English | عربی | Kurdî دواهەواڵ
ڕاستەوخۆ  
 
مەسرور بارزانی: پشتیوانیی لە جێبەجێ کردنی یاسای دادگاییکردنی داعش دەکەین
2019-06-19 [12:11 PM]

ZNA- ھەولێر 



ئەمڕۆ چوارشەممە ١٩/٠٦/٢٠١٩، مەسرور بارزانی، راوێژکاری ئەنجوومەنی ئاسایش و راسپێردراو بۆ پێکھێنانی حکوومەت لەگەڵ کەریم ئەسعەد ئەحمەدخان یاریدەدەر و راوێژکاری تایبەتی سکرتێری گشتیی رێکخراوی نەتەوە یەکگرتووەکان بۆ لێکۆڵینەوە لە تاوانەکانی داعش کۆبوونەوە و باسیان لە چارەسەرکردنی کێشەی داعشە دەستگیرکراوەکان کرد.


لە کۆبوونەوەکەدا، مەسرور بارزانی رایگەیاند: "وەکو دەزگاکانی ھەرێمی کوردستان پشتیوانیی لە جێبەجێ کردنی یاسای دادگاییکردنی داعش دەکەین، بەتایبەتی لەسەر ئەو تاوانانەی دەرھەق بە ئێزدیەکانیان کردیان".

لای خۆیەوە کەریم ئەسعەد ئەحمەدخان ئاماژەی بەوەدا، ئەو تاوانانەی داعش لە عێراق و کوردستان ئەنجامی داون دەچنە چوارچێوەی جینۆسایدەوە.

دەقی راگەیندراوی کۆبوونەوەی مەسرور بارزانی و کەریم ئەسعەد ئەحمەدخان

ئەمڕۆ چوارشەممە ١٩/٠٦/٢٠١٩ مەسرور بارزانی راوێژکاری ئەنجوومەنی ئاسایش و راسپێردراو بۆ پێکھێنانی کابینەی نۆیەمی حکوومەتی ھەرێمی کوردستان پێشوازی لە کەریم ئەسعەد ئەحمەدخان یاریدەدەر و ڕاوێژکاری تایبەتی سکرتێری گشتیی ڕێکخراوی نەتەوە یەکگرتووەکان بۆ لێکۆلینەوە لە تاوانەکانی داعش و شاندێکی یاوەری کرد.

لەو دیدارەدا مەسرور بارزانی پێزانینی خۆی بەرامبەر بڕیاری ڕێکخراوی نەتەوە یەکگرتووەکانی تایبەت بە لێکۆڵینەوە لە تاوانەکان و ھەنگاوەکانی پڕۆسەی دادگاییکردن و سزادانی تاوانبارانی داعش نیشاندا و  رایگەیاند، وەکو دەزگاکانی ھەرێمی کوردستان پشتیوانیی لە جێبەجێ کردنی یاسای دادگاییکردنی داعش دەکەین، بەتایبەتی لەسەر ئەو تاوانانەی دەرھەق بە ئێزدیەکانیان کردیان، ھەروەھا جەختی لەوە کردەوە، کە ھەموو یارمەتی و ھاوکارییەک پێشکەش دەکەن بۆئەوەی ئەو تاوانبارانە پەلکێشی بەردەم دادگایەکی نێودەوڵەتی بکرێن و دادگایی بکرێن.

لەلای خۆیەوە ڕاوێژکاری تایبەتی سکرتێری گشتیی ڕێکخراوی نەتەوە یەکگرتووەکان بۆ لێکۆلینەوە لە تاوانەکانی داعش، پوختەیەکی دەربارەی ئەرک و کارە پێڕاسپێردراوەکەی خستەڕوو، ئاماژەی بەوەشدا، کە تاوانەکانی داعش لە عێراق و کوردستان ئەنجامی داون دەچنە چوارچێوەی جینۆسایدەوە.

لەبارەی ئامانجی ئەو لێکۆڵینەوەیە و پرۆسەی دادگاییکردنەکە رایگەیاند، کە بۆ جیاکردنەوەی تاوانباران و ڕەخساندنی زەمینەی ئاشتەوایی نیشتیمانییە.

ی.ا
 





ئەم هەواڵە 3547جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad