English | عربی | Kurdî دواهەواڵ
ڕاستەوخۆ  
 
سیستەمێکی نوێ بۆ پێدانانی کارەبا دادەنرێت
2019-07-02 [06:06 AM]

ZNA- ھەولێر


پێدانی کارەبا بە هاووڵاتییان گۆڕانکاریی بەسەردا دێت و بەڕێوەبەری گشتیی کارەبای هەولێریش شێوازە نوێیەکە ئاشکرا دەکات.

حوسێن حه‌مه‌د، به‌ڕێوه‌به‌ری گشتیی كاره‌بای هه‌ولێر رایگەیاندووە، له‌ ماوه‌ی چه‌ند ڕۆژی ڕابردوودا له‌ سنووری ناوچه‌ی پیشه‌سازیی باشوور له‌ هه‌ولێر ده‌ستیان به‌ به‌ستانی پێوه‌ری زه‌یره‌كی كاره‌با له‌بری ئه‌و پێوه‌ره‌ كۆنه‌ی كه‌ پێشتر كاری پێ ده‌كرا، كردووه‌.

حوسێن حەمەد، کە لێدوانی بۆ ماڵپەڕی فەرمیی پارتی دیموکراتی کوردستان داوە، ئاماژەی بەوەش کرد، ئەو سیسته‌مه‌ نوێیە زیاده‌ڕۆیی له‌سه‌ر كه‌رتی كاره‌بای كوردستان ناهێڵێت، چونکە ”پێوه‌ره‌كان له‌سه‌ر ستوونه‌كان ده‌بن، نه‌ك له‌ناو ماڵان و كۆمەڵێك ڕۆتینیاتیش له‌ وه‌زاره‌تی كاره‌با نامێنێت“.

به‌ڕێوه‌به‌ری گشتیی كاره‌بای هه‌ولێر هەروەها رایگەیاندووە، تا ئێستا پێوه‌ره‌ نوێیەكه‌ بۆ زیاتر له‌ دوو هەزار شوێن به‌ستراوه‌ و‌ به‌گوێره‌ی ئه‌و گڕێبه‌سته‌ش، كه‌ کراوە، ده‌بێ له‌ ماوه‌ی 18 مانگی داهاتوودا سیسته‌مه‌کە بۆ ته‌واوی شوێنه‌ بازرگانی و پیشه‌سازییەکان و بۆ ماڵانیش ببه‌سترێت.

له‌باره‌ی سیسته‌مه‌ نوێیه‌كه‌ و گۆڕانكاری له‌ نرخی كاره‌بادا، بەڕێوه‌به‌ری گشتیی كاره‌بای هه‌ولێر رایگەیاندووە، سیسته‌مه‌كه‌ هیچ په‌یوه‌ندیی به‌ یه‌كه‌ی نرخی كاره‌باوە نییه‌. به‌ڵكو ته‌نیا كۆنترۆڵی به‌كارهێنانی كاره‌با ده‌كات.





ئەم هەواڵە 5968جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad