English | عربی | Kurdî دواهەواڵ
ڕاستەوخۆ  
 
سەرۆکى ئەنجوومەنى قەزاى شنگال: خەڵکى شنگال لە ترسى پەکەکە ناگەڕێتەوە
2019-07-09 [08:02 AM]

ZNA – هه‌ولێر


سەرۆکى ئەنجوومەنى قەزاى شنگال  ده‌ڵێت، دەرچوونى پەکەکە لە شنگال و گەڕانەوەى ئیدارەى شەرعى قەزاکە، کلیلى چارەسەرکردنى سەرجەم کێشەكانه‌، دەبێت پەکەکە دەست لەو خەیاڵە بەربدات کە شنگال ببێتە قەندیلى دووەم".

وەیس نەواف نادر به‌ ئاژانسى ئانادۆڵو-ی راگه‌یاند: "پەکەکە رێگە نادات ئاوارەکانى شنگال بگەڕێنەوە سەر زێدى خۆیان بۆیە تا ئێستا زیاتر لەسەدا ٧٥ی ئاوارەکانى شنگال لەنێو کەمپەکانى سنوورى پارێزگاى دهۆک دەژین.

ئه‌و گوتیشی: خەڵکى شنگال لە ترسى پەکەکە ناگەڕێتەوە، چونکە لە چەند ساڵى رابردوودا ژماره‌یه‌ك خێزان گەڕانەوە، هەرچەند رۆژێک دواى گەڕانەوەیان لە لایەن پەکەکەوە سەرانەیان لێوەرگیرا و گەنجەکانیان بۆ چەکدارى زۆرەملێ بردن، دواى دووبارەبوونەوەى چەند حاڵەتێکى لەم شێوەیە ئاوارەکانى شنگال بڕیارى کۆتاییان دا کە تا پەکەکە لە شنگال بێت ئەوانیش نەگەڕێنەوە".

سەرۆکى ئەنجوومەنى قەزاى شنگال ده‌شڵێت: "لەڕابردوو و لەئێستاشدا پەکەکە رێگربووە لەوەى شنگال ئاوەدان بکرێتەوە، سەدان کۆمپانیا لە دەیان وڵاتەوە هەن بۆ ئاوەدانکردنەوەى قەزاکە بەڵام بە هۆى بوونى پەکەکە و دروستکردنى ئاڵۆزى و ئاژاوەگێڕى و چالاکى چەکدارى، هیچ کۆمپانیا و وڵاتێک ئامادە نییە گیانى پسپۆڕ و ئەندازیار و کارمەندەکانى بخاتە مەترسییەوە".

سەرۆکى ئەنجوومەنى قەزاى شنگال دووپاتى دەکاتەوە کە شنگال جێگەى پەکەکە نییە و حکوومەتى هەرێمى کوردستان، ئیدارەى پارێزگاى نەینەوا و ئیدارەى قەزاى شنگال و لە هەمووى گرنگتر هاووڵاتییانى شنگال خۆیان، دژى مانەوەى پەکەکەن لە سنوورەکە.

لەبارەى ئەوەى ئایا دەرچوونى پەکەکە لە شنگال سەرجەم کێشەکان چارەسەر دەکات، وەیس نەواف نادر گوتى: "بەڵێ بێگومان، چونکە هۆکارى سەرجەم کێشەکان پەکەکەیە، ئەگەر پەکەکە پڕوپاگەندەى ئەوە دەکات کە شنگال دەپارێزێت، ئەى بۆ رێگرى لە جموجۆڵەکانى داعش ناکات؟ بۆ رێگە لە سووتاندنى بەرهەمى جووتیاران ناگرێت؟".

سەرۆکى ئەنجوومەنى قەزاى شنگال گوتیشی: "پەکەکە بە دروشم خۆى بە کورد دەناسێنێت و وەها خۆى نمایش دەکات کە لە بەرژەوەندى کورد کار دەکات، بەڵام لەڕاستیدا دژبە بەرژەوەندییەکانى کورد کار دەکات و لەژێر ئەجێنداى وڵاتاندان".

 





ئەم هەواڵە 1414جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad