English | عربی | Kurdî دواهەواڵ
ڕاستەوخۆ  
 
سكرتێرى گشتيى نه‌ته‌وه‌ يه‌گكرتووه‌كان پيرۆزبايى له‌ نێچيرڤان بارزانى ده‌كات
2019-06-13 [12:39 PM]

ZNA-هەولێر


 

له‌ نامه‌يه‌كدا بۆ به‌ڕێز نێچيرڤان بارزانى، سه‌رۆكى هه‌رێمى كوردستان، به‌ڕێز ئەنتۆنیۆ گۆتێرس سكرتێرى گشتيى نه‌ته‌وه‌ يه‌كگرتووه‌كان به‌ بۆنه‌ى هه‌ڵبژاردنيانه‌وه‌ به‌ سه‌رۆكى هه‌رێم،  پيرۆزبايى له‌ به‌ڕێزيان كرد، ئه‌مه‌ ده‌قه‌كه‌يه‌تى:

جه‌نابى  سەرۆك،

بەخۆشحاڵییەوە ئەوپەڕی پیرۆزباييتان ئاراستە دەکەم بە بۆنەی هەڵبژاردنتانه‌وه‌ بە سەرۆکی هەرێمی کوردستانی عێراق. بێگومانم دانایی و پڕئەزموونی و سەرکردایەتیتان زۆر بە بەها دەبن بۆ چارەسەرکردنی ئەو ئاستەنگانەی هەرێم ڕووبەڕوویان دەبێتەوە.

پێکهێنانی خێرای حکوومەتی هەرێمی کوردستان دەبێتە هۆی تۆکمەکردنی ئەو سەرکەوتنانەی لە دوای سەرکەوتن بەسەر داعشدا لە مەیدانی جەنگ بەدەست هاتوون کە تەنیا بەهۆی خۆبەختکردنی هاووڵاتیانی چاونەترسی عیراقه‌وه‌ بوو لە هەموو پێکهاتەکان. سەرەڕای ئەمانە، دۆخی دوای داعش، هەلێکی مێژوویی هێناوەتە کایەوە بۆ دووبارە نوێکردنەوەى دیالۆگ بەمەبەستی چارەسەرکردنی هەموو کێشە هەڵواسراوەکان لەگەڵ بەغدا لە چوارچێوەی دەستووردا و بۆ زیاتر بنیادنان لەسەر ئەو هەوڵە هاوبەشانەی دوای پەسندکردنی یاسای بوجەی فیدراليی ساڵی ٢٠١٩ خراونەتە گەڕ.

لە داهاتوودا، نەتەوە یەکگرتوەکان بەردەوام دەبێت لە کارکردن لەسەر چەندین دۆسیە لە هەرێمی کوردستان بە پێی ئەرکەکانی نێردەی نەتەوە یەکگرتووەکان بۆ هاوکاریکردنی عیراق.  

لەگەڵ گەرمترین ڕێز و سڵاو.

 

ئەنتۆنیۆ گۆتێرس

١١ / ٠٦/ ٢٠١٩





ئەم هەواڵە 3445جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad