English | عربی | Kurdî دواهەواڵ
ڕاستەوخۆ  
 
بەڕێوەبەری گشتیی خانەنشین: پاداشتی 6 مانگ بۆ ئەو كەسانە خەرج دەكرێت كه خانەنشین دەبن
2019-06-11 [05:20 AM]

​ZNA- هەولێر


 بەرپرسێكی باڵای خانەنشین چەند زانیاریەك لە بارەی خانەنشینكردنی فەرمانبەران ئاشكرا دەكات و رای دەگەیەنێت ئەمساڵ لە چەند توێژێكی فەرمانبەران خانەنشین دەكرێن

حازم ئیسماعیل، بەڕێوەبەری گشتیی خانەنشینی هەرێمی كوردستان بە باسی راگەیاند، ئەو فەرمانبەرانەی خانەنشین دەكرێن كێشەی مووچەیان نابێت، گوتی: "ساڵی پار و پێرار ئەو فەرمانبەرانەی لە دایكبووی ساڵی 1954 و 1955 كە خانەنشین بوون چۆن فەرمانبەر مووچەیان وەرگرت بەهەمان شێوە ئەوانیش مووچەی خانەنشینیان پێدرا".

ئیسماعیل، سەبارەت بەوانەی ئەمساڵ خانەنشین دەكرێن دەڵێت :" لە دایكبووانی 1956 خانەنشین دەكرێن زۆربەیان لە مانگی 7ی ئەمساڵن، كێشەی مووچەیان نابێت، بۆ نمونە یەكێك تاوەكو 30ی 6 خانەنشین دەبێت ئەوە تاوەكو مانگی 6 مووچەی فەرمانبەری وەردەگرێت، كاتێك فەرمانبەر مانگی 7 مووچە وەردەگرن ئەوانیش مووچەی خانەنشینی وەردەگرن".

ئەو ئاماژەی بەوەشكرد:  لە وەزارەتی دارایی دوو خشتەی تایبەت بە پێدانی مووچەی خانەنشینان هەیە، خشتەیەكیان ئەو خانەنشینانەیە كەوا كۆنن و مووچەیان لە پاشە، خشتەیەكیش ئەوانەیە كە لەم چەند ساڵە خانەشین بوونە لە گەڵ ئەمساڵیش ئەوانە بە لیستێكی تر مووچەیان پێ دەدرێت و كێشەیان نیە.  

بەرپرسەكەی خانەنشین ئاشكراشیی كرد ئەو بڕە پارەیەی وەكو پاداشتی 6 مانگی خانەنشینی بۆ فەرمانبەرانی خانەنشین كراو خەرج دەكرێت كێشەی تێدا نیە،

بەپێی ئاماری بەرێوەبەرایەتی گشتی خانەنشین، ساڵانە لە هەرێمی كوردستان نزیكەی 5 هەزار فەرمانبەر خانەنشین دەبن، هەروەها لە كوردستاندا 244 هەزار كەس مووچەی خانەنشینی سەربازی و شارستانی وەردەگرن.





ئەم هەواڵە 9703جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad