English | عربی | Kurdî دواهەواڵ
ڕاستەوخۆ  
 
سیاسەتمەدارێکی کورد: پارتی هه‌نگاوێكی پۆزه‌تیڤی ناوه‌
2019-06-03 [03:17 AM]

ZNA - هه‌ولێر


 

 دوای ئه‌وه‌ی لەسەر فه‌رمانی سەرۆک بارزانی، هەموو جۆرە گوتار و نوسینێکی گرژ، کە پێی دەگوترێ هێرشی راگەیاندن لە تەواوی دامودەزگاکانی پارتیمان یەک لایەنانە لە ئەمڕۆوە (۳ی٦ی۲٠۱۹) وە رادەگیرێت، سیاسەتمەدارێکی کورد ئاشكرای كرد، بڵاوکردنەوەی ڕێککەوتنەکەی نێوان پارتی و یەکێتی کارێکی زۆر باشە و ئێستا بۆ خەڵک ڕوون بووەتەوە کێ هه‌ڵه‌ی ھەیە، دەستپێشخەرییەکەی پارتیش بۆ ئەوەی ھەموو جۆرە گوتارێکی گرژ ڕابگیرێت زۆر گرنگ و پۆزتیڤە.

مەحموود عوسمان، سیاسەتمەداری کورد، به‌ ماڵپه‌ڕی فه‌رمی پارتی دیموكراتی كوردستانی راگه‌یاند، ئەو دەستپێشخەرییەی پارتی کردوویەتی زۆر باش و پۆزەتیڤە و شەڕی ڕاگەیاندن جگە لە زیان سوودی نییە و پێویستە ھەموو پێکەوە ھەوڵی چارەسەرکردنی کێشەکان بدەن، بۆ ئەوەی بتوانن حکوومەتێک بە زووترین کات پێک بێنن، چونکە ھەشت مانگ و ھەفتەیەک بەسەر ھەڵبژاردندا تێپەڕ بووە، بۆیە پارتی ھەنگاوێکی ئیجابیی ناوە.

مەحموود عوسمان گوتیشی، بڵاوکردنەوەی ڕێککەوتنەکەی نێوان پارتی و یەکێتیش کارێکی زۆر باشە و ئێستا بۆ خەڵک ڕوون بووەتەوە کێ هه‌ڵه‌ی ھەیە، چونکە ھەموو خاڵەکان شتێک نین بشارێنەوە و پێویستە خەڵکی کوردستانیش ئاگاداری ڕێککەوتنەکان بێت.

ئه‌وه‌شی خسته‌روو، پێویستە ھموو لایەنەکان بێنە پێشەوە و ڕێککەوتنیش کراوە و تەنھا لەسەر ھەندێک پۆست ماوە نابێ ئەویش ببێتە کۆسپ و پێویستە بەزوویی چارەسەر بکرێت و چی دیكه‌ خەڵکی کوردستان چاوەڕێی پێکھێنانی حکوومەت نەکات.

پێشتر هه‌ر ئه‌مڕۆ مەحمود محەمەد گوتەبێژی پارتی دیموکراتی کوردستان له‌ راگه‌یه‌نراوێكدا رایگه‌یاند، ئەم بارودۆخە هەستیارەی ناوچەکە و عێراق بەگشتی و، کوردستان بە تایبەتی، کەشێکی ئارام و تەحەمول و لەخۆبردوویی زیاترمان لێ دەخوازێ. بەداخەوە لە ئاکامی گوتار و نووسینی پێشتری چەند کەسێکی باڵا دەست و بەشێک لە راگەیاندنەکانی یەكێتی نیشتمانی کوردستان کە بە زمانی زبر و دوور لە ئەتەکێتی سیاسی و راگەیاندن هێرشیان کردە سەر کەسایەتی و پارتیشمان، گرژی لە راگەیاندنەکانەوە دروست بوو

مه‌حمود محه‌مه‌د وتیشی، لەپێناو بەرژەوەندی گشتی و لەسەر ئەمری جەنابی سەرۆک مەسعود بارزانی، بۆ خزمەتی پرۆسەی سیاسی و هەڕێمەکەمان و، بۆ رەواندنەوەی دڵەڕاوکێ و نیگەرانی هاوڵاتیانی خۆشەویست، لەم بەرە بەرەی جەژنی پیرۆزی رەمەزانەدا، هەموو جۆرە گوتار و نوسینێکی گرژ، کە پێی دەگوترێ هێرشی راگەیاندن لە تەواوی دامودەزگاکانی پارتیمان یەک لایەنانە لە ئەمڕۆوە (۳ی٦ی۲٠۱۹) وە رادەگیرێ.

 





ئەم هەواڵە 4255جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad