English | عربی | Kurdî دواهەواڵ
ڕاستەوخۆ  
 
سەرۆک وەزیرانی عێراق بریارێکی توند دژی ھێزەکانی حەشدی شەعبی دەردەکات
2019-07-02 [05:51 AM]

ZNA- ھەولێر


سەرۆک وەزیرانی عێراق بڕیارێکی توند لە دژی میلیشیاکانی حەشدی شەعبی دەدات.

عادل عەبدولمەهدی، سەرۆک وەزیران و فەرماندەی گشتیی هێزە چەکدارەکانی عێراق مەرسومێکی دەرکردووە و تێیدا دووبارە پەیکەربەندیی حەشدی شەعبی داڕشتووەتەوە.

عادل عەبدولمەهدی ماوەی مانگێک مۆڵەتی بەو گرووپە چەکدارییانە داوە، کە خۆیان وەک حەشدی شەعبی دەناسێنن و تا ئێستا نەچوونەتە پاڵ ئەو میلیشیایانە، واز لە چەکداری بهێنن و دەست بە کاری سیاسی بکەن یان ئامادەبن بۆ رووبەڕووبوونەوە.

لە مەرسومەکەدا، فەرماندەی گشتیی هێزە چەکدارەکانی عێراق دووبارە ئەو میلیشیایانەی پابەند کردووە بە فەرمان وەرگرتن لە فەرماندەی گشتی نەک ئەو سەرکردە و کەسانەی سەرۆکایەتیی میلیشیاکان دەکەن.

لە خاڵێکی دیکەی مەرسومەکەیدا، عەبدولمەهدی فەرمانی بە داخستنی هەموو بارەگاکانی حەشدی شەعبی کردووە جگە لە سەربازگەکانی تایبەت بەو میلیشیایانە.

دوای هەرەسهێنانی سوپای عێراق، زیاتر لە 60 میلیشیا تائیفی لەژێر ناوی حەشدی شەعبی و بە فەتوای ئایەتوڵڵا عەلی سیستانی، مەرجەعی باڵای شیعەکانی عێراق دروست کران.

لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش هێرشیان کردە سەر شاری مووسڵ و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.





ئەم هەواڵە 1747جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad