English | عربی | Kurdî دواهەواڵ
ڕاستەوخۆ  
 
ده‌وله‌ت سازیێ پێتڤى ب ده‌وله‌ت سازان هه‌یه‌
2019-05-30 [12:09 PM]

نڤیسینا : رێژین نهێلى


مه‌ره‌م ژ چه‌مكێ ده‌وله‌ت لڤێره‌ مه‌دڤێت ئاماژێ بده‌ینه‌ بزاڤا حكومرانیێ و به‌رده‌وامى دانێ ب ئه‌ڤێ بزاڤێ ل هه‌مى قوناغان چونكه‌ دام و ده‌زگه‌هێن وێ ده‌وله‌تێ یان حكومه‌تێ ل روژهه‌لاتا ناڤه‌راست گرێدایى كه‌سى ئێكێ یێ حكومه‌تێ نه‌ له‌ورا زوربه‌یا پێشكه‌فتن یان شكه‌ستنێن ده‌وله‌تێ بو كه‌سێ ئێكێ دزڤرن ئه‌وژى چ سه‌روك كوماربیت یان سه‌روك حكومه‌ت بیت , لڤێره‌ سیسته‌مى سیاسى ئه‌ڤى چه‌ندێ دیاردكه‌ت . هه‌رده‌مێ گوهرینێن ئه‌رێنى د سه‌كته‌رێن جودا جودا هاتنه‌ دیتن كول هه‌موو ئاستان ژیانا خه‌لكى هاته‌ گوهارتن ل وى ده‌مى ئه‌و حكومه‌ت یا گه‌شێ دكه‌ت و یا سه‌ركه‌فتیه‌ . نه‌خاسمه‌ لده‌مێ كریزێن سیاسى و ئابورى و له‌شكه‌رى دروست دبن  هزر و فه‌لسه‌فا كه‌سێ ئێكێ ل ده‌وله‌تێ رول و كاریگه‌ریا خوه‌ هه‌یه‌ گه‌له‌ك جاران دبیته‌ ئاسته‌نگ وگه‌له‌ك جارانژى دبیته‌ ئه‌گه‌رێ ده‌رباز بون ژوان كریزان . لڤێرێ رێزدار (نێچیرڤان بارزانى )نمونه‌كا زیندیه‌ ل ده‌ڤه‌رێ كو رولێ كه‌سایه‌تیا بومه‌ دیار و ده‌ست نیشان دكه‌ت . ده‌مێ ئه‌م ڤان جورا بابه‌تان دنڤیسین دیاره‌ كاریگه‌ریا كه‌سایه‌تیه‌كێ لسه‌ر نڤیسینامه‌هه‌یه‌ و  دبیت هنده‌ك وه‌سا هزربكه‌ن ئه‌ڤ نڤیسینه‌ پتر كه‌سایه‌تیه‌ به‌لێ راسته‌ چونكه‌ دڤێت ئه‌م ژبیرنه‌كه‌ین  ده‌وله‌ت ب زه‌لامان دهێته‌ ئاڤاكرن له‌ورا هه‌لسه‌نگاندنا پروسا حكومرانیێ یا ڤه‌ده‌ره‌ ژ كه‌سان نمونه‌ ، 
ده‌مێ هه‌لسه‌نگاندنا وه‌زیران دهێته‌كرن دى بینى كه‌سه‌ك ژ كه‌سه‌كێ دى باشتر شیایه‌ وه‌زیفه‌تا خوه‌ ئه‌نجام بده‌ت و پاشان خرابیێن هه‌موو وه‌زیران كه‌سێ ئێكێ كو سه‌روك وه‌زیرانه‌ لێ به‌رپرسیاره‌ . ئه‌ڤجا ئه‌گه‌ر ئه‌م هه‌لسه‌نگاندنا چوار سالێن ده‌رباز بوویى  یێن حكومرانیا هه‌رێما كوردستانێ بكه‌ین ، جه‌نابێ نێچیرڤان بارزانى نه‌بتنێ وه‌كه‌ سه‌روك وه‌زیران رول هه‌بویه‌ به‌لێ وه‌كو كاریزمایه‌كێ سیاسى ژبو چاره‌سه‌ریا كێشه‌ و گرفتێن لایه‌نێن سیاسى و رێكخستنا نافمالا كوردى و دروستكرنا باوه‌ریى دناڤبه‌را خه‌لكى و ده‌ستهه‌لاتێ ، دروستكرنا پێگه‌هێ هه‌رێمێ ژلایێ هه‌رێمێ ڤه‌ و پاراستنا قه‌واره‌یى َسیاسى  یى هه‌رێما كوردستانێ دگه‌ل دابین كرن و پاراستنا ژین و ژیارا خه‌لكى . ئه‌ڤه‌هه‌موو نه‌كێمن ژبو كه‌سایه‌تیه‌كێ ل قوناغێن سه‌خت و دژوار دگه‌ل دووزا ملله‌تى خوه‌بیت ب هه‌موو پیڤه‌رێن ده‌ستهه‌لاتداریێ .كابینێن بورى یێن كاك نێچیرڤان بارزانى شیاینه‌ خه‌موو وان به‌ربه‌ستان بشكێنن یێن بو دهاتنه‌ دروستكرن یانژى ژ سروشتى كارى دروست بوین .گوهرینا رولێ كه‌سان لگوره‌یى گوهرینا ده‌م وجهى یان دگه‌ل گوهرینا وان گورانكاریێن دروست دبن مه‌رج و تایبه‌تمه‌ندیێن خوه‌ هه‌نه‌ بو نمونه‌ لده‌مێ شه‌ران یان لده‌مێ ئاشتیێ و كریزان ، سه‌قامگیریێ ، گوهرینا پوسته‌ بو پوسته‌كێ دى و ئه‌و قوناغا مروڤ وه‌كو ملله‌ت تێدا دبوریت دیاره‌ مه‌ره‌ما مه‌لڤێره‌ ئه‌وه‌ قوناغا داهاتى قوناغا گوهرینێن مه‌زنه‌ ل كوردستانێ هه‌م كابینا داهاتى دێ شێوازه‌كێ دى هێته‌ پێك ئینان و دیسان سه‌روكاتیا هه‌رێمێ ژى دێ كه‌سه‌كێ دى ئه‌ڤێ ده‌ستهه‌لاتێ وه‌رگریت و ئێك ژ خالێن ژهه‌موویان ئه‌رێنى تر ئه‌وه‌ راده‌ستكرنا ده‌ستهه‌لاتێ یه‌  كو كلیلا دیمه‌كراسیه‌تێ یه‌ ل جڤاكێن پێشكه‌فتى ل هه‌رێما كوردستانێ .راسته‌ ئه‌ڤ چه‌نده‌ دناڤ حزبه‌كا سیاسى بخوه‌ دایه‌ كو شیایه‌ حزبا ئێكێ بیت بێ هه‌ڤركه‌ك به‌لێ ئه‌زمونه‌كا نوى ژى ل ده‌ڤه‌رێ بڤى شێوازى ده‌ستهه‌لات بهێـته‌ راده‌ستكرن یان به‌رى نوكه‌ كوشتن و كودتا ئامرازێن گوهرینێ بوینه‌ یانژى هنده‌ك هه‌لبژارتنێن شكلى بوینه‌ . بومه‌ كوردا هه‌م پروسا سیاسى و دیموكراسى زوور گرنگه‌ ژبو پاراستنا سومعه‌تا نیڤ ده‌وله‌تى هه‌م ژى ئه‌ف پوسته‌ ب كه‌سه‌كى بهێته‌ راسپاردن كو بشێت نوینه‌راتیا راسته‌قینه‌یا به‌رژه‌وه‌ندیێن هه‌رێما كوردستانێ بكه‌ت كو بشێت و ئه‌و ئه‌و كه‌س خودان سه‌ربور و لێهاتن بیت د هه‌موو بیاڤه‌كێ دا و ب دیتنامن یا تاكه‌ كه‌سى  وه‌ك نڤیسه‌ره‌ك من چ گومان نیه‌ ژهندێ كو كاك نێچیرڤان بارزانى دێ روحه‌كا دى ده‌ته‌ ئه‌ڤى پوستى ژبو هه‌رێما كوردستانێ ژى پێتڤیه‌كا دیروكیه‌ چونكه‌ دناڤبه‌را ده‌م و جهى دا گوهرین دروست دبن و كاریگه‌ریێن سیاسى ژى لسه‌ر  هه‌رێمێ هه‌نه‌ له‌ورا بو دانا سه‌نگێ بو ده‌زگایه‌كێ شه‌رعى یێ بڤى قه‌واره‌ى و ده‌ستهه‌لاتانڤه‌ پێتڤى ب كه‌سه‌كێ خودان شیان هه‌یه‌ كو ئه‌ندازیارێ هه‌رێمێ لسه‌ر ده‌ستێ وى بهێته‌ دارێشتن . ل دوماهیك بو به‌رده‌وامى دانا رولێ (سه‌روك بارزانى ) كو هه‌موو كوردان شانازى ب رولى جه‌نابى وى كرینه‌ پێتڤى ب كاریزما كاك نێچیرڤان بارزانى هه‌یه‌ كوهه‌مان رێك و میتودێن سیاسیێن جه‌نابێ سه‌روكى بپارێزیت و به‌رده‌وام گه‌شێ تێدا دروست بكه‌ت .





ئەم هەواڵە 1651جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad