English | عربی | Kurdî دواهەواڵ
ڕاستەوخۆ  
 
ترەمپ لە دوا چرکە پەشیمان بۆتەوە ھێرش بکرێتە سەر ئێران
2019-06-21 [08:28 AM]

ZNA- ھەولێر


به‌ گوێره‌ی راپۆرته‌ رۆژنامه‌وانییه‌كان، ئیداره‌ی ئه‌مه‌ریكا به‌ نیاز بووه‌ هێرش بكاته‌ سه‌ر ئێران، به‌ڵام له‌ دوا چركه‌دا په‌شیمان بووه‌ته‌وه‌.

رۆژنامه‌ی نیویۆرك تایمز بڵاویكردووه‌ته‌وه‌، دۆناڵد تره‌مپی سه‌رۆكی ئه‌مه‌ریكا رازی بووه‌ هێرش بكرێته‌ سه‌ر ئێران، وه‌ك وه‌ڵامێك بۆ تێكشكانی فڕۆكه‌كه‌ی له‌ ئاسمانی گه‌رووی هورمز، به‌ڵام كتوپڕ له‌ بڕیاره‌كه‌ی پاشگه‌ز بووه‌ته‌وه‌.

به‌ گوێره‌ی زانیاری رۆژنامه‌كه‌، تا كاتژمێر 7ی ئێواره‌ی دوێنێ پێنجشه‌ممه‌، به‌رپرسانی سه‌ربازی و دیپلۆماتكارانی ئه‌مه‌ریكی پێشبینی وه‌شاندنی گورزی سه‌ربازییان له‌ ئێران كردووه‌.

هه‌روه‌ها نووسیویه‌تی: دوای گفتوگۆیه‌كی چڕ له‌ نێوان به‌رپرسانی ئیداره‌ی كۆشكی سپی، تره‌مپ پاشگه‌ز بووه‌ته‌وه‌ و هێرشی بۆ سه‌ر ئێران رانه‌گه‌یاندووه‌.

به‌رپرسێكی باڵای ئیداره‌ی ئه‌مه‌ریكا، رایگه‌یاندووه‌، فڕۆكه‌كان به‌ ئاسمانه‌وه‌ بوون، كه‌شتییه‌كان له‌ ده‌ریادا چاوه‌ڕێی فه‌رمان بوون، كاتێك بڕیار درا، هێرشه‌كه‌ ئه‌نجام نه‌درێت و تره‌مپ پاشگه‌ز بوه‌وه‌.

نیویۆرك تایمز باسی له‌وه‌شكردووه‌، بڕیار بووه‌ هێرشه‌كه‌ به‌ره‌به‌یانی ئه‌مڕۆ هه‌ینی به‌ كاتی تاران ئه‌نجام بدرێت بۆ ئه‌وه‌ی زیانی گیانی له‌ ریزی مه‌ده‌نییه‌كان كه‌م بێت.

ئه‌و فڕۆكه‌یه‌ی دوێنێ سوپای پاسدارانی كۆماری ئیسلامی ئێران له‌ ئاسمانی گه‌رووی هورمز تێكیشكاند، بایی 130 ملیۆن دۆلار بووه‌.





ئەم هەواڵە 6139جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad