال بن نه‌زانن دێ‌ چاوا به‌رسڤا ڤی عه‌بقه‌ری ده‌ن، بلا خه‌لكێ‌ مه‌ شانازیێ‌ ب كه‌سه‌كێ‌ وی ڤی كارێزمایی ببه‌ن، و ئه‌وان دیتر ژی هه‌می ژ سیاسه‌تێن دوژمنایه‌.
بیرا مه‌ هات ل سالا بۆری نامه‌یه‌كا هه‌ڤشێوه‌ دا بۆ سكرتێرێ گشتی یێ‌ نه‌ته‌وێن ئێكگرتی و ئه‌ندامێن ئه‌نجوومه‌نێ ئاسایشا نێڤده‌وله‌تی، حوكمه‌تا هه‌رێما كوردستانێ‌ داخوازی كربوو د پرۆژه‌ بڕیارا ئه‌نجوومه‌نێ ئاسایشێ‌ دا كو  رۆلی نه‌ته‌وه‌ێن ئێكگرتی به‌رفره‌هتر لێبهیت بۆ چاره‌سه‌ركرنا كێشه‌یا كه‌ركووكێ‌ و ناڤچێن دابرین تێدا بهێت و یۆنامی ئه‌و رۆلێ‌ سه‌ره‌كی هه‌بیت. به‌لێ‌ سه‌ره‌ڕای پشتگیریا ئه‌مریكا بۆ وێ‌ داخوایێ، به‌لێ‌ بریتانیا كو به‌رپرسیارا سه‌ره‌كی یا باده‌كا عێراقێ‌ یه‌ ل ئه‌نجوومه‌نێ ئاسایشێ‌، ئه‌و داخوازیا هه‌ولێرێ پشتگوئێخست.
نابێژم بریتانیا یا جاران یا كو ئه‌و بریارا تاریكی بۆ مه‌ دای ل سایكس پیكۆت، و ئه‌م راده‌ستی وان چار وه‌لاتان كری و پارچه‌كرین، دا برین نوونه‌بیته‌ڤه‌، به‌لێ‌ بریتانیا هه‌تا نا چاڤێ‌ خوه‌ ل مافێن مه‌ دنقینیت و تووشی ئیحراجه‌كێ‌ دبیت ده‌مێ‌ پرسا پارچه‌بوونا كوردستانێ‌ دهێته‌ زمان!.
ئه‌ڤجا ده‌رباری ره‌شنڤیسێ پڕۆژه‌ بڕیارا ئه‌ڤ ساله‌ ژی ب گۆره‌ی هنده‌ك ژێده‌ران، كو یۆنامی چاڤه‌ڕێ یه‌ ل دووماهیا مه‌ها ئه‌یارێ‌ ده‌نگ ل سه‌ر بهێته‌دان، ئه‌و خاله‌ تێدا نینه‌. 
له‌ورا ژی حه‌تا نها ژی وه‌لاتێن ئه‌ندام د ئه‌نجوومه‌نی دا ب فه‌رمی به‌رسڤا نامه‌یا نێچیرڤان بارزانی نه‌داینه‌.
ئه‌ڤه‌ ژی وێ‌ گۆتنا مه‌ دسه‌لمینیت كو ده‌ڤێن وان لال كرینه‌!!
پێشنیازا دیتر یا نێچیرڤان بارزانی ده‌رباره‌ی ره‌وشا مرۆڤی ل كوردستانێ‌، د خاله‌كا دی دا، داخوازیا به‌رزكرنا ئاستی نونه‌رایه‌تیا نه‌ته‌وێن ئێكگرتی دكه‌ت ل هه‌رێما كوردستانێ‌ كو نوونه‌ره‌كێ‌ به‌رپرس بۆ نه‌ته‌وێن ئێكگرت بهێته‌ دانان ل هه‌ولێرێ‌ ل ئاستی جێگری هنارتیێ‌ سكرتێری گشتی بیت، دا ب چاڤێن خوه‌ راستیان ببینیت و بزانیت و هه‌ست بكه‌ت. به‌ره‌ڤاژی به‌غدا كو ڤی رۆلی بۆ وان كێمتر دكه‌ت، و مینا ب كۆلانكی دبێژن (كێتك ل مال نینه‌ن ناڤێ‌ مشكی شاهینه‌)!!. دا ب دلێ‌ خوه‌ بكه‌ڤیت و ئه‌جینده‌یێن هنده‌ك وه‌لاتان جێبجێ بكه‌ت!!. 
دیسا ژی داخواز دكه‌ت كه‌سه‌ك وه‌كو به‌رپرسێ كاروبارێن مرۆڤی یێن نه‌ته‌وێن ئێكگرتی بهێته‌ دیاركرن، چونكو ئه‌و پۆسته‌ ل سالا 2015 و ب ڤالاهی مایه‌ هه‌تا نها، ئه‌ون چ ودی دڤێت زێده‌تر، نێچیرڤان بارزانی یێ‌ رۆلێن وان یێن مری ساخ دكه‌ته‌ڤه‌ و رۆلێ‌ وان كارا دكه‌ت؟!. داخوازی ژی دكه‌ت بنگه‌یێ سه‌ره‌كی یێ‌ به‌رنامێ مرۆڤی ل نه‌ته‌وێن ئێكگرتی ژ به‌غدایێ‌ بهێته‌ ڤه‌گوهاستن بۆ هه‌ولێر، چونكو 90% ئاواره‌یێن سووریێ‌ له‌ عیراقێ‌ نه‌ و 60% هه‌موو ئاواره‌یێن عیراقێ‌ ل هه‌رێما كوردستانێ‌ نه‌. ئه‌ڤه‌ (ئه‌مر الوقع)ـه‌ یان نه‌؟! هه‌كه‌ نه‌ پا كار و ئه‌ركێن وان چنه‌؟! تنێ‌ مه‌زاختن و پێگۆتنه‌ ئه‌م ئه‌ڤ رێكخراوه‌ینه‌!!. خۆ هه‌كه‌ سه‌رۆكێ‌ ڤێ‌ رێكخراوێ‌ ئه‌ڤ هزرانه‌ كربن!.
یا ژ هه‌میێ‌ گرنگتر و گرێنتیتر دانپێدانا یۆئێنێ‌ یه‌ ب فیدرالیا هه‌رێما كوردستانێ‌ كو ببیته‌ پاشه‌رۆژ حه‌تا حه‌تایێ‌!. كو د خاله‌كا دی دا سه‌رۆكی حوكمه‌تا هه‌رێما كوردستانێ‌ دخواز دكه‌ت "فیدرالیزما هه‌رێما كوردستانێ‌" د راپۆرتێن نه‌ته‌وێن ئێگرتی دا ئاماژه‌ پێ بهێته‌ كرن و "دان پێ بهێته‌ كرن". ئه‌ڤجا گۆتنا من بۆ وان كوردانه‌ یێن گازندا دكه‌ن، ما ئه‌ڤه‌ نه‌ دوعایا دیبابانه‌؟، و بهایێ‌ وێ‌ چه‌ندێ‌ مه‌زنه‌!!
یا ژ ڤێ‌ هه‌میێ‌ دلخۆشتر هه‌روه‌كو ژێده‌رێن میدیای ئاماژه‌ پیێ‌ كری كو نه‌ته‌وێن ئێكگرتی ژماره‌یه‌كا راپۆرتێن ده‌وری یێن جودا ده‌رباره‌ی عیراقێ‌ یا به‌رهه‌ڤ دكه‌ت، كو یا ژ هه‌میان دیارتر راپۆرتا سكرتێرێ گشتی یه‌ و سێ هه‌یڤان جاره‌كێ‌ بۆ ئه‌نجوومه‌نێ ئاسایشا نێڤده‌وڵتی دهنێریت. د دوا راپۆرتا سكرتێرێ گشتی دا، دبێژن 33 جاران ناڤێ "حوكمه‌تا هه‌رێما كوردستانێ‌" تێدا ئینایه‌ و 12 جارێن دی ژی په‌یڤا فیدرالی بۆ وه‌سفكرنا داموده‌زگه‌هێن حوكمه‌تا عێراقێ‌ بكارهاتیه‌، ئه‌ڤ ژی هه‌می حنێره‌كه‌ هه‌كه‌ جیهانی خۆیابكه‌ت، بۆچی ئه‌ز و تو یێن كورد چاڤێ‌ خوه‌ لی بنقیبنین و بێژین ئه‌ڤه‌ سه‌ركه‌فتنه‌كا سپی یه‌ ل هه‌می دوژمنێن ره‌ش!!..





ئەم هەواڵە 2812جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad