English | عربی | Kurdî دواهەواڵ
ڕاستەوخۆ  
 
کوردانی رۆژئاوا، دوو ئافره‌ت و شه‌ش منداڵی ئەمەریکی له‌ پاشماوه‌كانی داعش گه‌ڕانده‌وه‌ وڵاتی خۆیان
2019-06-05 [04:15 AM]

ZNA - هه‌ولێر


 

بەڕێوەبەرایەتی خۆسه‌ری باكو و رۆژهه‌ڵاتی سوریا ئاشكرای كرد، لەسەر داوای حکومەتی ئەمەریکا و به‌بێ هیچ فشارێك دوو ئافره‌ت و شه‌ش منداڵ لە خێزانەکانی داعش کە هاوڵاتینامەی ئەمەریکایان هەیە گەڕێندراونەتەوە ئەمەریکا، به‌ڵام ناسنامه‌یان دیاری نه‌كرد.

ئەمڕۆ چوارشەممە لە ڕاگەیه‌نراوێكدا کەمال عاکف گوتەبێژی بەڕێوەبەرایەتیـیەکە رایگه‌یاند، لەسەر داوای حکومەتی ئەمەریکا و لە سۆنگەی وابەستەیی بەڕێوەبەرایەتی خۆسەری باکور و ڕۆژهەڵاتی سوریا بە بنەما و ڕێکەوتننامە نێودەوڵەتیـیەکان بۆ مافەکانی مرۆڤ، و خواستی ئازادانەی هاوڵاتیـیە ئەمەریکایـیەکان بۆ گەڕانەوەیان بۆ وڵاتەکەیان بەبێ هیچ فشار و زۆرەملێـیەک، دوو ئافره‌تی ئەمەریکا و شه‌ش منداڵ گەڕێندراونەتەوە ئەمەریکا.

هەتا ئامادەکردنی ئەم هەواڵە ناسنامەکانیان ئاشکرا نەکراون.

ئەمە دووەم جارە بەڕێوەبەرایەتی کوردی سوریا خێزانی داعشی ئەمەریکایی ڕادەستی وڵاتەکەیان بکاتەوە. ساڵی ڕابردوو ژنێکی ئەمەریکایی بە ناوی (سەمەنثا ساڵی) لەگەڵ چوار منداڵی گەڕێندرانەوە ئەمەریکا.

سەمەنثا لەگەڵ هاوسەرەکەی کە ناوی موسا ئەلحەسانی بوو و بە ڕەچەڵەک مەغریبی بوو، لە ساڵی 2014 لە ڕێگەی تورکیاوە چووبوونە ناو سوریا و پەیوەندیـیان بە داعشەوە کردبوو.

 

voa





ئەم هەواڵە 1969جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad