English | عربی | Kurdî دواهەواڵ
ڕاستەوخۆ  
 
فەرماندەێکی سەربازی ئەمریکا : هه‌وڵ و پلانەكانی ئێران ڕووی له‌ پاشه‌كشه‌ كردووه‌
2019-06-07 [08:06 AM]

ZNA- ھەولێر


فه‌رمانده‌یه‌كی باڵای هێزه‌كانی ئه‌مه‌ریكا له‌ ڕۆژهه‌ڵاتی ناوه‌ڕاست ناسراو به‌ سنتكام له‌ كۆنفرانسێكی رۆژنامه‌وانی له‌ كه‌نداوی عه‌ره‌بی رایگه‌یاند: جوڵاندنی هێز له‌لایه‌ن ئه‌مه‌ریكاوه‌ بۆ كه‌نداو‌، كاریگه‌ری له‌سه‌ر كرده‌وه‌كانی ئێران دروست كردووه‌ و جۆرێك له‌ پاشه‌كشه‌ له‌ سیاسه‌ته‌كانی ئێران له‌ ناوچه‌كه‌ ده‌ستی پێكردووه‌ . 

جه‌نه‌ڕاڵ فرانك ماكنزی فه‌رمانده‌ له‌ هێزی مارێنزی ئه‌مه‌ریكی گوتی: به‌ر له‌وه‌ی هێز بجوڵێنین، ئێران پلانی بۆ هێرشكردنه‌ سه‌ر هێزه‌كان و به‌رژه‌وه‌ندییه‌كانی ئه‌مه‌ریكا له‌ ناوچه‌كه‌ داده‌نا، به‌ڵام پاش جوڵاندنی هێز و هاتنی كه‌شتی جه‌نگی لینكۆلن بۆ ئاوه‌كانی كه‌نداو، ئه‌و هه‌وڵ و پلانانه‌ی ئێران ڕووی له‌ پاشه‌كشه‌ كردووه‌ . 

ئاماژه‌ی به‌وه‌شكرد: ئه‌و هه‌ڕه‌شانه‌ی ئێران ده‌یكرد بۆ سه‌ر به‌رژه‌وه‌ندییه‌كانی ئه‌مه‌ریكا، هه‌ڕه‌شه‌ی تووند و مه‌ترسیداربوون، بۆیه‌ واشنتن فه‌رمانی به‌ جوڵاندنی هێز كرد، كه‌ هه‌نگاوێكی یه‌كجار دروست و له‌جێدابوو، چونكه‌ ئێستا كۆماری ئیسلامی ئێران له‌ سیاسه‌ت و ستراتیژی پیلاندانان بۆ هه‌ڕه‌شه‌كردن له‌ به‌رژه‌وه‌ندییه‌كانی ئه‌مه‌ریكا په‌شیمان بوونه‌ته‌وه‌ . 

له‌ به‌شێكی تری قسه‌كانی ئه‌و جه‌نه‌ڕاڵه‌ ئه‌مه‌ریكییه‌ دووپاتی كرده‌وه‌، ئێستا ئه‌مه‌ریكا هێزی پێویستی له‌ ناوچه‌كه‌ هه‌یه‌، بۆ ئه‌وه‌ی ڕووبه‌ڕووی هه‌ر هه‌ڕه‌شه‌ و جموجۆڵێكی ئێران له‌ ناوچه‌كه‌ ببێته‌وه‌ . 





ئەم هەواڵە 6013جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad