English | عربی | Kurdî دواهەواڵ
ڕاستەوخۆ  
 
په‌یوه‌ندیێن هه‌ولێر و واشنتونێ به‌ر ب ئاسویێن گه‌شترڤه‌
2019-07-05 [01:27 AM]

نڤیسینا : دیندار مستەفا


په‌یوه‌ندیێن هه‌ولێر و واشتنونێ رۆژ بۆ رۆژێ به‌ر ئاسویێن گه‌شتر و رۆناكتر خوربوونێ ڤه‌ دچن. ژێده‌رێ ئه‌ڤێ هێزمه‌ندیێ ژ خو په‌یدانه‌بویه‌ ئه‌گه‌ر ب دبلوماسیه‌ت و په‌یوه‌ندیێن خورتێن رێزدار نێچیرڤان بارزانێ نه‌بان هه‌م ل ده‌مێ حكومرانیا خۆ وه‌كو سه‌رۆكێ حكومه‌تا هه‌رێما كوردستانێ كو ل ده‌ما وى كونسلخانا ئه‌مریكا ل هه‌ولێرێ هات ڤه‌كرن و چه‌ندین مه‌زنه‌ كومپانیێن ئه‌مریكا دوارێ پێشه‌سازى و ده‌رئینانا نه‌فتێ دا ل هه‌رێما كوردستانێ پشتێ بهێزكرنا په‌یوه‌ندیان و ڤه‌كرنا كونسلخانا ئه‌مریكا ل هه‌ولێرێ ده‌ست بكاربوون. پاشان دوارێ سه‌ربازى ژیدا ئه‌مریكا هه‌رێم ب نزیكترین و باشترین دوستێ خوه‌ دانا مه‌زنترین بنگه‌هێ خویێ سه‌ربازى ل هه‌رێمێ دانایه‌. هه‌روه‌سا به‌رێ بنیاتى بو مه‌زنترین كونسلخانه‌ ل سه‌رئاستێ رۆژهه‌لاتا ناڤین ل هه‌ولێرا پایته‌خت دانا ل ده‌مێ سه‌رۆكاتیا حكومه‌تا رێزدار نێچیرڤان بارزانى. ئه‌ڤه‌ زێده‌بارى چه‌ندین هه‌ولێن دیترێن میرى دناڤبه‌را هه‌ولێر و واشنتونێ دا. 
پشتى ده‌ستبكاربوونا رێزدار نێچیرڤان بارزانى وه‌كو سه‌رۆكێ هه‌رێما كوردستانێ، د هه‌یاما رۆژێن بوریدا مه‌زنترین یاداشتنامه‌ دناڤبه‌را ژۆرا بازرگانیا واشتنونێ و هه‌ولێرێ هات ئیمزاكرن ب ئاماده‌بوونا سه‌رۆكێ هه‌رێمێ و كومه‌كا كه‌سایه‌تیێن دیترێن سیاسى و بزنزمه‌نى و ژ هه‌ردوو ئالیان د رێوره‌سمێن ئیمزاكرنا ئه‌ڤێ یاداشتناما مه‌زنا دیرۆكى و بازرگانى ئاماده‌بوون. كو تێدا سه‌رۆكێ هه‌رێمێ گوتاره‌ك پێشكێشكر دگوتار خۆدا سیناهى ئێخسته‌ سه‌ر چه‌ندین خالێن گرنگ و ستراتیجى كو د پاشه‌رۆژێدا دێ خزمه‌ته‌كا مه‌زن پێشكێشى هه‌ردوو ئالیان كه‌ت، دوارێ ئابورى و بارزگانى و دبلوماسى وسه‌ربازى و ئه‌منى و دیرۆكى و جڤاكیدا. گرنگیا ئه‌ڤان جوره‌ یاداشتنامان د ئه‌ڤرویا جێهانا مودێریندا دگه‌ل وه‌لاته‌كێ مینا ئه‌مریكا د ئه‌و په‌رى سه‌نگ و هێزمه‌ندیا سیاسى و ئابورى و بازرگانیدا خو دبینیت. چونكه‌ ئه‌مریكا ئه‌گه‌ر ئاسویێن باش ل ده‌ڤه‌ره‌كا مینا هه‌رێما كوردستانێ نه‌بیت نه‌جارو پێتڤى نیه‌ كو په‌یوه‌ندیێن خویێن دبلوماسى و ئابورى دگه‌ل كوردان بهێزبكه‌ت. راسته‌ ئه‌ڤ په‌یوه‌ندیه‌ پتر دبه‌رژه‌نگا ئه‌مریكا دانه‌ وه‌كو وه‌لاته‌كێ زلهێزا جیهانێ، چونكه‌ هه‌رێما كوردستانێ ژى جهه‌كێ گرنگ و ستراتیجیه‌ بۆ ئه‌مریكا ژ رویێ ئابورى و سیاسى و بازرگانێ و سه‌ربازیڤه‌. لێ د نهادا و دناڤ گوره‌پانا سیاسیا عێراقێ و رۆژهه‌لاتا ناڤیندا ئه‌ڤ جوره‌ لێكتێگه‌هشتنه‌ دبه‌رژه‌وه‌ندیا خه‌لكێ هه‌رێمى و كوردستانیاندایه‌ بگشتى. نه‌مازه‌ دئه‌ڤرۆكه‌دا كو ئه‌مریكا زێده‌بارى زلهێزیا خۆ بزاڤێ دكه‌ت كونترۆلا هه‌مى جیهانێ بكه‌ت و گاڤێن وێژى رۆژ بۆ رۆژێ یێ سه‌ردگرن وه‌كو وه‌لاته‌كێ باب سالار بۆ مونوپولكرنا ده‌ستهه‌لاتا سیاسى و ئابورى بازرگانى و سه‌ربازى و ته‌كنولوژى و زانستى و ئه‌منى و...هتد، ل هه‌مى جیهانێ، چونكه‌ هه‌ر مایتێكرن یان مایتێنه‌كرنا ئه‌مریكا د هه‌رئێك ژ ئه‌ڤان بوارێن مه‌ ئاماژه‌پێكرى د هه‌ر وه‌لاته‌كێدا گورانكاریێن مه‌زن  په‌یدا دكه‌ت. له‌ورا بدیدا مه‌ لێك نێزیكبوونا هه‌ولێر و واشتونێ د ده‌ما نهادا گه‌له‌ك یا گرنگ و پێتڤیه‌. نه‌مازه‌ د ئه‌ڤان كاودان و گرژیێن ڤێ دوماهیێ دا ئه‌وێن دناڤبه‌را ئه‌مریكا و ئیرانێ دا په‌یدابووین كو خه‌ریكه‌ شه‌ره‌كێ مه‌زن په‌یدا بیت حه‌تا ل سه‌ر ئاستێ جیهانێ ژى. كورد ئه‌ڤێ قوناغێ دا دڤێت هه‌ڤسه‌نگیا خو بپارێزیت و نه‌چیته‌ دناڤ ئه‌ڤێ یاریا مه‌ترسیدار دا، ئانكو فه‌ره‌ كورد هه‌ڤسه‌نگیێ بكه‌ت دناڤبه‌را واندا. ژبه‌ركو ئه‌گه‌ر كورد دژبه‌ریا هه‌رئێك ژ ئه‌ڤان دوو ئالیان بكه‌ت دێ بیته‌ قوربانیێ ئه‌ڤان گرژى و ئالوزیان. چونكه‌ ئه‌مریكا ژبلى به‌رژه‌وه‌ندیان، وه‌لاته‌كێ زلهێزه‌ و كورد ژى د ئه‌ڤێ قوناغێ دا وه‌كو ملله‌ته‌كێ ب ده‌وله‌ت پێتڤى ب پشته‌ڤانیا نیڤده‌وله‌تینه‌، نه‌مازه‌ پشته‌ڤانیا وه‌لاته‌كێ مینا ئه‌مریكا ئه‌ڤه‌ زێده‌بارى پاراستنا ئه‌وێ دوستینیا دناڤبه‌را كوردان و ئه‌مریكا دا هه‌ى. دیسان ئیران ژى بلى كو دنه‌یاره‌ د هه‌مان ده‌مدا دوست و هه‌ڤسیێ نێزیكێ دیرۆكیێ كوردانه‌ ئه‌ڤه‌ زێده‌بارى وێ یه‌كێ كو زێده‌ترى 8ملیون كوردان ئه‌ڤرۆ ل ژێر سێبه‌را ده‌ستهه‌لاتا  ئیرانێ دژین. دیسا ئیران ژێده‌ره‌كێ بهێزه‌ بۆ دابینكرنا پێتڤیێن بارزگانى  بۆ هه‌رێما كوردستانێ و به‌روژڤاژى ڤێ چه‌ندێ ژى هه‌ر دروسته‌. هه‌ر ژبه‌ر ئه‌ڤا ل سه‌رى مه‌ دیاركرى.  دڤێت هه‌ولێر وه‌كو ناڤه‌نده‌كا خوسه‌ر بۆ كوردان ب ژیرمه‌ندانه‌ بریارێ بده‌ت. كو  هه‌رچه‌نده‌ هه‌تا ئه‌ڤرۆكه‌ پشتى ئه‌وان فشار و هه‌ره‌شێن ئه‌مریكا و ئیرانێ ب سایا سه‌رۆكێ هه‌رێما كوردستانێ رێزدار نێچیرڤان بارزانى د كه‌ڤندا وه‌كو سه‌رۆكێ حكومه‌تێ و دنهاژیدا وه‌كو سه‌رۆكێ هه‌رێمێ درێغى نه‌كریه‌، ب لێزانى و په‌یوه‌ندیێن خویێن دبلوماسى شیایه‌ ئه‌ڤێ هه‌ڤسه‌نگیێ رابگریت و په‌یوه‌ندیێن خو یێن ئابورى و بازرگانى و دبلوماسى بپارێزیت دگه‌ل هه‌ردوو ئالیان. وه‌كو دیار ژى رۆژ بۆ رۆژێ ئه‌ڤ په‌یوه‌ندیه‌ گه‌رمتر و گه‌شتر دبن.





ئەم هەواڵە 1099جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad