English | عربی | Kurdî دواهەواڵ
ڕاستەوخۆ  
 
پرۆسه‌سا خه‌ساندنا هزر، ئایدیۆلۆژیا و ئیرهابا فكری
2019-07-03 [11:59 AM]

نڤیسینا : زوهرى جه‌به‌لى ئێدلبى


جڤاكه‌ك كو هاتبیته‌ خه‌ساندن ب ئیراهابا فكری و ئایدیۆلۆژیا، د وێ جڤاكا نه‌زۆك دا، چ بوویه‌ر گوهارتنان چێ ناكه‌ن لسه‌ر ئاستا به‌رهه‌مئانیا شارستانی، كو شارستانی سیسته‌مه‌كێ جڤاكییه‌ به‌رهه‌مێن چاندی دێ زێده‌ بیت، د چار ره‌گه‌زاندا: ئابووری، سیاسی، نه‌ریتێن ئافراندناندا، شوونكه‌فتنا چاند و زانستێ، وی ده‌می دێ دوماهی ب هه‌لچوون و عینادا مرۆڤان ئینیت و ترس نامینیت و ئاسایش دێ بجێ بیت.
د  هه‌یاما ده‌رباسبووییدا ب تایبه‌ت شه‌ش ساڵێن چوویی، گه‌ڵه‌ك ده‌زگه‌ه و ناڤه‌ندێن ناڤخۆیی و ده‌رڤه‌ ب رێیا راگه‌هاندن و پێكانینا خوه‌نیشاندان و گره‌ڤگرتنان، هه‌ولدان كو باوه‌ڕییا وه‌ڵاتیان ب حكومه‌ت و ده‌سه‌ڵاتا برێڤه‌برنێ نه‌مینن و هه‌ولێن رژد دان كو ب ئازراندنا گازندان و ب بكارئینانا به‌لگه‌یێن سه‌خته‌، خالێن لاواز یێن حكومه‌تا هه‌رێما كوردستانێ ژ قه‌بارا خۆ مه‌زنتر بكه‌ن، لێ رێزدار نێچیرڤان بارزانی ب دیپلۆماسییه‌ت و شیاریا خوه‌ شیا وان هه‌ولا هه‌لوه‌شینه‌ و سیسته‌می سیاسی و ئه‌منی و ئابووری یێ هه‌رێما كوردستانێ خسته‌ سه‌ر رێیا راست و دروست و، به‌ربروویێ پیلانێن ناڤخۆ و ده‌رڤه‌ هات و سه‌ركه‌فت.
گه‌ڵه‌ك جار پرسیار تێ كرن كو سه‌ركه‌فتنێن نێچیرڤان بارزانی د هه‌یاما سه‌رۆك وه‌زیریێ دا بۆ چی ڤه‌دگه‌رن؟ نهێنی یا سه‌ركه‌فتنێن بارزانی ژبۆ دیرۆكا وی ژ باوه‌ڕبوون ب ئیراده‌یا خۆ و باوه‌ری بوونا وه‌ڵاتییان ب جه‌نابێ وییه‌، ژ سازش نه‌كرنێ لسه‌ر سیمبۆلێن خۆ و هه‌روه‌ها جیهان بینی و ڤیانا وی ژبۆ وه‌ڵات و رێبازا باب و باپیران، سه‌ده‌مه‌كێ سه‌ره‌كی یێ سه‌ركه‌فتنان بوویه‌.  
نسكۆ و پاشاگه‌ردانی یان پارتێن ئایدیۆلۆژی یان ژی ستالینییان د گۆڕه‌پانا رزگاریا نیشتیمانی و نه‌ته‌وه‌ییدا، گومان تێدا نینه‌ كو بۆ هه‌ڕفینا مه‌نزومه‌یا سوسیالیستی و هه‌لوه‌شاندنا یه‌كێتی یا سۆڤیه‌ت، ب كریارێن كه‌لتورێ سته‌مكاری یێن ستالینی و گه‌نده‌لی و و سته‌ما هه‌یمه‌نه‌تا تاك حزبی و پیرۆزكرنا كه‌سێتی یان ژ نه‌بوونا ده‌موكراسییه‌تێ، بكارئانینا رۆشنبیران بۆ خزمه‌ت و خیانه‌تێ، هه‌ولێن نه‌زۆك و راگه‌هاندنا دره‌و و خاپاندنا خۆ و چه‌واشه‌كرنا وه‌ڵاتییان ب ده‌زگه‌هێن سیبه‌رێن خۆ، نه‌وێران خۆ ل ره‌وتا بونیاتنانێ بده‌ن.
هه‌مان شێوازێ پارتێن ئایدیۆلۆژی یان ژی ستالینی، ل هنده‌ك ده‌ڤه‌رێن كوردستانێ ژی هاتنه‌ تاقیكرن، لێ كار و به‌رنامه‌یێ كابینه‌یا به‌رێ یا حكومه‌تا هه‌رێما كوردستانێ ب سه‌رۆكاتیا نێچیرڤان بارزانی، چ ده‌رفه‌ت بۆ نه‌یاران نه‌هێلان داكو مه‌ره‌مێن خۆ بجی بكه‌ن، له‌وا د هه‌یاما چار ساڵێن بێن یێن سه‌رۆكایه‌تیا هه‌رێما كوردستانێدا، ناهێ چاڤه‌ڕێ كرن كو هه‌رێما كوردستانێ راستی چ ئاسته‌نگیێن رووخێنه‌ر بێت و، هه‌موو ئه‌گه‌ر بۆ وێ یه‌كێنه‌ كو دێ هه‌رێمه‌كا بهێز چاڤه‌ڕێ ده‌ڤه‌را رۆژهه‌ڵاتا ناڤین كه‌ت.
سه‌رۆكێ هه‌رێما كوردستانێ ئه‌و  هێزا ب باندۆره‌ كو ره‌ه و ریشه‌یێن وی ژ دار به‌ڕوویێن كوردستانێ و ده‌نگ و باندۆرا وی ل هه‌می جیهانێ هه‌یه‌ و هه‌ڤال و دوژمن ناچارن حسابێ بۆ بكه‌ن، نێچیرڤان بارزانی تنێ نه‌بوویه‌ ره‌مزا سه‌ركه‌فتنێن پارتا دیموكراتا كوردستانێ، لێ بوویه‌ ئه‌ندازیارێ تێكشكاندنا كه‌لتورێ كه‌رب و عیناد و ئیراهابا فكری و لێكنێزككرنا هه‌مى پێكهاته‌یان و بوویه‌ مولكێ هه‌مى كورده‌كی و بنگه‌ها هێزا وی ژی ژ  هناڤێن گه‌ل و ئاخا كوردستانێ دایه‌.
دڤێ وێ یه‌كێ بده‌ینه‌ ناسكرن كو نێچیرڤان بارزانی بوویه‌ سه‌ده‌ما نه‌هێلانا كه‌لتور و نه‌ریتێن كه‌ڤن و هزرێن ژه‌نگی و هه‌روه‌ها ئیرهابا فكری، ئه‌گه‌ر نه‌ ئه‌سته‌م بوو گه‌لی كوردستانێ ژ گه‌فێن ته‌رۆریستێن داعش و عه‌ره‌بێن شۆفێنی و دوژمنێن سه‌دان ساڵی یێن كوردستانێ رزگار ببن، ئۆ دیرۆكا خۆ تۆمار كر كو ئه‌ندازیارێ پێكڤه‌ژیانا گه‌لا و ڤه‌ژاندنا سه‌قایێ لسه‌ر روویێ گه‌نج و پیر و زارۆیا و هه‌روه‌ها گارانتیكرنا پێگه‌هشتنا نفشه‌كێ تژی زانست و زانیاری و ولاتپارێزیێ.





ئەم هەواڵە 1447جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad