English | عربی | Kurdî دواهەواڵ
ڕاستەوخۆ  
 
گوتارا سەرۆکی د گوتارەکێ دا
2019-06-15 [05:08 AM]

نڤیسینا : دلۆڤان حەسەن


گوتارا نێچیرڤان بارزانی یا کو ل دەمێ رێورەسمێن سویندخارنا وی وەک سەرۆکێ هەرێمێ هاتییە پێشکێشکرن، ژبلی کو گوتارەکا بهێز،تێر و تژی و فرە بابەت بوو. چەندین پەیامێن راستەوخۆ و نە راستەوخۆ هاتنە ئاراستەکرن بۆ هەر ئێک ژ "لایەنێن کوردستانی یێن هەرێمێ،پارت ولایەنێن عیراقی، وەڵاتێن هەڤسنۆر و وەڵاتێن رۆژئاڤا...".ئەگەر ب دیتنا خوە یا کێم بینینڤە ژی چەندەکێ باس ل وان پەیامێن هویربینیکری بکەین، گرنگە باس ل ڤان خالێن ل خوارێ بکەین...
نێچیرڤان بارزانی د گوتارا خوە دا گۆت "دێ سەرۆکاتییا هەرێمێ کەینە چەترا ئێکڕێزیێ".هەلبەت ئەڤ ئێکە ژ جەنابێ وی دهێتە پێشبینیکرن.چونکی ل دەما د پۆستی سەرۆک وەزیران ژی دا هیچ جارەکێ خوە وەسا نیشا نەدایە کو مۆلکێ پارتی بتنێ بیت، بەلکو ب کارو کریارێن خوە و سەرەدەریکرنا خوەڤە هەمی دەمان وەک مۆلکێ هەمی کوردستانێ هاتییە دیتن، هەمی دەمان رێیێن ئاسێ ل پێشییا لایەنێن کوردی خۆشکرینە، گرێیێن ئالۆز ب ساناهی ڤەکرینە.هەر ئەڤە بوویە ئەگەر کو چەوان پارتی ب هەلبژاردنا وی وەک سەرۆک دلشاد ببن وەسان لایەنێن دیژی ئەڤێن ب ویژدان ل داهاتی دنێڕن ئەو ژی ب سەرۆکبوونا نێچیرڤان بارزانی دلشاد ببن.
ل جهەکی سەرۆک دبێژیت "هیچ ئەلتەرناتیفەک بۆ دەستووری نییە" یا دیارە ل ڤێرە باس ل وی دەستوورێ عیراقێ دکەت یێ کو ل پشتی ژناڤبرنا رژێما بەعس ب رێککەفتن و رازیبوونا هەرسێ جەمسەرێن سەرەکی یێن عیراقێ"کورد،شیعە و سوننەیان"هاتییە دانان. لێ عەقلێ شۆفینی یێ عەرەبێن عیراقێ هیچ جارەکێ قەبۆل نەکریە پێگریێ ب دەستووری بکەن،بەلکو بتنێ تەکەز ل وان مادە و برگەیان کریە یێن د بەرژەوەندا وان دا و هەر جارا بابەت هاتبیتە سەر کەرکۆک و تەڤایا ناڤچەیێن کوردستانی یێن دەرڤەی ئیدارەیا هەرێمێ، یان ئەو مادەیێن باس ل هێزێن پێشمەرگەی و بەرژەوەندا گشتگیر بۆ تەڤایا خەلکێ ل عیراقێ دژیت دکەن،هاتینە پشتگوهـ هاڤێتن و هەر جارێ و ب بەهانەیەکێ دەم هاتییە کوشتن. لەوما هەر ئەڤ نەپێگریکرنا ب دەستووری بوویە ئەگەر ڤالاهیێن مەزن دروست ببن و رێک بۆ داعش و رێکخراوێن تیرۆری یێن مینا داعش ڤەببن، و هەتا باوەری د ناڤبەرا لایەنێن عیراقی ژی دا نەمینیت و هەردەم ئالۆزی دروست ببن. لەوما سەرۆکی تەکەز ل سەر دەستووری کر دا راستە راست ب دەستهەڵاتدارێن عیراقێڕا رابگەهینیت، ئەگەر هوون بەرژەوەندا عیراقێ و عیراقییان دخازن بێی پێگیربوون ب دەستووری هیچ جارەکێ یا وە دڤێت ناهێتە دی.چارەسەری بتنێ پێگیریبوون و کارپێکرنەکا گشتگیرە ب دەستووری.
دیسان سەرۆکێ نوی د جهەکێ گوتارا خوەدا گۆت:"مەزنترین دەستکەفت دیمۆکراسی یە"
هەلبەت هەلبژاردن،ئازادییا رادەربرینێ،سەروەریا دۆزگەری،پێکڤەژیان و دەستەبەرکرنا مافێن هەمی ئۆل و نەتەوە و کێمە نەتەوەیان ل کوردستانێ تا رادەیەکێ زۆر دیمۆکراسی ل ڤێ هەرێمێ بەرقەراربوویە، یا بێی گۆمانە ئەڤه هەموو بێی بزاڤێن حکوومەتا هەرێمێ ب سازی و خەلکێ هەرێمێ نەبوویە. لەوما بۆ باشترکرن و پێشڤەبرنا ئەڤ دیمۆکراسییا هەیی و نەهێلانا وان خالان یێن کو دبنە خالێن رەش ل سەر سپییاتییا هەرێمێ پێدڤی ب سەرۆکەکێ کارێزما و لێزانن.هەر د گوتارا خوەدا ب سوپاسیکرنا وان لایەنێن بەشداری د دەنگدانا ویدا نەکرین وەک سەرۆک ئەڤە ب خوە حەزکرن،کارکرن و نیازپاکییا سەرۆکی بۆ دیمۆکراسیێ خویا دکەت.
هەڤوەڵاتیێن هەرێمێ باوەریەک مەزن ب چار ساڵێن داهاتی هەیە و ب دیتنا مە ئەگەر لایەنێن کوردی بەرپێکان نەدەنە کابینەیا مەسرۆر بارزانی و ئالۆزیا بۆ کارێن سەرۆکێ داهاتی ژی دروست نەکەن، دیسان ئەگەر چ پێشهاتێن نەخواستی و نەچاڤەڕێکری نەهێنە پێش چار ساڵێن داهاتی دێ چارساڵێن خۆشگۆزەرانی،ئارامی و پێشکەفتنەکا باشتر بن بۆ هەرێما کوڕدستانێ.





ئەم هەواڵە 2872جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad