English | عربی | Kurdî دواهەواڵ
ڕاستەوخۆ  
 
سەرۆک دھەوارێ ھات
2019-07-11 [04:51 AM]

نڤیسینا : دلوڤان حەسەن


کوردستانێ ب گشتی دەردەسەری،بەرتەنگی و زۆڵمەک مەزن دیتییە، قوربانیێن زۆر داینە ژ پێخەمەت ژیانەک ئازاد و سەرفەراز. ب خۆشبەختانەڤە نها هەرێما کوردستانێ بەرهەمێ قوربانیدانا خوە وەردگریت کو ب سایا سەرکردەیێن کارێزما و پێشمەرگە و خەلکێ خوە یێ خوەراگر د ئازادی و ئارامییەک باش دایە. لێ یاکو بوویە جهێ دلئێشانێ بۆ بەشەکێ مەزن ژ هەڤوەڵاتیێن پارێزگەها دهۆکێ ئەوە کو وەسان دبینن هەڤبەرکرن ل گەل پارێزگەهێن دی یێن ڤێ هەرێمێ جورە جوداکاریەک د ئاست واندا دهێتە کرن. هەلبەت ئەڤە ژی پشتی وێ ئێکێ هات کو پشکا کارەبا ڤێ پارێزگەهێ ل چاڤ پشکا پارێزگەهێن دی کێمترە و ئەڤە بوویە ئەگەر کو بوهایێ کرێیا کارەبا موەلیدان گرانتر ل سەر خەلکێ ڤێ پارێزگەهێ رابوەستیت. د دەمەکیدا کو خەلکێ ڤێ پارێزگەهێ هەژی ژیانەک هەژیترن ژبەرکو د قوربانیدان و ڤەحەواندنا ئاوارەیان و پاراستنا ئارامیا کوردستانێ ئەڤ پارێزگەهە پێشەنگ بوویە.د وێ باوەرێدا نینین کو ب مەرەم ئەڤ چەندە روودا بیت، هەلبەت وەکی ئەم هەموو دزانین کو هێشتا رێژەکا زۆر یا ئاوارەیان ل ڤێ پارێزگەهێ هەنە و ل بەر چەند ئەگەرێن دی ئەڤ چەندە روودایە و دبیت ژی بەشەک ژ ئەگەرێ کێمتەرخەمیا کاربدەستێن ڤێ پارێزگەهێ بیت کو نەشیابن وەکی پێدڤی ڤێ کێشەیێ بگەهیننە سەرۆکێ حکوومەتێ یێ بەرێ ئانکو سەرۆکێ هەرێمێ یێ نها "نێچیرڤان بارزانی"لەوما ب خۆشبەختانەڤە پشتی فراکسیۆنا پارتی ل پەرلەمانێ کوردستانێ ب یاداشتنامەکێ ب رۆن و زەڵالی ئاریشەیێن ڤێ پارێزگەهێ ب گشتی و ئاریشەیا کارەبێ ب تایبەت گەهاندینە سەرۆکێ هەرێمێ، راستە راست بەرسڤا وان هاتە دان کو هایداری ڤێ کێشێ یە و ب زووترین دەم دێ ل سەر کارکەت و یا پێدڤی دێ بۆ دهۆکێ هێتە کرن.بێگۆمان کارکرنا سەرۆکی ل سەرکێشەیێ واتە چارەکرن د بەرژەوەندا هەڤوەڵاتیێن ڤێ پارێزگەهێ دا.ئەڤە وێ ئێکێ دیاردکەت کو هیچ جارەکێ دهۆک ل دەف سەرکردایەتییا کوردی و خودێ "نێچیرڤان بارزانی" یا پشتگوهـ هاڤێتی نەبوویە لێ وەک مە ل سەری ئاماژە پێکری دبیت بەشەک ژ هەبوونا ڤان کێشەیان بۆ خەمساریا هندەک بەرپرسێن ڤێ پارێزگەهێ و هەبوونا چەند ئەگەرێن دی ژی ڤەگەڕیت.





ئەم هەواڵە 1999جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad