English | عربی | Kurdî دواهەواڵ
ڕاستەوخۆ  
 
حكومه‌ت: زیاتر له‌ یه‌ك ملیۆن و 200 هه‌زار ئاواره‌ پێویستیان به‌ هاوكارییه‌
2019-05-30 [10:47 AM]

ZNA - هه‌ولێر


رێکخەری راسپاردە نێودەوڵەتییەکان لە حکومەتی هەرێم رایگه‌یاند، بۆ ساڵی ٢٠١٩ ملیۆنێک و ٢٠٠ هەزار ئاوارە و پەنابەر لە هەرێمی کوردستان پێویستان بە هاوکارییە، لەو ژمارە خەڵکە ٤٩٠ هەزار لە دهۆک، ٤٨٠ هەزار لە هەولێر و ١٩٠ هەزار لە سلێمانین.

لە دوای ساڵی 2003ــەوە بەردەوام خەڵکی ناوچەکانی ناوەڕاست و باشووری عێراق و ژماره‌یه‌كی زۆر ئاواره‌ و په‌نابه‌ر به‌هۆی شه‌ڕ و نا ئه‌منیه‌كانی عێراق و سووریا روویان له‌ هه‌رێمی كوردستان كردووه‌ و ناوچەکانی خۆیان جێهێشتووە. پێش شاڵاوی تیرۆریستانی داعش حکومەتی هەرێم لە زۆر رووەوە هاوکاری ئاوارەکانی کردووە کە لە پێکهاتە ئایینی، نەتەوەیی و مەزهەبییەکان پێکهاتوون بەڵام لە ئێستادا بەهۆی زۆری ژمارەی ئاوارە و پەنابەران بەپێی توانا هاوکاری دەکرێن.

د.دیندار زێباری، رێکخەری راسپاردە نێودەوڵەتییەکان لە حکومەتی هەرێم رایگەیاند "بۆ ساڵی ٢٠١٩ نزیکەی 6.7 ملیۆن کەس پێویستیان بە هاوکاری هەیە بەڵام تەنها 1.75 ملیۆن کەس بۆ هاوکاری کردن کراونەتە ئامانج و بۆ ئەم مەبەستەش بڕی 701 ملیۆن دۆلار تەرخان کراوە. ئەوەی شایەنی باسیشە کە لایەنە پەیوەندیدارەکان هەوڵی تەواوی خۆیان دەدەن ئەو 183 پرۆژەیەی لەلایەن پلانی وەڵامدانەوەی مرۆیی ئامادە کراون بگاتە دەست ئەو ملیۆن و ٧٥٠ هەزار کەسەی کە هاوکارییەکانیان پێشکەش دەکرێت. بڕیار وایە هەموو هاوبەشەکان ستراتیجیەت و پلانی خۆیان تا ناوەڕاستی ساڵی ٢٠١٩ ئامادە بکەن و هاوکارییەکان بگەیەننە ئەو کەسانەی پێویستیان پێیە. پلانەکە زیاتر پاراستن، تەندروستی، پاک و خاوێنی، ئەمنیەتی خۆراک، کەمپەکان و بەڕێوەبردنی کەمپەکان، خوێندن و هاوکاری دارایی کردووەتە ئامانج".

رێکخەری راسپاردە نێودەوڵەتییەکان لە حکومەتی هەرێم لە درێژەی قسەکانیدا رایگەیاند" زیاتر لە ٤ ملیۆن و ٢٠٠ هەزار کەس لە ناویاندا ٢ ملیۆن منداڵ گەڕاونەتەوە ناوچەکانی خۆیان، ئەمە لە کاتێکدایە هێشتاش ملیۆنێک و ٧٠٠ هەزار کەس لە ناویاندا ٨٠٠ هەزار منداڵ لە ئاوارەییدا دەژین. هەرچی سەبارەت بە هەرێمی کوردستانیشە ملیۆنێک و ٢٠٠ هەزار کەس لە هەرێمی کوردستان پێویستان بە هاوکارییە. لەو ژمارە خەڵکە ٤٩٠ هەزار لە دهۆک، ٤٨٠ هەزار لە هەولێر و ١٩٠ هەزار لە سلێمانین. ئەو پلانەی بۆ ساڵی ٢٠١٩ دارێژراوە هاوکاری نیو ملیۆن کەس لەخۆدەگرێت لەلایەن ٣٩ هاوبەشەوە و بڕی ١٠٩ ملیۆن دۆلاری ئەمریکی بۆ تەرخانکراوە".

زێباری راشیگەیاند " حکومەتی هەرێم ئەوەی لە توانایدا بووە بۆ هاوکاری کردنی ئاوارە و پەنابەران درێغی نەکردووە بە جۆرێک ئاوارە و پەنابەران هەمان مافی خەڵکی هەرێمیان هەیە لە رووی یاساییەوە زۆرینەی ئاوارە و پەنابەران لە هەرێمی کوردستان لە دەرەوەی کەمپەکان دەژین و تێکەڵ بە خەڵک بوونە بۆ نموونە لە شاری دهۆک ١١٥ یەکەی نیشتەجێبوونی نافەرمی بووەتە پەناگەی زیاتر لە ٢٥ هەزار ئاوارە و پەنابەر بۆ ماوەی زیاتر لە چوار ساڵە و ئەمە بەرزترین رێژەی جێگیر بوونی نافەرمییە بە بەروارد بە پارێزگاکانی دیکەی عێراق. ئەوەی کە زۆرینەی ئاوارە و پەنابەرانەی لە کەمپەکانی کوردستان دەژین ئامادە نین بگەڕێنەوە سەر ماڵ و حاڵی خۆیان ئەم قسانەمان پشتڕاست دەکاتەوە".

دیندار زێباری لە درێژەی قسەکانیدا دەڵێت "زیاتر لە سێ بەش لە کۆی ملیۆنێک و 800 هەزار ئاوارە و 250 هەزار پەنابەر لە عێراق بەردەوام داوای پارێزراوبوونی زیاتر دەکەن لە هەرێمی کوردستاندا، چوار ناوچە لە ٢١ شار و شارۆچکە لە هەرێمی کوردستان پێویستی یەکجار زۆیان هەیە بۆ ئەوەی پێداویستی ئاوارە و پەنابەرەکان کە نیوەی ژمارەی خودی خەڵکەکەیە دابین بکەن. ئەمەش لە ١٢ مانگی داهاتوودا فشارێکی زیاتر دەخاتە سەرسەرچاوەکانی هاوکاری کردن ئەمە لە کاتێکدایە بەشێک لە کەمپەکان پێویستە هاوکاری زیاتریان پێشکەش بکرێت. چادری باشیان بۆ دابین بکرێت و پاک و خاوێنی و دابینکردنی پێداویستی تەندروستی بۆیان بەرەوپێشتر ببرێت، هەروەها رەوشی پەروەردە و ژیان بەرەو پێش ببرێت و پێویستە چارەسەری درێژخایەن بۆ ئەم کێشانە لە کەمپەکان بدۆزرێتەوە.

لە کۆتایی لێدوانەکەیدا د.دیندار زێباری، رێکخەری راسپاردە نێودەوڵەتییەکان لە حکومەتی هەرێم دەڵێت "لە ماوەی رابردوودا 1،234،891 ئاوارە و 272،900 پەنابەر روویان لە هەرێمی کوردستان کردووە کە نزیکەی ٧٩%ی ئەم ئاوارە و پەنابەرانە لەناو شار و شارۆچکەکانی هەرێمی کوردستاندا دەژین و ئەوانی دیکەشیان لە ٣٨ کەمپ دەژین کە لە شار و شارۆچکەکانی هەرێمی کوردستان بۆیان دروستکراوە و لەلایەن ١٦٠ رێکخراوی ناوخۆیی و لۆکاڵییەوە هاوکاری دەکرێن. شاری هەولێر پشکی بەرچاوی بەرکەوتووە لە وەرگرتنی ژمارەیەکی زۆر ئاوارە و پەنابەر، لەم شارەدا 667،529 ئاوارە و 135،764 پەنابەری لەخۆ گرتووە".





ئەم هەواڵە 2395جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad