English | عربی | Kurdî دواهەواڵ
ڕاستەوخۆ  
 
بۆ ساڵى چوارەم ڕیزبەندى نیشتیمانى زانکۆکان ڕادەگەێندرێت
2019-07-10 [11:32 AM]

ZNA - هه‌ولێر


 

به‌ڕێوه‌به‌رایه‌تی ڕاگه‌یاندنی وه‌زاره‌تی خوێندنى باڵا و توێژینەوەى زانستى له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، وه‌زاره‌ت بۆ ساڵى چوارەم ڕیزبەندى نیشتیمانى زانکۆکانى کوردستان ڕادەگەێنێت.

لێژنەى باڵاى ڕیزبەندى نیشتیمانى زانکۆکانى کوردستان لە ڕاگەیەنراوێکدا ڕایدەگەیەنێت: ڕیزبەندى نیشتیمانى زانکۆکان یەکێک لەپڕۆژە گرنگ و کاریگەرەکانى وەزارەتى خوێندنى باڵا و توێژینەوەى زانستى، چونکە جێبەجێکردنى ئەو پڕۆژەیە لە ماوەى ڕابردو کاریگەرى زۆرى خستۆتە سەر پێشکەوتنى زانکۆکان و، ئاشناکردنى زانکۆکان بەکۆمەڵێک بەهاى نوێ.

لە ڕاگەیەنراوەکەدا ئەوەش هاتوە: لەئێستادا کاروبارە تەکنیکى و تایبەتەکانى پەیوەست بە ڕێزبەندى نیشتیمانى زانکۆکان  بەشێوەیەکى سەرکەوتو بەڕێوەدەچێت و واش بڕیارە ئەمساڵیش لە ناوەڕاستى مانگى ئەیلول بۆ جارى چوارەم ڕیزبەندى نیشتیمانى زانکۆکان ڕابگەیەنرێت.

لێژنەى باڵاى ڕیزبەندى نیشتیمانى زانکۆکانى کوردستان دوپاتیشى دەکاتەوە: پرۆسەى ڕیزبەندى زانکۆکان پشت بە (٧) پێوەرى سەرەکى و، (٤٧) پێوەرى لاوەکى دەبەستێت، جێبەجێکردنی پڕۆژەی ڕیزبەندی نیشتیمانی زانکۆکان گۆڕانکاری زۆر گرنگی لەگەڵ خۆی هێنا، کلتوری کێبڕکێی زانستی تۆخکردەوەو، پێوەر و ستاندارد و کلتوری نوێی هێنایە ناو ئەزمونی ئەکادیمیای کوردستان.





ئەم هەواڵە 3796جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad