 |
|
|||
ZNA - هه‌ولێر
گوتەبێژی ئەنجومەنی باڵای دادوەری عێراق رایگه‌یاند، بە ئامادەبوونی نوێنەرانی حکومی عێراق و توركیا و ڕێکخراوە نێودەوڵەتیـیەکان دەیان منداڵی خێزانە تورکەکانی ناو داعشی ڕادەستی تورکیا کردووە. ئەمڕۆ چوارشەممە عه‌بدولسه‌تار به‌یره‌قدار وتی، دادگای لێکۆڵینەوەی ناوەندی کە بەرپـرسە لە کەیسەکانی تێرۆر و تاوانبارە بیانیـیەکان، 188 منداڵی پاشماوه‌ی داعشی ڕادەستی تورکیا کردووە. به‌یره‌قدار باسی له‌وه كرد، له نێو ئه‌و منداڵانه کەسانی گه‌وره هەن کە تاوانبارکرابوون بە بەزاندنی سنوور و ماوەی حوکمەکانیان تەواوبووە. باسی لەوەش کرد ڕادەستکردنەکە بە ئامادەبوونی نوێنەرانی وەزارەتی دەرەوەی عێراق و باڵیۆزخانەی تورکیا و ڕێکخراوی نێودەوڵەتیـیەکانی وەکو یونیسێف کراوە. ئه‌وه‌شی روون كرده‌وه، دەزگای دادوەری سەرپەرشتی پـرۆسەکەی کردووە هەتا ئەو ساتەی منداڵەکان سواری ئەو فڕۆکەیە کراون کە بردونیەتەوە بۆ وڵاتەکەیان.
ئەم هەواڵە 2383جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad