English | عربی | Kurdî دواهەواڵ
ڕاستەوخۆ  
 
پۆلیسی دهۆك ورده‌كاری له‌سه‌ر كوژرانی دلینی 10 ساڵان بڵاوده‌كاته‌وه‌
2019-06-09 [08:20 AM]

ZNA- ھەولێر


له‌ كۆنگره‌یه‌كی رۆژنامه‌وانیدا به‌ڕێوه‌به‌ری پۆلیسی دهۆك ورده‌كاری له‌باره‌ی كوژرانی دلین وەلید، ئه‌و كچه‌ 10 ساڵه‌ی خسته‌ڕوو، كه‌ دووه‌م رۆژی جه‌ژن له‌ ماڵه‌وه‌ ده‌رچووە و بێسەروشوێن بوو، دوێنێ ته‌رمه‌كه‌ی به‌ كوژراوی له‌ سه‌نته‌ری ئه‌و شاره‌ دۆزرایه‌وه‌.

تاریق ئه‌حمه‌د، به‌ڕێوه‌به‌ری پۆلیسی دهۆك ئاشكرایكرد: "دوای هه‌وڵی تیمه‌كانمان بۆ ده‌ستگیركردنی تاوانباران، توانیمان بكوژانی دلین ده‌ستگیر بكه‌ین و یه‌كێك له‌ ده‌ستگیركراوان دانی به‌ تاوانه‌كه‌یدا ناوه‌".

هه‌روه‌ها گوتی: "هه‌رچه‌ند دوا بڕیار بۆ سزادانی تاوانباران لای ده‌سه‌ڵاتی دادوه‌رییه‌، به‌ڵام ئێمه‌ش وه‌ك لایه‌نی ئه‌منی پارێزگای دهۆك ده‌نگمان ده‌خه‌ینه‌ پاڵ ده‌نگی هاووڵاتیان و داواش له‌ لایه‌نی په‌یوه‌ندیدار ده‌كه‌ین، سزای تاوانبارانی ئه‌و كرده‌وه‌ نامرۆڤانه‌یه‌ له‌ سێداره‌دان كه‌متر نه‌بێت و له‌وه‌ش دڵنیاین كه‌ سزاكه‌یان له‌ له‌سێداره‌دان سووكتر نابێت".

سه‌باره‌ت به‌ چۆنیه‌تی رفاندنی دلین، به‌ڕێوه‌به‌ری پۆلیسی دهۆك رایگه‌یاند: "به‌گوێره‌ی دانپێدانانی بكوژه‌كه‌، ئه‌و به‌و فێڵه‌ خۆی له‌ دلین نزیك كردووه‌ته‌وه‌، كه‌ گوایە باوكی دلین ده‌ناسێت و هاوڕێی باوكیه‌تی، دوای هه‌ڵخه‌ڵه‌تاندنی دلین، قوربانییه‌كه‌ به‌ره‌و گه‌ڕه‌كی خه‌بات ده‌ڕفێنێت و له‌وێ ویستوویه‌تی ده‌ستدرێژی بكاته‌ سه‌ر، به‌ڵام دلین ره‌تیكردووه‌ته‌وه‌ و هاواری كردووه‌، بۆیه‌ تاوانباره‌كه‌ دارێكی له‌ یه‌كێك له‌ په‌رژینه‌كان ده‌رهێناوه‌ و به‌ گوته‌ی خۆی، سه‌ری ئه‌و داره‌ تیژ بووه‌ و دوو جار له‌ ملی دلینی داوه و كوشتوویه‌تی‌".

بەڕێوەبەری پۆلیسی دھۆك گوتیشی: "بۆ پشتڕاستكردنه‌وه‌ی دانپێدانانی تاوانباره‌كه‌ په‌یوه‌ندیم به‌ پزیشكی داده‌وه‌ كردووه‌ و ئه‌ویش پێی راگه‌یاندووم، كه‌ به‌ڵێ دلین به‌ ئامێرێك كوژراوه‌، كه‌ زۆر تیژ نه‌بووه‌ و به‌ شتێكی وه‌ك داری دڕكاوی كوژراوه‌".

سه‌باره‌ت به‌ ته‌مه‌نی تاوانباره‌كه‌ش به‌ڕێوه‌به‌ری پۆلیسی دهۆك ئاشكرایكرد: "تاوانبار له‌دایكبووی ساڵی 1972ـه‌ و خه‌ڵكی ناوچه‌كه‌یه‌ و له‌ ساڵی 2005ـیش به‌هۆی هه‌وڵێكی دیكه‌ی كوشتن لای ئێمه‌ ده‌ستگیركرابوو، ئێستاش زیندانیكراوه‌ و به‌ سزای خۆی ده‌گه‌یه‌ندرێت".

سه‌باره‌ت به‌ ژماره‌ی تاوانبارانیش، تارق ئه‌حمه‌د ئاماژەی بەوەدا: "سه‌ره‌تا ژماره‌یه‌ك گومانلێكراومان ده‌ستگیركرد، به‌ڵام دوای لێكۆڵینه‌وه‌ ته‌نیا دوو تۆمه‌تبار ماونه‌ته‌وه‌ و هه‌ردووكیان بران. تۆمه‌تی برای تاوانباره‌كه‌ش ئه‌وه‌یه‌، كه‌ براكه‌ی پێشتر پێیڕاگه‌یاندبوو كه‌ تاوانێكی كوشتنی ئه‌نجامداوه‌، به‌ڵام به‌شاراوه‌یی هێشتووه‌ته‌وه‌ و په‌رده‌پۆشی كردووه‌، بۆیه‌ برای تاوانباره‌كه‌ش تۆمه‌تباره‌ و په‌ڕاوی لێكۆڵینه‌وه‌ بۆ ده‌كرێته‌وه‌ و رووبه‌ڕووی دادگا ده‌كرێته‌وه‌".





ئەم هەواڵە 3415جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad