English | عربی | Kurdî دواهەواڵ
ڕاستەوخۆ  
 
ئیمامئۆغڵو: ئەخلاق بۆ سیاسەت دەگەڕێنینەوە سەردەمێكی نوێی خزمەتگوزاری و دیموكراسی دەستپێدەكات
2019-06-24 [06:25 AM]

​ZNA – هەولێر


كاندیدەكەی جەھەپە بۆ شارەوانی ئیستەنبوڵ، سەركەوتنی خۆی بەسەر بیناڵی یڵدرم كاندیدی ئاكپارتی راگەیاند و دووپاتیشی كردەوە، خەڵكی ئیستانبوڵ دیموكراسییان ژیاندەوە.

ئەكرەم ئیمامئۆغڵو، بە بەشداری ھەزاران كەس  درەنگانی شەوی رابردوو گوتاری سەركەوتنی بەسەر بینالی یڵدرم پێشكەشكرد و ئاماژەی بەوە كرد، ھەموو لایەنەكان لە ئیستەنبوڵ لە ھەدەپە و ئاكپارتی و پارتەكانی دیكە، پشتگیرییان كردووە و سوپاسی كردن.

ئەو ئاماژەی بەوەش كرد، خەڵكی ئیستەنبوڵ وەڵامی كۆنەپەرست و تاكڕەوانی دایەوە و دیموكراسییان نۆژەن كردەوە،هەروەها بەڵێنیشیدا، سەردەمێكی نوێی خزمەتگوزاری و دیموكراسی دەستپێبكات و ئەخڵاق بۆ سیاسەت بگەڕێنێتەوە.

بەگوێرەی سایتی ئانادۆڵ، لە هەڵبژاردنی سەرۆکایەتی گەورەشارەوانی ئیستەنبوڵدا، 10 ملیۆن و 870 هەزار و 222 دەنگدەر مافی دەنگدانیان هەبوو، تیایدا لەکۆی 31 هەزار و 186 سندوق، 30 هەزار و 989 سندوقیان کرانەوە.

بەپێی ئەنجامەکانی بەرایی هەڵبژاردنەکان، 99.37% سندوقەکان کراونەتەوە و 8 ملیۆن و 868 کەس دەنگی داوە و لەوانە 8 ملیۆن و 696 هەزار و 552 دەنگ هەژمار کراون، بەوپێیەش رێژەی بەشداربوون 84.4% بووە. 

کاندیدی جەهەپە ئەکرەم ئیمامئۆغڵو، چوار ملیۆن و 698 هەزار و 782 دەنگ، کاندیدی ئاکپارتی بینالی یڵدرم، سێ ملیۆن و ٩٢١هەزار و 201 دەنگی بەدەست هێناوە، ئیمامئۆغڵو لەسەدا 54%ی دەنگەکان و بینالی یڵدرمیش 45%ی دەنگەکانی بەدەست هێناوە.

 





ئەم هەواڵە 5533جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad