English | عربی | Kurdî دواهەواڵ
ڕاستەوخۆ  
 
راگرێ ئاشتی یا ناڤخوه‌ و ده‌ڤه‌رێ
2019-07-12 [04:17 AM]

نڤیسینا : زوهرى جه‌به‌لى


رۆلا سه‌ركرده‌یان ژ رزگاركرنا وه‌ڵاتی و دیاركرنا ئۆمێدا نه‌ته‌وه‌یی و رێبه‌رایه‌تیكرنا وان به‌ره‌ڤ ئارمانجێن بلند د دیرۆكا گه‌لاندا به‌رچاڤه‌، نه‌ته‌وه‌یا كورد ژی د به‌رده‌وامیا خه‌باتا خوه‌ یا سه‌د ساڵاندا، گه‌ڵه‌ك سه‌ركرده‌ و كه‌سایه‌تی یێن بهێز هه‌بوونه‌، لێ ئه‌گه‌ر به‌حسا رۆلا رێزدار نێچیرڤان بارزانی چ وه‌ك سه‌رۆك وه‌زیران چ وه‌ك كه‌سایه‌تی سیاسى نه‌هێ كرن، دێ بیته‌ نادادی د دیرۆكا گه‌لێ كوردستانێ و ده‌ڤه‌رێدا، كو شیایه‌ ب سه‌ده‌مێن خودی و بابه‌تی ئارمانجێن گه‌لێ كوردستانێ پێشڤه‌ ببه‌ت و ژ خه‌ونێن سه‌د ساڵان نێزیك بكه‌ت.
د وارێ سیاسیدا، نێچیرڤان بارزانی پشتی سه‌رهه‌لدانێ تا نها رۆله‌كا سه‌ره‌كی و یه‌كئالی هه‌بوویه‌ ژ پێشڤه‌برنا پرۆسه‌سا سیاسی و بهێزكرن و بنیاتنانا بنگه‌هێن حوكمڕانیا دروست ل هه‌رێما كوردستانێ، بێ هه‌بوونا كه‌سایه‌تییه‌كی ب ڤی ئاوایی، ئه‌سته‌م بوو هه‌رێما كوردستانێ شیابا د ناڤا ڤان هه‌مى یاری یێن سیاسی و به‌رژه‌وه‌ندی یێن ل دژی  ئێك و ل دژی گه‌لێ كوردستانێ خۆ رابگریت و، به‌رده‌وام بیت ژ مانێ و پتر كرنا بده‌ستخستیان.
د وارێ دیپلۆماسیدا، نها پتری 40 كونسولخانه‌ و نوونه‌رایه‌تی یێن وه‌ڵاتان ل هه‌ولێرا پایته‌ختا هه‌رێما كوردستانێ هه‌نه‌، د ناڤا وان دا ژی كونسولخانه‌یێن پێنج ئه‌ندامێن هه‌رتمی یێن جڤاتا ئاسایشا ناڤنه‌ته‌وه‌یی. به‌شداریا نێچیرڤان بارزانی د كۆنفرانسێن گرنگ یێن ناڤنه‌ته‌وه‌یی یێن وه‌كی ناتۆ و داڤۆس و میۆنشن و هه‌ژماره‌كا دیتر، سه‌ره‌ده‌ری كرن دگه‌ڵ نێچیرڤان بارزانی وه‌ك سه‌ركرده‌یه‌كێ به‌رچاڤ ب باندۆر د وان كۆنفرانسادا، ژبلی كۆمبوونێن فه‌رمی دگه‌ڵ سه‌رۆك و سه‌ركرده‌یێن وه‌ڵاتێن جیهانێ، بۆ پێكه‌ه و رۆلا نێچیرڤان بارزانی وه‌ك سه‌ركرده‌یه‌كێ به‌رنیاس یێ جیهانێ و، رۆلا وی د هه‌ڤكێشێن هه‌رێمی و جیهانیدا ڤه‌دگه‌ڕێت.
د واری ئابووریدا ژی، كۆمپانیایێن هه‌ری مه‌زن د بیاڤێ په‌ترۆلێدا وه‌ك ئیكسۆن مۆبیل یا ئه‌مه‌ریكی و جیهانی و، كۆمپانیا تۆتال یا فه‌ره‌نسی و كۆمپانیایێن رووسنه‌فت و گازپرۆم یێن رووسی ل هه‌رێما كوردستانێ، ڤه‌به‌رهینانێ د وارێ په‌ترۆلێدا دكه‌ن. تێ پێشبینیكرن رێككه‌فتنا ڤێ دوماهیێ یا رووسنه‌فت، هه‌رێما كوردستانێ ل په‌ستۆیێن هه‌رێمی و قه‌یرانا ده‌رباز بكه‌ت، ئه‌ڤ ژی ژبلی سه‌دان كۆمپانیایێن دی یێن وارێ ڤه‌به‌رهینانێ به‌لگه‌نه‌ لسه‌ر وێ یه‌كێ كو، هه‌رێما كوردستانێ ب هزر و دووربینیا نێچیرڤان بارزانی د گۆڕه‌پانا هه‌ڤركی یێن به‌رژه‌وه‌ندی یێن ناڤنه‌ته‌وه‌یی بوویه‌ جهه‌كێ ئارام و ته‌نا، یا ب یه‌كگه‌هشتنا به‌رژه‌وه‌ندییان كو د ئه‌نجامدا ب قازانجێ ئاشتی و سه‌قامگیریا ده‌ڤه‌رێ و ب تایبه‌ت هه‌رێما كوردستانێ بدوماهی دهێت.  
د وارێ له‌شكریدا، هه‌رێما كوردستانێ ل ساڵا 2003 به‌شداری د پرۆسه‌سا ئازادكرنا عێراقێدا كر دگه‌ڵ هه‌ڤپه‌یمانا و بناخه‌یه‌كێ بهێز د وارێ سه‌ربازیدا داڕێت، پاشتر ژی، د شه‌ڕێ ل دژی رێخستی یا ته‌رۆریست یا داعشێدا سه‌لماندا كو، گه‌ڵه‌ك باشتره‌ ژ له‌شكرێ عێراقێ و وه‌ك هێزه‌كا نیزامیا ناڤنه‌ته‌وه‌یی لسه‌ر ئاستا جیهانێ تێ ناسكرن كو، پارێزه‌رێ به‌هایێن دیموكراسی و مرۆڤی و مه‌ده‌نیه‌تێیه‌، ئیرۆ ژی پڕانیا وه‌ڵاتێن رۆژئاڤا (ئه‌ڵمانیا، ئه‌مریكا، كه‌نه‌دا، رووسیا، فه‌ره‌نسا، به‌ریتانیا و ئۆسترالیا) مه‌شق و راهێنانێن سه‌ربازی ب  هێزێن پێشمه‌رگه‌ دكه‌ن و، ب باندۆرا هێزێن پێشمه‌رگه‌ دۆزا گه‌لێ كوردستانێ ره‌وایه‌تییه‌كا پتر د دیتنا گشتی یا جیهانێ دا مسۆگه‌ر كریه‌ و، نێچیرڤان بارزانی ژی پشكا شێر ژ ڤان سه‌ركه‌فتنا و موكمكرنا په‌یوه‌ندییان به‌ركه‌فتیه‌.  
ب رۆلا خۆ یا ب باندۆر و دیپلۆماسییه‌تێ، نێچیرڤان بارزانی سه‌قایه‌كێ ئه‌رێنی ل پارچه‌یێن دی یێن كوردستانێ چێكر و پرۆسه‌سا ئاشتی یێ ل توركیا و، پێشڤه‌برنا ده‌ستكه‌فتێن گه‌لێ كورد ل رۆژئاڤایا كوردستانێ ده‌ستكه‌فتێن دیرۆكی بوون كو، دۆزا گه‌لێ كورد ل وان جهان ژی د دیرۆكێ دا هۆسا پێشڤه‌نه‌چوویه‌.
د وارێ ناڤخۆ یا هه‌رێما كوردستانێ دا ژی، ئالییێن سیاسی ڤه‌گه‌ڕیانه‌ سه‌ر مێزا گفتۆگۆ و چاره‌سه‌ركرنا كێشه‌یان ل ژێر سه‌رپه‌رشتیا نێچیرڤان بارزانی، نیشانێن گه‌ڵه‌ك یێت هه‌ی كو، ئه‌و ره‌وشا راستی هه‌رێما كوردستانێ هاتی چاره‌سه‌ر ببیت و، كابینه‌یا نوو یا حكومه‌تا هه‌رێما كوردستانێ و كێشه‌یا كه‌ركوكێ و په‌یوه‌ندی دگه‌ڵ به‌غدایێ ژی دێ چاره‌سه‌ر بن.
دیرۆك ڤى رۆلێ سه‌رۆكێ هه‌رێمێ دێ تۆمار كه‌ت بۆ نفشێ داتێت و، دێ دیار كه‌ڤیت كو، پارتى ب گشتى و بارزانى ب تایبه‌تى ئالیگرێ ئاشتى و سه‌قامگیریێیه‌، كو شانازییه‌ك مه‌زنه‌ بۆ جیهانا راسته‌قینایه‌ مرۆڤاتیێ.





ئەم هەواڵە 283جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad