English | عربی | Kurdî دواهەواڵ
ڕاستەوخۆ  
 
خواستێ نەخشەرێیا هەماهەنگی و ب هەڤرا کارکرنێ
2019-06-24 [01:40 AM]

نڤیسینا : سەربەست خالد کۆچەر


د ئێکەم رێورەسمێن سویند خواردنا سەرۆکێ نوو یێ هەرێما کوردستانێ نێچیرڤان بارزانی کارڤەدان و ئاماژە و پەیامێن دەرەکی و نافخۆە و جیهانی دیاربوون کو پەسنا پێگەهێ سیاسی ، نیڤدەولەتی ، ئابوری ، بهێزبوونا حکومرانی و دەستهەلاتداریا کوردستانێ دهات کرن بۆ چوار سالێن ئایندە ب سەرۆکاتیا سەرۆک نێچیرڤان بارزانی ، نەخاسمە کومڤەکرنا لایەن و پێکهاتەیێن سیاسی ، ئولی و نەتەوەی ل هەرێم ، عیراق و جیهانێ ب گشتی کو ئەو چەند خۆیا دبوو ، قۆناغەکا نوو یا سیاسی و چارەنڤێساس و بهێز ، دبلۆماسی نیڤدەولەتی دێ ل کوردستانێ دروست بیت. د ئێکەم گوتارا خۆە دا سەرۆکێ نوو یێ هەرێمێ باس ل کاودانێن سەخت و دژوارێن کوردستانێ کر ل ماوێ بوری کا چاوا حکومەتا هەرێمێ ب خۆراگریا خەلکێ کوردستانێ ئاستەنگ و بەربەستێن ب زەحمەت ژناڤبر و دەرباز کرینە ، ئاماژە دا وێ یەکێ کو بۆ چوار سالێن داهاتی دێ ب هێزداریەکا مەزن بۆ وەلات و مللەتێ خۆ ، شێواز و سەردەمەکێ زێرین بۆ پاشەرۆژا کوردستانێ پەیداکەین ، ئەگەر د سەرنج و سەرسورمانا خالەکا وێ گوتارێ باس بکەین ب تایبەتی بۆ رەوش و بارودۆخێ هەنوکەیێ کوردستانێ ، کو سەرۆک نێچیرڤان بارزانی دوپاتی و پشتەڤانی ل پەرەپێدانا پەیوەندیێن سیاسی یێن لایەن و پێکهاتەیێن سیاسی ل هەرێمێ کر ، ب گرنگ و رژدبوون خواست بۆ چوار سالێن داهاتی پێکڤە د هەڤکار و هەماهەنگ بین و ب گیانێ کارکرن وەکو تیم و ب هەڤدوو کارکرن بۆ دەستڤەئینانا ئومێد و هیڤیێن گەلێ کوردستانێ ، ب پێکڤەبوونەکا نیشتیمانی و سەربەستی و نێزیکبوون ئاراستەیێن هاوبەش دەست نیشان بکەین د قۆناغا بهێت دا ، دەستکەفتێن ئەڤرۆ ل سەر ئاستێ هەرێمێ و بەغدا نیڤدەولەتی ب پارێزین و هزر ل سەختیا بوری بکەین داکو پاشەرۆژەکا گەش بۆ هەرێمێ زامن و مسۆگەر بکەین ، لەورا دڤێ خالا هەری بهێزا گوتارا سەرۆک نێچیرڤان بارزانی ئەو چەند ئاشکەرا دبوو کۆ سەرۆک خواستێ نەخشەرێیا هەماهەنگی و کارکرنێ ب هەڤرایە کو وەلاتەکێ پێشکەفتن خواز و ئایندەک پرشنگدار بۆ کوردستانیان بەرپا بکەت. ئەڤ دوپاتیا سەرۆکێ هەرێمێ د گرنگی و رۆژەڤ و خواستا هەر تاکەکێ کوردە ، حەز و خەونا هەموو گەلێ کوردستانێ یە کو چاڤەرێ سیاسەت و کارتێکرنا سەرۆکێ نوو یێ هەرێمێ نە لسەر ئالیێن سیاسی تەنانەت رەوش و باندۆرا لایەنێن سیاسی ل هەرێما کوردستانێ ، د هەمان دەمدا ل هەڤهاتنا لایەنێن سیاسی کاریگەری و کارتێکرنا خۆە هەیە چونکە تنێ ب رێیا سازان و نێزیکبوون ئێکگرتنا سیاسی ، کوردستانەکا بهێز و سەقامگیر و پێشکەفتی درۆست بیت و چاخ و سەردەمەکێ نوو و زێرین وێ بهێت باوەش و خواستا هەر تاکەکێ ڤی وەلاتی دا کو ئارمانج و دەستکەفتێن مەزن دێ بدەستڤە بهێن و ئەڤ نیشتمان و وەلات دێ بیتە کومکەر و خرڤەبوونا هەمی لایەن و پێکهاتەیان ل ڤێ هەرێمێ ب هەمی رەنگ و جیاوازیان. ژبەر هندێ سەرۆکێ گەنج و نوو یێ هەرێمێ ب باوەریا لایەن و گەلێ کوردستانێ دێ بنیاتەکێ مکومێ پەیوەندی و هەماهەنگیەکا بهێز دناڤبەرا ئالیێن سیاسی ل هەرێمێ پەیدا کەت دچوارچووڤێ سەقامگیریا سیاسی ، خۆشگوزەرانی و گەشەیا پاشەرۆژا خەلکێ کوردستانێ.





ئەم هەواڵە 3130جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad