English | عربی | Kurdî دواهەواڵ
ڕاستەوخۆ  
 
پێنج ملیۆن دینار بۆ توێژێكی مووچەخۆران خەرج دەكرێت
2019-06-11 [06:02 AM]

​ZNA- هەولێر


بەرپرسێکی وەزارەتی کاروکاروباری کۆمەڵایەتی ئاشکرای دەکات نوسراویان بۆ وەزارەتی دارایی کردووە بۆ ئەوەی 5 ملیۆن دینار بۆ ئەو كەمئەندامانە خەرج بكرێت كە هاوسەرگیری دەكەن.

شێخ محەمەد گەزنەیی، بەڕێوەبەری تۆڕی کۆمەڵایەتی ھەولێر بە باسی راگەیاند: نوسراوێك بۆ وەزارەتی دارایی بەرز كراوەتەوە، بۆ هەموو ئەوانەی كەمئەندامن و دەچنە نێو پرۆسەی هاوسەرگیرییەوە، وەكو هاوكارییەك حكوومەت 5 ملیۆن دیناریان پێبدات".

بەپێی زانیاریەكان ئەو نوسراوە لە لایەن وەزارەتی دارایی دەدرێتە سەرۆكایەتی ئەنجومەنی وەزیران بۆ رەزامەندی وەرگرتن.

گەزنەیی ئەوەشی گوت: "لەو ماوەیەدا هەموو هەوڵەكانمان چڕ دەكەینەوە زۆرترین خزمەتی توێژی كەمئەندامان بكەین، یەكێك لەو كارانە ناردنی نوسراوێكە بۆ دارایی بۆ ئەوەی 5 ملیۆن دینار بدرێتە ئەو كەسانەی كە هاوسەرگیری دەكەن".

بە پێی داتا و بەڵگەكان پێشووتر بە گشتی 103 هەزار 623 كەس بە ناوی كەم ئەندامی مووچەیان وەرگرتووە، بەڵام ئێستا دوای چاكسازی و دووبارە پشكنین 81 هەزار  كەس مووچەی كەمئەندامی وەردەگرن.

ئێستا مووچەی بەشێك لە كەمئەندامان 150 هەزار دینارە ئەوانە هیچ مووچەیەكیان نیە لە حكوومەت، بەڵام ئەوانەی فەرمانبەرن،120 هەزار دیناریان هەیە. ئەو بەرپرسەی كەمئەندامان ئاشكرای دەكات " 90%ی كەمئەندامان هاوسەرگیریان نەكردووە، هۆكارەكەشی بۆ نەداری و قەیرانی دارایی دەگەرێتەوە.





ئەم هەواڵە 4414جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad