English | عربی | Kurdî دواهەواڵ
ڕاستەوخۆ  
 
دوو ملیۆن دینار بە هەر کوردێکی ئێزدیی ڕزگاربووی دەستی داعش دەدرێت
2019-07-03 [03:31 AM]

ZNA-هه‌ولێر


بەڕێوەبەری ئازادکردنی ڕفێندراوە ئێزدییەکان رایگەیاند: لەپڕۆژەیەکی ھاوبەشی حکوومەتی بەغدا و ھەرێم، حکومەتی بەغدا بڕی دوو ملیۆن دینار بە ھەر کوردێکی ئێزدیی ڕزگاربووی دەستی داعش دەدات.

ئەمڕۆ چوارشەممە حوسێن کۆرۆ قاعیدی لە کۆنگرەیەکی رۆژنامەوانیدا رایگەیاند: ساڵێک لەمەوبەر و حکوومەتی ھەرێمی کوردستان و بەتایبەتی وەزارەتی ناوخۆ، بە ھەماھەنگی لەگەڵ نووسینگەی ڕزگارکردنی ئێزدییە بێسەروشوێنکراوەکان و وەزارەتی کۆچ و کۆچبەرانی عێراق، پرۆژەیەک بۆ ھاوکاری و قەرەبووی ھاووڵاتییانی کوردی ئێزدیی ڕزگاربووی دەستی داعش ھاتە ئاراوە.

بەڕێوەبەری نوسینگەی وەڵامدانەوەی قەیرانەکان لە پارێزگای دھۆک بە ئامادەبوونی نوێنەری وەزارەتی کۆچ و کۆچبەرانی عێراق و بەڕێوەبەری نووسینگەی رزگاربووانی ئێزیدی لە ژێر دەستی تیرۆرستانی داعش لە پارێزگای دھۆک روونکردنەوەیەکی لەبارەی دابەشکردنی ئەو ھاوکارییە ماددیانە کە لە لایەن وەزارەتی کۆچ و کۆچبەران عێراقەوە لەسەر ژنان و کچانی رزگاربووی ژێردەستی تیرۆرستانی داعش دابەشدەکرێن دا و رایگەیاند: کە ٨٩٩ کەسی رزگاربووی ژێردەستی داعش لە ھاوکاریەکان سودمەند دەبن و ھەر یەکێکیش دوو ملیۆن دیناری عێراقی وەردەگرێت.

ئیسماعیل محەممەد ئەحمەد، نوێنەری پارێزگاری دھۆک بۆ کاروباری ئاوارە و پەنابەران ئەمڕۆ لە کۆنگرەیەکی رۆژنامەڤانیدا لە دھۆک رایگەیاند ئەمڕۆ قۆناغی دووەمی ھاوکارییەکان بەسەر خوشکان و کچانی رزگاربووی دەستی داعش دابەش دەکەین کە بە ھەماھەنگی لەنێوان وەزارەتی ناوخۆی ھەرێمی کوردستان و وەزارەتی کۆچ و کۆچبەرانی عێراق دابینکراوە.

شایەنی باسە نێچیرڤان بارزانی، سەرۆکی ھەرێمی کوردستان لە ساڵی ٢٠١٤ـەوە نووسینگەیەکی کردووەتەوە بۆ رزگارکردنی ئەو کەسانەی لەدوای ٢٠١٤ کەوتنە ژێر دەستی داعش و تاوەکو ئێستاش توانیویانە ژمارەیەکی زۆریان رزگاربکەن.





ئەم هەواڵە 3868جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad