English | عربی | Kurdî دواهەواڵ
ڕاستەوخۆ  
 
هه‌رێما كوردستانێ ده‌روازه‌یه‌ك بۆ بازارێن جیهانى
2019-07-08 [07:33 AM]

نڤیسینا : پەروین رەمەزان دوسکی


ئه‌زمونا حوكمى ل هه‌رێما كوردستانێ ده‌سپێكر پشتى چه‌ندین رویدانێن عیراقى ونیڤده‌وله‌تى رویداین، وهه‌میا پێكڤه‌ كاودان وده‌ریڤه‌كا گونجاى په‌یداكر بۆ گه‌لێ كوردستانا عیراقێ داكو ده‌زگه‌هێن خۆ یێن سیاسى بدامه‌زرینیت. گرنگترین ڤان رویدانا كوچا ملیونى بوو یا گه‌لێ كوردستانێ پشتى سه‌رهلدانا پیروز ل هه‌یڤا ئادارا 1991، ئه‌ڤ كوچه‌ وه‌رچه‌رخانه‌كا دیروكى بوو بۆ هه‌رێمێ، چونكى بوو ئه‌گه‌رێ ده‌رچوونا بڕیارا جڤاتا ئاسایشێ ژماره‌ 688 ل 5/4/1991، وپێرابوون وبڕیارێن نیڤده‌وله‌تى یێن دویڤدا هاتینه‌ وه‌رگرتن ژلایێ ده‌وله‌تێن هه‌ڤپه‌یمان بۆ مایتێكرنێ ل عیراقێ بۆ پاراستنا گه‌لێ كورد ژحوكمه‌تا صه‌دامى، وه‌كى دامه‌زراندنا ده‌ڤه‌ره‌كا ئارام لباكورێ هێلا په‌حنیێ 36 برێكا پروسه‌یا دابینكرنا ئارامیێ (operation of provide comfort) كو هاته‌ بجهئینان برێكا دوو پێرابوونا: دامه‌زراندنا ده‌ڤه‌ره‌كا ئارام (safe haven) وفه‌رزكرنا قه‌ده‌غه‌یا ئه‌سمانى لباكورێ هێلا په‌حنیێ 36، وهه‌روه‌سا ده‌وله‌تێن هه‌ڤپه‌یمان قه‌ده‌غه‌یا ئه‌سمانى بهێزتر لێكر برێكا دامه‌زراندنا بنگه‌هه‌كێ له‌شكه‌رى ل توركیا دگوتنێ چه‌كوچێ ئاماده‌ (poised hammer).
ل سالێن رابردوو دا ژى دبینین ئه‌مریكا په‌یوه‌ندیه‌كى دوستانه‌ و درێژخایه‌ن دگه‌ل هه‌رێما كوردستانێ هه‌بویه‌ و ل ده‌سپێكا سالێن 1991 هه‌تا نها پشتگیریه‌كا زور ل هه‌رێما كوردستانێ كریه‌ و هه‌روه‌سا ڤێ دوماهیێ ب تایبه‌ت ل شه‌رى دژى تیروریستانى داعش دا، هوكاره‌كى سه‌ره‌كى هه‌بویه‌ بو ژناڤبرنا تیروریستان و هه‌روه‌سا هه‌رێما كوردستان و ئه‌مریكا د وان سالانه‌ دا به‌رگرى ل ئازادى و دیموكراسى و ئاشته‌وایى كریه‌، و هه‌ول دایه‌ پێكڤه‌ژیانێ ئایینى و نه‌ته‌وه‌یى ل هه‌رێما كوردستانى و ئیراقێ دروست ببیت. هه‌روه‌سا هه‌مى ده‌ما ئه‌مریكا هه‌ول دایه‌ كو كێشه‌یێن دناڤبه‌را حكومه‌تا فیدرالى ئیراق و هه‌رێما كوردستان چاره‌سه‌ر بكه‌ت و نها په‌یوه‌ندیێن وان به‌ره‌ڤ باشتر دچن و ئه‌ڤه‌ ده‌سپێكا قوناغه‌كا نوی دبیت كو وان ئاریشانه‌ لسه‌ر بنه‌ماى ده‌ستوور و فیدرالى بهێته‌ چاره‌سه‌ر كرن.
ل رێ و ره‌سمی پاداشتنامه‌ دا، نێچیرڤان بارزانى، سه‌روكێ هه‌رێما كوردستان، دگوتارا خو دا باسى ڤێ چه‌ندێ كر كو دێ هه‌ول ده‌ین هه‌رێما كوردستان ببیته‌ هوكاره‌ك بو بازاره‌كى مه‌زن كو ئیراق ژى بشێت بكار بینیت، ئانكو ده‌روازه‌یه‌ك بو بازارى جیهانى. 
په‌ره‌پێدانى چالاكى ئابورى و بازرگانى ل هه‌رێما كوردستان، بتنێ پروسه‌یه‌كى ئابورى و بازرگانى نیه‌، به‌لكو ئاڤه‌دانكرنه‌وه‌ و بنیاتنانى ژیان و مروڤی یه‌.
ئیمزاكرنا پاداشتنامه‌ كاره‌كى پێدڤیه‌، چونكه‌ ژوورى بازرگانیى ئه‌مریكا مه‌زنترین بزنسى جیهانێ یه‌، و زورتر ژێ (100) نڤَسینگه‌ه ل جیهانێ دا هه‌یه‌، و ده‌رگه‌هێ زورتر ل سێ ملیون كومپانیێن ئه‌مریكى، ب سه‌ر هه‌رێما كوردستانێ و ئیراق دا دكه‌نه‌وه‌ و لێره‌ دا ژى بازاره‌كى مه‌زن بو كومپانیێن ئه‌مریكا دروست دبیت.
هه‌رێما كوردستانێ ژلایێ وه‌به‌رهینان و سه‌رمایه‌گوزارى دا، گه‌له‌ك یا سه‌ركه‌فتی بویه‌ ل وان سالێن بورى دا، ل سه‌رانسه‌رێ ئیراقێ دا، و هه‌رده‌م هه‌رێمێ كار كریه‌ كو یاساى وه‌به‌رهینانا سه‌رده‌میانه‌ و گه‌ره‌نتیى وه‌به‌رهینان بیت و یاسایه‌ك كو بشێت زور سه‌رمایه‌ و وه‌به‌رهینانى بیانى بهێنیته‌ هه‌رێما كوردستان و چالاكیى ئابورى و بازرگانى زورتر بهێته‌ ئه‌نجام دان. هه‌روه‌سا گره‌نتیا هندێ كو مافێن وان ژلایێ مه‌ڤه‌ دهێنه‌ پاراستن.





ئەم هەواڵە 2677جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad