English | عربی | Kurdî دواهەواڵ
ڕاستەوخۆ  
 
ئه‌مڕۆ سه‌رۆكی په‌رله‌مان ده‌ستنیشان ده‌كرێت
2019-07-11 [08:08 AM]

ZNA - هه‌ولێر


ئه‌مڕۆ پێنجشه‌ممه‌ 2019/7/11، ده‌سته‌ی سه‌رۆكایه‌تی په‌رله‌مانی كوردستان، كۆبوونه‌ووه‌ی ئاسایی خۆی له‌ به‌رنامه‌ی كاری دانیشتنی ژماره‌ (14) سازكرد.

كۆبوونه‌وه‌ی سه‌رۆكایه‌تی په‌رله‌مانی كوردستان، كارنامه‌ی دانیشتنی ئه‌مڕۆ له‌ كاتژمێر 11ی پێشنیوه‌ڕۆده‌ست پێكرد، كه‌ له‌ 3 بڕگه‌ پێكهاتووه‌، یه‌كه‌میان تایبه‌ت بوو به‌ سوێندخواردنی یاسایی بۆ ئه‌و په‌رله‌مانتاره‌ نوێیانه‌ی، كه‌ شوێنی ئه‌و په‌رله‌مانتارانه‌ ده‌گرنه‌وه‌، كه‌ پۆستی حكوومییان له‌ كابینه‌ی نوێی حكوومه‌تی هه‌رێمی كوردستاندا وه‌رگرتووه‌، ئه‌وانیش چوار په‌رله‌مانتارن و له‌مانه‌ی خواره‌وه‌ پێكهاتوون:

1- له‌نجه‌ ئیبراهیم عه‌بدولڕه‌حمان له‌ شوێنی ڤالا فه‌رید ئیبراهیم.

2- شیرین یونس عه‌بدوڵڵا عه‌زیز له‌ شوێنی بێگه‌رد تاڵه‌بانی.

3- هیمداد سه‌باح بیلال له‌ شوێنی ئایدن مه‌عروف سه‌لیم.

4- باپیر كامه‌لا سه‌لمان كامه‌لا له‌ شوێنی عه‌بدوڵڵا مه‌حمود محه‌مه‌د.

له‌ بڕگه‌ی دووه‌می كارنامه‌ی دانیشتنی ئه‌مڕۆی په‌رله‌مانیش كه‌ تایبه‌ته‌ به‌ میكانیزمی هه‌ڵبژاردنی سه‌رۆكی په‌رله‌مان، كه‌ رێواز فایه‌ق له‌سه‌ر پشكی یه‌كێتی نیشتیمانی كوردستان ده‌بێته‌ سه‌رۆك په‌رله‌مان.

هه‌رچی بڕگه‌ی سێیه‌میشه‌، بریتییه‌ له‌ خوێندنه‌وه‌ی یه‌كه‌م بۆ پێشنیازی بڕیاری دیاریكردنی رۆژی 3/8/2014 وه‌ك رۆژی كۆمه‌ڵكوژی ئێزیدییه‌كان.

ئه‌مڕۆ په‌رله‌مانی كوردستان متمانه‌ی به‌ كابینه‌ی نۆیه‌می حكوومه‌تی هه‌رێمی كوردستان به‌ سه‌رۆكایه‌تی مه‌سرور بارزانی دا، له‌كاتێكیشدا 4 په‌رله‌مانتاری كوردستان له‌ فراكسیۆنه‌ جیاوازه‌كان به‌هۆی پێدانی پۆستی نوێ له‌ حكوومه‌تی تازه‌، كورسییه‌كانیان بۆ 4 په‌رله‌مانتاری نوێ جێ ده‌هێڵن.

 

 





ئەم هەواڵە 4342جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad