English | عربی | Kurdî دواهەواڵ
ڕاستەوخۆ  
 
سه‌روكێ هه‌رێمێ و دروستكرنا هه‌ڤسه‌نگیان
2019-07-04 [11:32 AM]

نڤیسینا : زێره‌ڤان ته‌مو


سه‌روكێ هه‌رێما كوردستانێ ل چوار سالێن ماوێ سه‌روكاتیێ ب دیتنا من دڤێت ب هه‌مى ئاواهیان هه‌ڤسه‌نگیه‌كا گونجیایى یا په‌یوه‌ندیێن موكم هه‌بن د نێڤبه‌را ئیرانێ و ئه‌مریكا و ژبلى توركیا و پێكهات و سه‌رانێن سیاسیێن عیراقێ چما ئه‌ڤ چه‌نده‌ بهێته‌گوتن، دیاره‌ ئه‌مریكا هه‌رچ بخوازیت ژ عیراقێ دكاریت ئه‌نجام بده‌ت ل ماوه‌یه‌كێ هه‌رى كێم و ته‌نانه‌ت بێ كو لێڤه‌گه‌ریانێ بكه‌ت ژبۆ سه‌رانێن عیراقێ هه‌ڤده‌م نه‌ د پێشبینیا  عیراقیاندایه‌ ژى ئه‌و گاڤێن ئه‌مریكا ل عیراقێ بۆ به‌رژه‌وه‌ندیێن خۆ بكار تینیت و دگه‌لدا و كمێتر لڤێ چه‌ندێ كارگه‌ریا رژێما ئیرانێ یه‌ لسه‌ر عیراقێ ژبه‌ركو گاڤێن ئیرانێ ل ده‌ڤه‌رێ تا راده‌یه‌كى ئاشكرا و دخویانه‌ و نه‌ دوى ئاستى دانه‌ مینا ئه‌مریكا وه‌كو خویا باشترین میناك ئه‌گه‌ر ئاماژێ به‌رده‌ینه‌ سه‌ر ل ماوێ رابورى ئیرانێ كو ل ئیراقێ ئه‌نجام دایى دامه‌زراندنا حه‌شد الشعبى و كومه‌كا میلشیایان ل عیراقێ بۆ كو ب ره‌نگه‌كێ فه‌رمى هاتنه‌ دامه‌زراندن و حكومه‌تا ناڤه‌ندى یا عیراقێ ژى ب یاسا رێكخستن و ب هێزێن ئه‌وله‌هیا عیراقێ ناساندن و بودجه‌كێ خه‌یالى یێ عیراقێ بۆ ڤێ هێزێ تێته‌ مه‌زاختن و هه‌ژماره‌كا هه‌ره‌ زۆرا ڤان كه‌سان ژى ره‌نگه‌ ب ره‌گه‌ز ئیرانى بن و ئاشكرایه‌ هه‌ر ئه‌ڤ هێزه‌ بۆ ئه‌گه‌رێ داگیركرنا پارێزگه‌ها كه‌ركووكێ و شه‌رێ پێشمه‌رگه‌یى و ده‌ڤه‌رێن كوردستانى یێن ده‌رڤه‌یى هه‌رێما كوردستانێ بكه‌ن و ئه‌ڤ كێشه‌ نوى و قولتركر و ژلایه‌ك دیتر ب سیاسه‌تا ره‌گه‌زپه‌رێسانه‌ نها ب ره‌نگه‌كێ هه‌رى دیار ئه‌ره‌بێن هاورده‌ مولك و ئه‌رد و پاوان و زه‌ڤى و  ئاڤاهیێن كوردان داگیردكه‌ن و ب ره‌نگه‌كێ هه‌رى ئاشكرا و زق گه‌نم و به‌رهه‌مێ جوتیارێن كوردان دهێنه‌ سوتن ، ئاشكرایه‌ ئێكه‌م سه‌ره‌دانا سه‌روكێ هه‌رێما كوردستانێ ل رێكه‌ڤتى 20 / 6 / 2019 بۆ به‌غدا بوو نه‌خاسم ژبۆ موكمكرن و چاره‌سه‌ركرنا گیروگرفتێن دناڤبه‌را هه‌رێمێ و به‌غدا دا بوویه‌ و هاته‌ دیتن كو سێ كومبوونێن گرنگ ئه‌نجام دان دگه‌ل هه‌ر ئێك ژ سه‌روك كومارێ عیراقێ و سه‌روك وه‌زیرێن عیراقێ و سه‌روكێ جڤاتا نوێنه‌رێن عیراقا فیدرال مه‌ره‌ما كومبوونان ژى ژبۆ پرسێن ستراتیژیێن كوردستانێ بوونه‌ دگه‌ل حكومه‌تا ناڤه‌ندى هه‌ڤده‌م موكم كرنا په‌یوه‌ندیان بوویه‌ كو ژڤى ئالى خوشبه‌ختانه‌ په‌یوه‌ندیێن نێچیرڤان بارزانى سه‌روكێ هه‌رێما كوردستانێ ل به‌رێ و دنهادا ژى دئاسته‌ك هه‌رى باش دایه‌ له‌ورا گرنگه‌ كار لسه‌ر ڤه‌گه‌راندنا ئاخ و سنوورێ راسته‌قینه‌یێ هه‌رێما كوردستانێ ب رێیه‌كا ئاشتیانه‌ و ب رێیا مادێ ( 140 ) یێ ده‌ستوورێ عیراقێ كو پێكهاتییه‌ ژ نه‌هێلانا شوونوارێن ته‌عریبكرنێ و ڤه‌گوهاستنا ب زۆرى كو ل ته‌ڤ ده‌ڤه‌رێن كوردستانى یێن ژ ده‌رڤه‌ى ده‌سهه‌لاتا هه‌رێمێ ب باژێرێ كه‌ركوكێ ڤه‌ هاتیه‌كرن، ده‌ربارێ په‌یوه‌ندیێن سه‌روكێ هه‌رێمێ دگه‌ل هه‌ر ئێك ژ وه‌لاتێن توركیا و ئیرانێ ئه‌ڤ په‌یوه‌ندییه‌ دئاسته‌كێ باش دانه‌ و ته‌نانه‌ت لده‌مێن بورى ل زۆر كاودانێن به‌رته‌نگ كێم تا زۆر ئه‌ڤ وه‌لاته‌ هه‌ماهه‌نگ و هه‌ڤكاربووینه‌ دگه‌ل هه‌رێما كوردستانێ ته‌نانه‌ت لده‌مێ سویند خواندنا سه‌روكێ هه‌رێمێ كو وه‌زیرێ ده‌رڤه‌یێ توركیا ل رێورسمان به‌رهه‌ڤببوو ئه‌ڤ چه‌ند گروڤێ لێك نزیكیا ڤان هه‌ردوو ئالیانه‌ هوكار ژى ژبۆ په‌یوه‌ندیێن باش یێن دیبلوماسى و ئابوورى و هتد .. دزڤرینم ، و ژلایێ دى دێ مینیت په‌یوه‌ندیێن هه‌رێمێ دگه‌ل ئێك ژ وه‌لاتێن زلهێزێن جیهانێ ئه‌و ژى ئه‌مریكایه‌ لڤى ماوه‌یى وه‌كو ئاشكرا ل رێكه‌ڤتى 24 / 6 / 2019 سه‌روكێ هه‌رێما كوردستانێ دگه‌ل شانده‌كێ وه‌زاره‌تا ده‌رڤه‌یا ئه‌مریكا كوومبوو ڤى شاندى دلخوشییا خوه‌ ب تایبه‌ت ب بزاڤێن چاره‌سه‌ركرنا كێشێن هه‌ولێر و به‌غدا نیشان دا ، كو بێگومان چاره‌سه‌رێ كێشه‌یێن ناڤبه‌را هه‌ولێر و به‌غدا خودى نێچیرڤان بارزانى سه‌روكێ هه‌رێما كوردستانێ بوویه‌، دیاره‌ژى دگه‌ل ڤى شاندى یاداشته‌كا لێكتێگه‌هشتنێ دناڤبه‌را هه‌رێما كوردستانێ و ئه‌مریكا دا هاته‌ ئیمزاكرن كو درێورسمێن ئیمزاكرنێ دا سه‌روكێ هه‌رێمێ راگه‌هاند هیڤیدارم ئیمزاكرنا ڤێ لێكتێگه‌هشتنێ خێرا هه‌رێما كوردستانێ و عیراقێ و ئه‌مریكا تێدا بیت و خویا كر كو په‌یوه‌ندیێن مه‌ دگه‌ل ئه‌مریكا ددیروكینه‌ و هه‌رده‌م رۆله‌كێ مه‌زن دپاراستنا هه‌رێما كوردستانێ دا گێرایه‌، ئه‌ز باوه‌رم چوارسالێن داهاتى بۆ وێ هه‌ڤسه‌نگیێ دێ فاكته‌رێن كاریگه‌ربن بۆ پتر وه‌رارو پێشدابرنێ به‌ر ب بونیاتنانا كوردستانه‌كا بهێز و هه‌ڤسه‌نگ دهه‌مى هاڤلى و تێكه‌لیێن خۆدا.





ئەم هەواڵە 2902جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad