English | عربی | Kurdî دواهەواڵ
ڕاستەوخۆ  
 
گۆتێرس له‌كۆبوونه‌وه‌یه‌كی به‌په‌له‌ی ئه‌نجومه‌نی ئاسایش: جیهان به‌رگه‌ی ململانێیه‌كی گه‌وره‌ی كه‌نداو ناگرێت
2019-06-13 [02:51 AM]

ZNA - هه‌ولێر


ئه‌مڕۆ پێنجشه‌ممه‌ ئه‌نجومه‌نی ئاسایشی نێوده‌وڵه‌تی له‌ كۆبوونه‌وه‌یه‌كی به‌په‌له‌دا تاوتوێی ئه‌و هێرشه‌ی كرایه‌ سه‌ر دوو كه‌شتی گواستنه‌وه‌ی نه‌وت له‌ كه‌نداوی عومان، ده‌كات.

لای خۆیه‌وه‌ هه‌ر ئه‌مڕۆ پێننجشه‌ممه‌ ئه‌نتۆنیۆ گۆتێریس ئیدانه‌ی ئه‌و ده‌ستدرێژیانه‌ی كرد كه‌ كرایه‌ سه‌ر دوو كه‌شتی گواستنه‌وه‌ نه‌وت.

گۆتێرس وتی، هه‌موو هه‌رشێك بۆ سه‌ر كه‌شتییه‌ مه‌ده‌نییه‌كان ئیدانه‌ ده‌كه‌م، داواشی كرد، لێكۆڵینه‌وه‌ بكرێت و لایه‌نی به‌پرسیار له‌م هێرشه‌ دیاری بكرێت، وتیشی، جیهان به‌رگه‌ی ململانێیه‌كی گه‌وره‌ی كه‌نداو ناگرێت.

رووبەڕووی هێرش بوونەوە، بەڵام هێشتا هۆکار و جۆری هێرشکردنە سەر کەشتی نەوتییەکان نادیارن.

به‌ره‌به‌یانی ئه‌مڕۆ دوو کەشتی نەوتیی زەبەلاح لە کەنداوی عومان لە نزیک سنوورە ئاوییەکانی ئێران رووبەڕووی هێرش بوونەوە. دەستەی

گواستنەوەی دەریایی لەندەن رایگەیاند، زانیاری پێشوەختەیان لەبارەی هێرشەکە هەبووە و لێکۆڵینەوە دەکەن، بەڵام هێشتا هۆکار و جۆری هێرشکردنە سەر کەشتی نەوتییەکان نادیارن.

بەرپرسانی عومان دەڵێن، کەشتییەکان داوای بەهاناوەچوونیان کردووە و یەکێکیان نقوومبوو، ئەو دیکەشیان گڕیگرتووە.

هێرشی سەر کەشتییەکان بووە هۆی بەرزبوونەوە نرخی نەوت، نرخی نەوتی برێنت بە رێژەی لە 4 % بەرزبووەوە و لە 59 دۆلارەوە گەیشتە 62 دۆلار.

ئەو هێرشە لەکاتێکدایە، پەیوەندییەکانی ئەمریکا و ئێران ئاڵۆزبووە و مانگی رابردووش چوار کەشتی دیکەی نەوتهەڵگر لە نزیکی بەندەرەکانی ئیمارات هێرشیان کرایەسەر کە دووانیان سعودی بوون.

 





ئەم هەواڵە 2938جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad