English | عربی | Kurdî دواهەواڵ
ڕاستەوخۆ  
 
ل دەستپێکێ ، دۆماهی دیاربوو
2019-06-24 [01:55 AM]

نڤیسینا : غیاس خالد زێباری


بۆ هەر کارەکێ مرۆڤ پێ رادبیت پێتڤی یە نەخشێ رێکێ بۆ بهێتەدان و لدووف بچیت ، رێک و پێکیا نەخشە و پلانا نیشانێ گەهشتنا ئارمانجێ یە لدەمێ خۆ بسەرفیرازی . ژلایەکێ دی ئەگەر نەخشە و پلان د موکۆم و رێک و پێک بن پاشەرۆژ دێ موکۆمتر و سەرکەفتی تر بیت .چەوا ئەگەر ئاڤاهی  لسەر بناغەکێ موکۆم هاتە درۆست کرن ، بساناهی و بێ ئاریشە لدووف حەز و پلان و نەخشەی دێ بداوی هێت و خۆ لبەر سڕ و سەقەمێ و گەرمێ و بابەلیسک و بیڤەلەرز و لافاوا گریت ، نەخشە و پلان و بەرنامێن سیاسی ژی ڤی ڕەنگینە ، ئانکۆ مرۆڤ لدەسپێکێ دووماهیێ دبیت . 
ئەگەر تەماشای هەرێما کوردستانێ  ژی بکەین دێ بینین کۆ بەرەڤ پاشەرۆژەکا گەش و زاڵبوون لسەر ئاستەنگان دچیت . 
ئەڤەژی پشتی پارتی دیموکراتی کوردستان وەکێ هێزا ئێکێ ژلایێ سیاسی و جڤاکی دارێژەرا پلان و بەرنامەکی پۆلایینی یە بۆ پاشەرۆژا کوردستانێ و دابینکرنا ماف و ئارمانجێن خەلکێ کوردستانێ . دەست نیشانکرنا رێزدار نیچیرڤان بارزانی بۆ پۆستێ سەرۆکێ هەرێما کوردستانێ ئەڤ چەندە خۆیارکر ، چونکی هەر ل رۆژا ئێکێ یا سووند خارنا جەنابێ وی پاشەرۆژا گەشا کوردسانێ  مینا خۆدیکەکێ دهێتە پێشچاڤ ، ئەو بەرهەڤبۆن و پشتەڤانیا نیڤ دەولەتی و هەرێمایەتی کوردستایا ئەوا لڕۆژێن دەسپێکی ل سەرۆکێ نوو یێ هەرێما کوردستانێ هاتیە کرن بەڵگەنە کۆ ڤی کەسایەتیێ مەزن لدەمێن بۆری دا بەرنامە و پلانێن دارشتی یێن سیاسی و جڤاکی و ئابۆری دارشتینە و د ئەرکێن بۆری دا یێ سەرکەفتی بۆیە .
دیار دبیت کۆ نێچیرڤان بارزانی ئەو کەسایاتیێ سیاسی و چڤاکی و دبلۆماتکارە ئەوێ دشێت کاریگەریێ لسەر دەوروبەر بکەت بۆ ئاڤاکرنا ئاڤاهیەکێ مەزن و بهێز و بۆلایی بۆ گەلێ خۆ ئەوژی کوردستانە . ڕەوشا نهۆ یا  کوردستان تیدا دبۆریت پێتڤی بکەسایەتیەکێ بڤی ڕەنگی هەیە ، ئەگەر نە هەڤسەنگیا سیاسی یا هەرێمایەتی  دێ دژی بەرژەوەندێن گەلێ کورد و ماف ئارمانجێن نە یێن نەتەوی و نشتیمانی دالەنگیت ، لجهێ پێشڤەچۆنێ دێ بەرەڤ پاشڤە چیت ، چونکی هژمارەکا وەڵاتێن نەحەزێن کوردستانێ دهەوڵێن بەردەوام دانە ل دارشتنا پیلانان دژی هەرێما کوردستانێ ، وەکێ لێک دوورکرنا هێزێن سیاسی یێن کوردستانێ و گیرۆرکرنا پێکئینانا حکومەتا هەرێما کوردستانێ و لێک دۆرکرنەڤا هەرێما کوردستانێ و عیراق ، رەنگە هندەک لایەن و کەسایەتیێن کوردستانێ ژی یێن چاڤ بڤان سەرکەفتن و پشتەڤانیا نیڤ دولەتی بۆ سەرۆک نێچیرڤان بارزانی رانەبن ، دەست دناڤ ڤان پلانان دا هەبن . 
گاڤ و سەرکەفتنێن نێچیرڤان بارزانی یێن بۆری نەخاسمە یێن پشتی روودانێن 16 ی ئکتۆبەرا 2017 بۆخەلکێ کوردستانێ و جیهانێ خۆیاکر کۆ کەسێ رۆژێن بەرتەنگ و دژوارە ، دشێن ب لۆژیکانە سەرەدەریێ دگەل روودان و پێشهاتێن جودا جودا بکەت و خودان دبلۆماسیەتەکا تایبەتە دشێت ب دیالۆگ و دانۆستاندنا بەرژەوەندێن مللەتی و وەڵاتی بپارێزیت ، ژبەر ڤێ چەندێ ژی پارتی دیوکراتی کوردستان بریارەکا دیرۆکی یا گرنک دەرکر دەمێ بۆ سەرۆکاتیا هەرێما کوردستانێ کاندید کری . 
ئەڤ پێشوازیا نیڤ دەولەتی و هەرێمایەتیا لرۆژێن دەسپێکی ل نێچیرڤان بارزانی وەکی سەرۆکێ هەرێما کوردستانێ هاتیە کرن ، ئاماژەیێن پاڵپشتیا هەرێما کوردستانێ نە ژلایێ سیاسی و ئابۆری ، هەبۆنا پاڵپشتیا بڤی ڕەنگی فاکتەرێن پێشڤەچۆنا دووزا سیاسی یاکوردستانێ و گرانیا سەنگ و پێگەها وێ یە لسەر ئاستێ نیڤ دەولەتی و لسەر دەستێ ڤێ سەرۆکێ خۆدان ئەڤ کاریزمایە لقۆناغێن داهاتی دا دێ بهێزتر کەڤیت . 
ئەڤەژی خزمەتەکا هەرە زۆر و مەزنە بۆ هەرێما کوردستانێ ، بێ شک خەلکێ کوردستانێ بۆ قۆناغێن داهاتی ئێمناهی و ئەرزانی ، پاراستن و بەرەڤ پێشڤەبرنا دەسکەفتێن خۆ یێن نەتەوی و نشتیمانی دڤێن برەنگەکێ ئاشتیانە . 
پێگەهێ سەرۆک نێچیرڤان بارزانی لسەر ئاستێ جیهانێ و شاهرەزایی یا وی دوارێ دبلۆماسیەتێ دا و هەبۆنا ڤێ پشتەڤانیا نیڤ دەولەتی بۆ جەنابێ وی ، دبێژنەمە پاشەرۆژەکا گەش و پڕ دەسکەفت و سەروەری و بەختەوەری بۆ خەلکێ کوردستانی لرۆژێن دەسپێکا دەست بکاربۆنا سەرۆک نێچیرڤان بارزانی دیار بۆنە و درۆشمێ پارتی بەرەڤ کوردستانەکا بهێز دێ چەسپیت .





ئەم هەواڵە 571جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad