English | عربی | Kurdî دواهەواڵ
ڕاستەوخۆ  
 
ئەمرۆ لە ئێران یەكەم رۆژی جەژنە
عەلی خامنەیی لەتاران پێشوێژیی نوێژی جەژنی کرد
2019-06-05 [11:57 AM]

ZNA - هەولێر


ئەمرۆ لە ئێران یەكەم رۆژی جەژنی رەمەزانە و سەر لەبەیانیش رێبەری كۆماری ئیسلامی ئێران پێشنوێژی جەژنی كرد، لەوتارەكەشدا ھۆشداری بە سعوودیە دا.

ئەمرۆ چوارشەممە لە ئێران یەكەم رۆژی جەژنی رەمەزانە، سەر لەبەیانیش عەلی خامنەیی رێبەری كۆماری ئیسلامی ئێران پێشنوێژی جەژنی كرد.

رێبەری ئێران لە وتاری جەژندا رایگەیاند كە ئێران بەھەموو شێوەیەك دژی رێكەوتنی سەدە لەسەر فەڵەستین دەوەستێتەوە، ھەڕەشەشی لە سعوودیە كرد كە لەگەڵ ئەمریكا دژی بەرژەوەندییەكانی ئیسرائیل ھەنگاو نەھاوێت، رێبەری ئێران داواشی لەخەڵك كرد كە بەھاناوی لافاو لێدراوانی پارێزگای خوزستانەوە بچن.  ئەمرۆ ھاوكات لەگەڵ ئێران لە بەشێك لە عێراق و لەسوریاش رۆژی یەكەمی جەژنی رەمەزانە. لە رۆژھەڵاتی كوردستان دوێنێ سێشەممە یەكەم رۆژی جەژنی رەمەزان بوو.

لەکاتێکدا زۆربەی وڵاتانی ئیسلامی رۆژی سێشەممەیان وەک یەکەم رۆژی جەژن راگەیاندبوو، بە فتوای عەلی خامەنەیی لە ئێران رۆژی چوارشەممە کرایە جەژن.

خەڵکی رۆژهەڵاتی کوردستان رۆژی سێشەممە لەگەڵ هەرێمی کوردستان کردیان بە جەژن.

لەلایەکی دیکەوە "مەحموود سادقی" نوێنەرێکی شاری تاران لە مەجلیسی ئێران ئەمڕۆ لە توییتێکدا بڵاو کردەوە کە حکومەت لە تارانی ئیزنی بە سوننەکان نەداوە لەم شارە نوێژی جەژن بکەن.

 





ئەم هەواڵە 5902جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad