English | عربی | Kurdî دواهەواڵ
ڕاستەوخۆ  
 
بناغێ هێزا ئابوورى یا هه‌رێم و ئه‌مریكا
2019-06-26 [11:58 AM]

نڤیسینا : زوهرى جه‌به‌لى


په‌یوه‌ندییێن هه‌رێما كوردستانێ و ئه‌مریكا زۆرتر د بوارێن سه‌ربازیدا بوون، لێ پشتى حكومه‌تا هه‌رێمێ ب سه‌رۆكاتیا رێزدار نێچیرڤان بارزانى بناغێ ئابوورییه‌كا سه‌ربخۆ دانا و هژماره‌كا زۆرا به‌رمیلێن نه‌فتا كوردستانێ ب رێكا توركیا بۆ هه‌مى جیهانێ هنارتى، كۆمپانیایێن ب هێزێن بوارێ سامانێن سرووشتى به‌رێ خوه‌ دا هه‌رێمێ و كارین پشته‌ڤانى و كارتێكرنه‌كا نێڤده‌وڵه‌تى بۆ هه‌رێما كوردستانێ چێكه‌ن و، هه‌رێما كوردستانێ بوو جهه‌ك گرنگ ژ بۆ جیهانا ئابوورى. رێزدار نێچیرڤان بارزانى سیاسییه‌كێ دووربینه‌ و دزانى هه‌تا كوردستان نه‌بیته‌ خوه‌دى ئابوورییه‌كا بهێز و كێڵگێن نه‌فتێ، پێشڤه‌چۆن دێ كه‌فیته‌ ئاسته‌نگیا و، هه‌ر ئه‌و نه‌فت و ئابووریا بهێز و ئه‌منییه‌تا كوردستانێ بوو وه‌كرى، كورد ب بهێزى بمینه‌ڤه‌ و ببنه‌ خوه‌دى پشته‌ڤانییا نێڤده‌وڵه‌تى. پڕۆژه‌یا هه‌رى گرنگ د ڤێ دووماهیكێدا، ئیمزا كرنا یادداشتا لێكتێگه‌شتنێ بوو د ناڤبه‌را ژورا بازرگانییا هه‌رێما كوردستانێ و ژورا بازرگانییا ویلایه‌تێن یێكگرتیێن ئه‌مریكا. هه‌روه‌ك سه‌رۆكێ هه‌رێمێ د گوتارا خوه‌دا دیار كر كوو، قۆناخا پشتى شه‌ڕێ داعشێ قۆناخا ئاڤه‌دانكرنێیه‌. بۆ دیرۆكێ ژى دیار دكه‌ڤیت كوو د ده‌ما سه‌رۆكاتیا خوه‌دا ل سه‌رۆكاتییا ئه‌نجۆمه‌نێ وه‌زیران، نێچیرڤان بارزانى رۆله‌كێ گرنگ گێڕا و جهێ كاركرنا وى ده‌ركه‌فت. هه‌رێما كوردستانێ د ناڤ ڤان ئالۆزیى و قه‌یرانێن داراییدا، ئاڤه‌دانییه‌كا مه‌زن ل هه‌مى كوردستانێ هاته‌ كرن و، ئه‌و پڕۆژه‌یێن خزمه‌تگوزارى بۆ شار و گوندێن كوردستانێ هاتییه‌ كرن، د هه‌یاما 50 ساڵێن دن ژى ل عێراقێ ناهێن كرن.
د پڕۆژه‌یا ژورا بازرگانییا هه‌رێمێ و ئه‌مریكا، گه‌ڵه‌ك كار دێ هێنه‌ كرن، كوردستان دێ كه‌فیته‌ قۆناخه‌كا نویدا، پڕۆژه‌یێن خزمه‌تگوزاریێ دێ ب ره‌نگه‌كێ به‌رفره‌هتر هێنه‌ ئه‌نجامدان، ب شێوه‌یه‌كێ سه‌رده‌میانه‌ و ب نه‌خشه‌ و رێكێن نوو دێ خزمه‌تا هه‌ڤوه‌ڵاتییان هێته‌ كرن. تنێ هاتنا ژورا بازرگانیا ئه‌مریكا، به‌سه‌ بۆ ڤێ چه‌ندێ كوو گرنگیا هه‌رێمێ دێ بۆ ده‌وڵه‌ت و جیهانێ هێته‌ دیار كرن، گه‌ڵه‌ك كۆمپانیا و ولاتێن دى دێ هێنه‌ كوردستانێ و وه‌به‌رهێنانێ كه‌ن.چونكى هه‌رێما كوردستانێ جودا ژ عێراقێ، هه‌رێمه‌كا پاراستییه‌ و ئه‌منیه‌تا وێ به‌قه‌راره‌ و، مافێن وانا تێن پاراستن و، باوه‌ڕى دناڤبه‌را هه‌رێمێ و كۆمپانیایێن بیانى و ناڤ خوه‌دا هه‌یه‌، ئه‌ڤ چه‌نده‌ ژى د هه‌یاما بۆریدا بۆ هه‌مى جیهانێ دیار كه‌فتییه‌. نه‌خاسمه‌ سه‌ره‌دانا سه‌رۆكێ هه‌رێمێ بۆ به‌غدا و هه‌ولدان بۆ نه‌هێلانا كێشه‌یێن د ناڤبه‌را هه‌ولێر و به‌غدا كاردانه‌ڤه‌یه‌ك ل جیهانێ په‌ى خوه‌دا ئانى و دێ بیته‌ ئه‌گه‌ر كوو باوه‌ڕییه‌ك چێ ببیت بۆ كۆمپانیا و وڵاتێن دن ژى كو بێنه‌ كوردستانێ و وه‌به‌رهێنانێ بكه‌ن.
پشتى رزگار كرنا عێراقێ ل ساڵا 2003یێدا، په‌یوه‌ندیێن گه‌لێ كورد و ئه‌مریكا به‌ر ب پێشڤه‌چۆنێ چۆن و ژ بلى په‌یوه‌ندیێن سه‌ربازى، په‌یوه‌ندیێن دیپلۆماسى و ئابوورى ژى چێ بوون. ئه‌ڤ په‌یوه‌ندییه‌ ژى كارتێكرنه‌ك مه‌زن هه‌بوو لسه‌ر باوه‌ڕى و پێگه‌ها كوردان ل رۆژهه‌ڵاتا ناڤین.
ژورا بازرگانییا ئه‌مریكا نوێنه‌رایه‌تییا زیده‌تر ژ 3 ملیۆن كۆمپانى و بزنسمه‌نێن مه‌زنێن جیهانى دكه‌ت و دێ بیته‌ پره‌كا دى یا گرێدانا هه‌رێمێ ب دونیایا ده‌رڤه‌ یا بازرگانى، ب تایبه‌ت د بوارێن ئینته‌رنێت و سیسته‌مێن دارایى و بانكى، كارگێڕى و رێڤه‌برن، پیشه‌ سازى و تڕومپێلان،  هه‌ڤكارى كرنا پڕۆژه‌یێن بچیك و رووبڕوو بوونا گه‌نده‌لیێ و چه‌ند بوارێن دى یێن بازرگانى.
هاتنا ڤان كۆمپانیا ب رێكا ژورا بازرگانییا ئه‌مریكا بۆ هه‌رێمێ، دێ بیته‌ ئه‌گه‌ر بۆ بهێز بوونا ئابوورییا هه‌رێمێ و گه‌ڵه‌ك خه‌ڵك دێ بیته‌ خوه‌دى كار و رێژا بێكاریێ ل هه‌رێما كوردستانێ دێ كێم بیته‌ڤه‌.





ئەم هەواڵە 589جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad