English | عربی | Kurdî دواهەواڵ
ڕاستەوخۆ  
 
نێچیرڤان بارزانی : کەسێ بەرھەم شۆرەش
2019-06-11 [11:51 AM]

نڤیسینا : غیاس خالد زێباری


ب کۆرت و کرماجی شۆرەش گۆرانکاری نە چ دبووارێن سیاسی دا یان جڤاکی و رەوشەنبیری و دبلۆماسی و ئاڤەدانی و ... ھتد 
ژبەرکۆ گەلێ کورد خۆدان سەروەری و سەربخۆ نەبوونە ، پرانیا شۆرەشێن وان د سیاسی و چەکداری بوونە بۆ خۆ رزگارکرنێ ، راستە لدەڤەرێن رزگارکری یێن لبن دەسھەلاتا شۆرەشێ گۆرانکاری ھاتینە ئەنجامدان ، لێ پرانیا ڤان شۆرەشا د سنووردار بوونە ژبەر رەوشا تایبەتا دەڤەرێ و کوردستانێ و نەبوونا پشتەڤانیا نیڤ دەولەتی  ، چ شۆرەشێن بارزان یێن ئێکێ و دوویێ ھەتا سالا ١٩٤٥ و لدیفرا شۆرەشا مەزنا ئیلۆنێ ل ١٩٦١ ـــ ١٩٧٥ ب رێبەریا پارتی دیموکراتی کوردستان و رێبەرێ نەتەوا کورد مستەفا بارزانی کۆ ھەتا راددەیەکێ زۆر بنەمایێن شۆرەشا بجە ئینان چونکی شۆرەشەکا سەرتاسەریا باشوورێ کوردستانێ بوو و شیا ژلایێ سیاسی و جڤاکی و ئابووری و رەوشەنبیری و پەروەردەیی گۆرانکاریێن بنەرەتی بکەت لێ ب پیلانێن نیڤ دەولەتی رێک ل بەردەوامیا ڤێ شۆرەشێ ھاتە گرتن . ئەگەر بەراووردیا رەوشا باشوورێ کوردستانێ یا لسەردەمێ شۆرەشا مەزنا ئیلۆنێ دگەل بەری وێ بکەین ، دێ بینین ل ھەمی ئالیان گۆرانکاریێن بنەرەتی ھاتبوونە کرن ، ژلایێ سیاسی دۆزا سیاسی یا کوردستانێ لسەر ئاستێ جیھانێ ھاتە نیاسین و ئۆتۆنۆمیا کوردستانێ چۆ دچارچۆڤەکێ فەرمی دا چونکی رژێما وی سەردەمی یا عیراقێ دان پێدان پێ کربو و دناڤبەرا سالێن ١٩٧٠ ـــ ١٩٧٥ رەوشا جڤاکی و پەروەردەی و ئازادیان ژی گۆرانکاریێن بەرفرەە ھاتبوونە کرن . 
لدیفرا شۆرەشا گۆلانا پێشکەفتنخواز ل ١٩٧٦ ـــ ١٩٩١ لسەر ھەمان رێباز لێ ب شێوازەکێ سەردەمانەتر ب رێنمایین بارزانی نەمر و سەرپەرشتیا سەرۆک مەسعوود بارزانی کۆ مژارا مە نیە ب درێژاھی شرۆڤە بکەین . 
برەنگەکێ گشتی ڤان بزاڤ و شۆرەشێن کوردی لسەر دەمێ خۆ و لدیف وی کاودانێن تایبەت زۆر د بەرھەم داربوون و بناغێ رزگاری و ئازادی کوردستانێ دارشت و خەلکەکێ زۆر ب پرنسیپێن نەتەوی و نشتیمانی پەروەردەکرن و سەرکردێن بلیمەت و کاریزما پێگەھاندن . نێچیرڤان بارزانی ئەو سەرکردە و سیاسی یێ گەنج بوو دناڤ شۆرەشا گۆلانا پێشکەفتنخواز و لسەر رێبازا پیرۆزا بارزانی نەمر پەروەردەبووی کۆ رێبازانی خۆراگریێ و پەروەردەیا نشتیمانی و دادوەریێ و ئێکگرتنێ و دبلۆماسیەتێ  و پێکڤە ژیانێ و ,,, ھتد یە . 
لەوما نێچیرڤان بارزانی لدەمێ سەرۆکاتیا حکومەتا ھەرێما کوردستانێ ب سیاسەتا خۆ جیھان حیبەتی کر ، چونکی شیا ل بەرتەنگترین کاودان دا ھەرێما کوردستانێ رابگریت و ب پارێزیت و بەردەوامیێ بدەتە ئاڤەدانکرنێ و پەیوەندیێن ھەرێما کوردستانێ دگەل جیھانێ لسەر بناغەکێ پۆلایین ئاڤا بکەت و پشتەڤانا نیڤ دەولەتی دابین بکەت ، لسەر ئاستێ ناف خۆیی ژی ھەردەم گاڤ و ھەولێن نێچیرڤان بارزانی دبەرچاڤ بوونە بۆ ئاشتەوایا نافخۆیی دناڤبەرا حزب و لایەنێن سیاسی دا بۆ خزمەتا بەرژەوەندێ، گشتی و بھێزکرنا کوردستانێ . 
سیاسەت و دبلۆماسیەت و ئیدارەدانا ھەرێما کوردستانێ لسەر دەستێ نێچیرڤان بارزانی سەرۆکێ حکومەتا ھەرێما کوردستانێ دنڤا دوو ساڵێن بووری دا شۆرەشەکا مەزن بوون دناڤ بزاڤا رزگاریخوازیا کوردستانی دا ، نەخاسمە پشتی خیانەتا شازدێ ئکتۆبەرا ٢٠١٧ یا باندێ دەسھەلاتدارێن ئێکەتیا نشتیمانی کوردستان ل کەرکووکا دلێ کوردستانێ و چوونا ناڤ بەرەیێ دژە کورد و داگیرکارێن کوردستانێ . 
دناڤ سالان دا باشترە بێژین د کرت ترین دەم دا پشتی وێ پیلانا خیانەتکاریا ھەرێمی بۆ ژناڤبرنا قەوارێ ھەرێما کوردستانێ و زڤراندنەڤا وێ بۆ ناڤ عیراقەکا مەرکەزی و تاکرەوی دا و گەماروودانا وێ ژلایێ سیاسی و ئابووری ، نێچیرڤان بارزانی شیا وێ پیلانا ھەرێمی ب سیاسەت و دبلۆماسیەتەکا میانڕەو ژناڤ ببەت و جارەکا دی ھەرێما کوردستانێ بزڤرینیتەڤ ناڤ موعادلاتێت سیاسی یێن نیڤ دەولەتی و پیلانێن خیانەتکار و داگیرکاران کرنە خەون و خەیال و ئۆمێد بۆ خەلکێ کوردستانێ درۆست کرنەڤە ، ژلایێ ئابووری و دارایی ژی پلانا نێچیرڤان بارزانی سەرگرت و کەفتە د بەرژەوەندا گشتی یا خەلکێ کوردستانێ ، چونکی پرسا مۆچێ فەرمانبەران ب ئێکجاری چارەسەر کر و ھەوەکا بەرفرەە ژی یا ئاڤەدانیێ بەرپا بوویە ڤە ، ئەڤ چەندە ھەمی بەرھەمێ سەرکەفتنا ستراتیژیەتا نێچیرڤان بارزانی نە یا سەربخۆبوونا نەفت و گازا کوردستانێ . 
دگەل حکومەتا عیراقێ ژی پەیوەندی د ئاستەکێ ھەرە باش دانە و پشکەکا ئاریشە و ناکۆکیان چارەسەر بوونە ، ئەگەر ھندەک لایەنێن نافخۆیی ئەوێن چاڤ بڤان دەسکەفتا رانەبن ، دەستا ل خیانەتا خۆ بەردەن بۆ تێکدانا پەیوەندیێن ھەرێمێ و بەغدا ، تەڤایا ئاریشێن مایی ژی لدیف دەستوورێ ھەردەمیێ عیراقێ ب ماددێ ١٤٠ ڤە دێ ھێنە چارەسەرکرن ، چونکی ئەو پشتەڤانیا نەتەوەیێن ئێکگرتی بۆ ناما بەرێز نێچیرڤان ئەوا لرۆژا (٢٠/٥/٢٠١٩ ) بۆ چارەسەرکرنا ناکۆکیێن دناڤبەرا ھەولێر و بەغدا ئاراستە کری ، مەزنترین بەلگە و فاکتەرە کۆ سازیێن نیڤ دەولەتی پشتەڤانێن نێچیرڤان بارزانی نە . ژلایەکێ دیتر ھەلبژارتنا جەنابێ وی وەک سەرۆکێ ھەرێما کوردستانێ ، دەلیڤە پتر لبەر جەنابێ وی ڤەدبیت بۆ دابینکرنا پشتەڤانیا نیڤ دەولەتی و چارەسەرکرنا پرسێن سیاسی و کارگێر و ئابووری لگەل عیراقێ و وەلاتێن دیتر . 
دڤان سالان دا دیار بوویە کۆ ھەرپرسیاریەکیا نێچیرڤان بارزانی پێ راببیت ب دیالۆگ و ئاشتیانە د قازانج و بەرژەوەندا ھەرێما کوردستانێ چارەسەر بوونە ، لەوما دبێژین بەرھەم و سەرکەفتنێن نێچیرڤان بارزانی شۆرەش بوونە ، چونکی د ھەمی بووران دا گۆرانکاریێن بنەڕەتی ھاتیە ئەنجامدان و بسەرۆکاتیا جەنابێ وی ھەرێما کوردستانێ دێ ھەمبێزا گۆرانکاریێن مەزنتر کەت ژلایێ سیاسی و ئابووری و جڤاکی و کلتۆری و ئازادیان .
لەوما زۆر وەڵاتێن جیهانێ نەخاسمە ئەمریکا و ئەورۆپا کۆ سەنتەرێن بریاردانا جیهانێ نە ژلایێ سیاسی و ئابۆری ، پشتاڤانیا کەسایەتیا و دکەن وەک سەرۆکێ هەرێمێ ، ئەڤ چەندە ل نامە و پەیوەندیێن پیرۆزبای کرنا هەلبژاردنا سەرۆکێ هەرێما کوردستانێ دیار بۆیە و  وه‌كو مه‌ دیتی لرۆژا سووندخارنا جەنابێ وی ، پشکداریه‌كا بەرفرەها سەرکردە و نوونەرێن وەڵاتان ل هەولێرا پایتەخت ئاماده‌بون مەزنترین کەرنەفاڵا سیاسی گێران ، دادوەری و دیمۆکراتخوازی و سەرەدەریکرنا عەقلانە دگەل روودان و بۆیەران فاکتەرەکێ دیترێ پشتەڤانیا وەلاتانە ل کەسایەتیا سەرۆک نێچیرڤان بارزانی .





ئەم هەواڵە 364جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad