English | عربی | Kurdî دواهەواڵ
ڕاستەوخۆ  
 
لە زۆربەی گەڕەكەكانی شاری هەولێر دابەش دووی خانوو دەكرێتەوە
2019-06-18 [07:45 AM]

ZNA- هەولێر


لە 18ی 11ی 2018وە سەرۆكایەتی شارەوانی هەولێر بە بڕیارێك هەموو ئیفرازێك و تەقیسمێكی بۆ خانوو و زەوی لە سنوری شاروانی هەولێر راگرت، بەڵام لە 30ی 5ی 2019 سەرۆكایەتی شارەوانی بڕیارەكەی پێشووی بە جۆرێكی ترهەمووار كردۆتەوە.

بەپێی بڕیارەكە، لەبارەی دابەش دووی زەوی لاریان نییە بەڵام بەپێی چەند مەرجێك لەوانە " داواکار موڵکی تری بەناو نەبێت و لە هەمان گەڕەک و کۆڵاندا دابەش دووی هەبێت، هەروەها بەهیچ شێوەیەک ئەو گەڕەکانەی کە دیاری نەکراوە رێگە بە دابەش دوو نەدرێت".

ئەندازیار بەشدار رەزا سەید گوڵ بەرێوەبەری شارەوانی 5ی هەولێر لە لێدوانێكدا بەباسی گوت: " لەو گەڕەكانەی 80%ی بۆتە دابەش دوو رێگەیان پێ دەدرێت دابەش دوو تیایاندا بكرێتەوە، بۆ نمونە ئەگەر لە كۆڵانێك زۆربەی خانووەكان دابەش دووبن، ئەوە رێگە دەدرێت ، بەڵام لە كۆڵانێك رێگەنادرێت كە تەنها چەند خانووێك دابەش دووكرابن".

ئەگەر لە كۆڵانێك چەند خانوویەكی 200 مەتری یان زەوی 200 مەتری مابێت ئەوە رێگەی پێ دەدرێت دابەش دوو بكرێت. ئەو روونی كردەوە ، چەند گەڕەكێك بە هەموو جۆرێك دابەش دوو تیایاندا قەدەغەیە وەكو، گەڕەكی ئەندازیاران، روناكی، موفتی، بەشێك لە گەڕەكی موفتی ، بەشێك لە گەڕەكی ئازادی، لەگەڵ چەند گەڕەكێكی تر.

رەزا سەید گوڵ گوتیشی: "ئەگەر بڕیارەكە كەسێك بگرێتەوە، ئەوە نوسراوی بۆ دەكرێت بۆ هەرچوار تاپۆ، نابێت هیچ موڵكێكی تری بەناو بێت، خانوو بێت یان زەوی بازرگانی و كشتوكاڵی ئەوەش بۆ ئەوەیە كڕین و فرۆشتن بەو زەوی و خانووانە نەكرێت، تەنها خەڵكی كەمدەرامەت لێی سودمەند بن.

 





ئەم هەواڵە 4942جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad