English | عربی | Kurdî دواهەواڵ
ڕاستەوخۆ  
 
نامه‌یا ئاشتیێ
2019-05-27 [01:23 AM]

نڤیسینا : ئاشتى فه‌تحى بێسفكى


كورد ب درێژاهیا مێژوویا خوه‌ هه‌رده‌م هه‌لگرێن ئالاڤێن ئازادیێ بوینه‌ و رێكێن ئاشتیانه‌ بكارئیناینه‌ ، هه‌ر ژ ده‌ست پێكا خه‌باتا خوه‌ یا سه‌د سالى و هه‌تا نوكه‌ هیچ ده‌مه‌كى نه‌خواستیه‌ كو هه‌لگرێن ئامرازێن ئاژاوه‌گێریێ و جه‌نگى بن ، هه‌رده‌م بتنێ پارێزگاری ژ خوه‌ كریه‌ و قه‌بویل نه‌كریه‌ هیچ كه‌سه‌ك زورداریێ لسه‌ر كوردان ب چه‌سپینیت ، ماوه‌یه‌كه‌ ل ناوچه‌داریێن ل ژێر مادده‌یا 140 ژ ده‌ستورێ عیراقا فیدرال كه‌فتینه‌ ل هه‌مبه‌ر پێله‌كا گه‌فان ژ ئالیێ هنده‌ك گروپ و لایه‌نێن عه‌ره‌بى یێن نه‌دیار كو دڤێن جاره‌كا دیتر سیاسه‌تا شوڤێنیه‌تى و ته‌عریب كرنێ ب چه‌سپینن ل ناوچه‌یێن لژێر مادده‌یا 140 و زێده‌بارى تالانكرنا مال و سامانێن خه‌لكێن سڤیل و ئه‌ردێن جوتیارێن كورد ، یا دیاره‌ هێشتا عیراق ل قوناغا عه‌قلێ پاشڤه‌ماى دا خو گه‌شه‌دكه‌ت و ب ئالاڤێن هزرێن نه‌ته‌وه‌ په‌رستنێ و توندره‌ویا ئاینى خو رازى دكه‌ت كو خویایه‌ چ گوهورینێن هزرى د كومه‌لگه‌ها جیهانى یا نوى ب خوڤه‌ نه‌دییتنه‌ ، ئه‌ڤ چه‌ندا هه‌نێ زه‌نگه‌كا مه‌ترسیداره‌ ژ بو گشت كوردان كو دووباره‌ بیرئانینامه‌ ل رژێما گوربه‌گورا به‌عس دئینیت ، ئه‌ڤ چه‌ندا روویداى جوره‌كه‌ ژ سیاسه‌تا ژناڤبرنا كوردان به‌لێ ب شێوازه‌كێ دیتر و ب ته‌كنیكه‌كا دیتر ، هه‌روه‌سان د نوكه‌ دا شوڤینیه‌تا عه‌ره‌بان ل ناوچه‌یێن لژێر مادده‌یا 140 بهێز بوویه‌ ، ئه‌گه‌ر زوى چاره‌سه‌رى نه‌ هات دیتن شوینوار و كارتێكرنا وێ سیاسه‌تا شوڤێنیه‌تى دوور نینه‌ ل زور جهێن دیتر بهێته‌ چه‌سپاندن ، فراكسیونێن كوردى ل په‌رله‌مانێ عیراقێ روله‌كێ باش هه‌بوویه‌ ل هه‌مبه‌ر ئه‌ڤان ئاژاوه‌گێران لێ پێدڤیه‌ ب پروژه‌ و یاسایان ل هه‌مبه‌ر ئه‌ڤێ سیاسه‌تا شوڤێنیه‌تى یا عه‌ره‌بان راوه‌ستن و دوماهیكێ ب تالانكرنا سامان و زه‌ڤیێن كوردان بینن ، خوشبه‌ختانه‌یا هه‌ر زوو سه‌روك بارزانى هاته‌ خه‌ت و داخاز ژ حكومه‌تا عیراقێ كر كو هه‌ر زویكا پێدڤیه‌ چاره‌سه‌ریێ بینن ژبوى ئه‌ڤان زێده‌گاڤیێن ل دژى كوردان ، هه‌روه‌سان سه‌روك وه‌زیرێن هه‌رێما كوردستانێ (نێچیرڤان بارزانى) ل 13 ى گولانێ  ب نامه‌كا پێنج خالى پێنج پێشنیاران ژ بوى سكرتێرێ گشتى یێ نه‌ته‌وێن ئێكگرتى دیاردكه‌ت ، كو ل خالا ئێكه‌مین دا پێشنیار دكه‌ت كو (یوئێن) ل وه‌لاتێ عیراقێ ببیته‌ دادڤان ژبو جێبه‌جێكرنا مادده‌یا 140 ژ ده‌ستوورێ عیراقا فیدرال ، ئه‌ڤ نامه‌ بومه‌ دیاردكه‌ت كو كورد هه‌رده‌م ژبو هه‌ر روى ب روى بونه‌كا دژى كوردان رێكێن دبلوماسى و ئاشتیانه‌ دگریته‌ به‌ر  ، ئه‌ڤ چه‌ندا هه‌نێ ژى پێدڤیاتى ب كه‌سێن خودان ئه‌زموون و دبلوماسیێن سه‌ركه‌فتى دهێته‌ پێش ، به‌رسڤا نه‌ته‌وه‌یێن ئێكگرتى یا گه‌شبین بوویه‌ كو پشتى پێكئینانا حكومه‌تا نوى دێ كار لسه‌ر جێبه‌جێ كرنا مادده‌یا 140 هێته‌ كرن ژلایێ نه‌ته‌وێن ئێكگرتى ڤه‌ ، له‌وران ئه‌ڤ ئالاڤێ سه‌روك وه‌زیران گرتیه‌ به‌ر جهێ ده‌ست خوشیێ یه‌ و پێدڤیه‌ هه‌ر چ زوویه‌ حكومه‌تا نوى بهێته‌ پێكئینان ژبه‌ركو هاولاتێن كوردستانى چاڤه‌رێ هیڤى و خه‌ونێن مه‌زنن ژبو گه‌لێ خوه‌ .





ئەم هەواڵە 3256جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad