English | عربی | Kurdî دواهەواڵ
ڕاستەوخۆ  
 
بارزانى د نامەیێن وەلاتێن بیانى دا
2019-06-11 [11:32 AM]

نڤیسینا : رمظان نصرالدین کێڤلى


د پەیوەندیێن نیڤ دەولەتى دا چەندین جورێن دانپێدانێ هەنە ب (وەلات یان حکومەت) یان ئەو پروسا ل وەلاتى یان هەرێمێ دهێتە ئەنجام دان، دانپێدان ئانکو وەلاتەک یێ ئامادەیە هەمى دام و دەزگەهێن وەلاتێ دى ب شەرعى ب هەژمێریت و سەرەدەریێ دگەلدا بکەت دیسان وەکو هەڤپەیمانەک دگەلدا بەردەوام بیت، گەلەک ژ وەلاتێن دونیایێ ب تایبەت وەلاتێن کاریگەر ل سەر ئاستێ نیڤ دەولەتى و هەرێمایەتى پشتى هەلبژارتنا نێچیرڤان بارزانى وەکو سەروکێ هەلبژارتى یێ هەرێما کوردستانێ ب چەندین رێکێن جودا جودا پیروزباهى گەهاندینە سەروکێ هەرێمێ و زوربەى وان پێناسەکا تایبەت داینە کەسایەتیا سەروکێ هەرێمێ و ئەگەر خاندنەک یان شروڤەیا ئەڤان پێناسان بهێتە کرن هەم دانپێدانەکە ب وێ پروسا شەرعى ئەوا ل هەرێما کوردستانێ هاتیە ب رێڤەبرن هەم پشتەڤانیەکا نەراستەخو یە بو ئەزمونا گەلێ کورد ل قوناغا داهاتى چونکە هەرێما کوردستانێ د قوناغەکا راگوهاستانێ دایە بەرەف ئەزمونەکا دیموکراسى یا نمونەیى ل دەڤەرێ چونکە تانوکە مە نەشیایە ب گەهینە قوناغا پێویست د ئەزمونا دیموکراسیەتێ دا.
وەلاتەکێ مینا ئەمریکا چەند پێناسێن جورا و جور بو کەسایەتیا سەروکێ هەرێمێ کرینە ئێک ژوان پێناسا دەمێ ژلایێ شیرەتکارێ ئاسایشا نەتەوەیى یا ئەمریکى ڤە دهێـتە کرن دەمێ دبێژیت (هەڤپەیمانێ مە یێ بەردەوام ل روژهەلاتا ناڤەراست)، ئەڤێ چەندێ زور رامانێن خو هەنە و ئەمریکا هەمى دەمەکى دێ کار ل سەر پاراستنا بەرژەوەندێن هەڤپەیمانێن خو کەت ل دەڤەرێ و ناهێلیت گەف و مەترسى لسەر هەڤپەیمانێن وێ زاڵ بن بەلکو دێ هەول دەت ئەوان گەف و مەترسیان کێم بکەت چونکە رولێ کاک (نێچیرڤان بارزانى) د چارەسەر کرنا کێشە و گرفتێن ل دەڤەرێ هەین دیار بویە و شیایە ببیتە چەترەک بو پاراستنا سەقامگێریێ ل دەڤەرێ..
وەزیرێ دەرڤە یێ ئەمریکا ژ سەروکێ داهاتى یێ هەرێمێ خواست کو پەیوەندیێن هەولێر و بەغدا باشتر بکەت و هەول بهێنە دان کێشە و گرفت بهێنە چارە کرن، ئەڤە ددەمەکى دایە کو (برێک مەکگورک/ هنارتیێ سەروکێ ئەمریکا) ددەتە دیارکرن کو روژهەلاتا ناڤەراست پێویستى ب کەسایەتیەکا وەکو کاک (نێچیرڤان هەیە..
ئەز باوەرم یێ پیچەک شارەزایى د سیاسەتێ دا هەبیت دزانیت کا کاریگەریا (نێچیرڤان بارزانى) ل روژهەلاتا ناڤەراست چەندە ب تایبەت د پرسێن هەرێمایەتى دا یانژى دیتن و بوچونێن وى بو ئەوان کێشە و گرفتێن هەین.
ژلایەکێ دى ڤە وەلاتێن ئەوروپى هەروەسا روسیا و ئیران و تورکیا و چەندین وەلاتێن دى ژى ب تایبەت (بریتانیا) پیروزباهیێن تایبەت ل بەرێز (نێچیرڤان بارزانى) کرینە و پەسنا رول و کاریگەریا وى هاتیە کرن بو داهاتى نەخاسمە د پرسێن هەلاویستى دا ل دەڤەرێ، ئەڤە هێزەکا دى یا دبلوماسى ددەتە پێگەهێ سەروکاتیا هەرێمێ وەکو دەزگایەکێ شەرعى ل هەرێما کوردستانێ و پیروزباهى و پەیامێن ئەڤان وەلاتان نەراستەخو دانپێدانە ب کیانێ هەرێما کوردستانێ ژ هەمى ئالیەکێ ڤە.
کوردستان د چەندین قوناغێن نەخوش و دژوار دا دەرباز بویە چ ئەو قوناغێن ئابورى و هەبونا سزا و ئابلوقێن جوراوجور بن ل سەر خەلک و هەرێما کوردستانێ یان سەپاندنا شەرەکێ نەخازراو ل سەر مللەتێ کورد یان ئەو کێشە و گرفتێن بەشەکێ لایەنێن سیاسى ل نافخودا هاتینە دروست کرن بەرامبەر حکومەتا هەرێمێ بەلێ هەمى دەمەکى کلیلێن چارەسەرکرنا ئەڤان پرسگرێکا د ئامادەبوینە ب گیانێ لێبورین و ئاڤاکرنێ کوردستانێ بەرەف قوناغێن باشتر ببەن و ئەو قوناغێن سەخت دەرباز کرینە..
سیاسەت و ئیدارەکرن ب زەلامێن دەولەتێ دهێنە کرن لەورا گرنگ بویە ئەڤان هەمى وەلاتان پشتەڤانى ل هەلبژارتنا سەروکێ هەرێمێ کرى و دهێتە چاڤەرێ کرن کو پەیوەندیێن هەرێمێ بەرەف باشتر بچن.





ئەم هەواڵە 2383جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad