English | عربی | Kurdî دواهەواڵ
ڕاستەوخۆ  
 
رژدبوون ل سەر چارەکرنا کێشەیێن دهۆکێ!
2019-07-12 [09:30 AM]

نڤیسینا : سەربەست خالد کۆچەر


دهۆک ژێرخانەکا دەولەمەندا کوردستانێ یە باژێرەکێ بهێز و سەقامگیر و ئێمن بوویە ژ روویێ نیڤدەولەتی ، ئابوری ، ئێمناهی ، کۆمەلایەتی. سەرچاوەکێ گرنگێ دەرازینکێن سنوری و ئالۆگورکرنا بازرگانی یە ، خودان بهێزترین شورەشگێر و خەباتکەرێن کوردایەتی بوویە و ل پێناڤ بزاڤا رزگاری خوازیا مللەتێ کورد و خەلکێ کوردستانێ سەخمەراتی نەکریە ، بەلکو قوربانی دایە بۆ ئازادیا ژین و ماف و خەبات و دەولەتێ ، سیمایێ هەری بالکێش و جوانێ ڤی باژێری پاقژی و پاکیا وێ بوویە کو ل سەر ئاستێ عیراق و کوردستانێ د رێزبەندیا ئێکێ دایە هەڤدەم سیما و دیمەنێ پێکڤەژیانا پێکهاتە و ئولێن نەتەوەی و ئاینی کو ئەڤە ئێک ژ دەستکەفتێن بهادارێن خەلکێ پارێزگەها دهۆکێ یە کو هەموو دەمەکێ کوردستان شانازیێ ب ڤی باژێری دبەت. پارێزگەها دهۆک و خەلکێ وێ د هەموو کاودانێن سەخت و نەخواستی دا یێن حکومرانیا ڤی وەلاتی هەڤکار و پشتەڤانێن سەرەکی یێن حکومەتێ بووینە بۆ سەرخستن و دەربازکرنا تەڤ گرێ و ئاریشەیان ، ئەگەر  دڤان سالان دا نێرینەکا هوور ل ئیدارەیا پارێزگەهێ بکەین وەکو پێدڤی ژ لایەنی خزمەتگوزاری و خواست و پێدڤیێن بنەرەتێن وەلاتیان دابین نەکرینە و ب ئەرکێ بەرپرسیارەتێ نەرابوویە کو دەمەکە خەلک ژ ئاریشەیان دنالن تایبەت خالا سەرەکی نەبوونا خزمەتگوزاری ، ئیداری ، گەهشتیە گوپیتکا بێ هەداریێ بەرامبەر ڤان هەموو ئالۆزیان. هەلبەت ئەڤێ ژی کومەکا سەدەم و ئالۆزیان هەیە تایبەت د ماوێ شەرێ تیرۆرستی یێن داعش و فشارەکا مەزنا ئاوارەیان ئەڤە رێگر بووینە ل بەردەم جێبەجێنەکرنا پرۆژە و خزمەتان وەک پێدڤی بۆ خەلکی. لەورا زۆربەیا کێشە و گلەیێن ڤێ پارێزگەهێ هەلاویستی ماینە ، پشتی ڤان کاودانان ژی. بەلێ جهێ دەست خۆشی و ئاماژەدانێ یە کو سەرۆک نێچیرڤان بارزانی د کابینەیا هەشتێ یا حکومەتێ بێ جیاوازی هەردەم خۆە ب چارەسەرکارێ ئاریشەیان دایە زانین و ب کردار خۆیا کریە کو خواستێ پێشکەفتن و پێدڤی و داخازیێن وەلاتیانە. ژبیرنەکەین پەیاما سەرۆکێ هەرێما کوردستانێ نێچیرڤان بارزانی تایبەت ب خەلکێ دهۆکێ ددەمەکێ دایە ئەو سۆز دایە تەڤ کێش و پرس و ئاریشەیێن خەلکێ دهۆکێ جێبەجێ بکەت و پێنگاڤێن جدی وێ بهێن هاڤێتن بۆ چارەسەریا ڤان ئاریشەیان ، بەردەوام د ماوێ دەستهەلاتداریا سەرۆک نێچیرڤان بارزانی تەکەز و دوپاتی ل پشتەڤانیا پرۆژە و پلانێن ستراتیژی یێن ڤێ پارێزگەهێ کریە ، چونکە دهۆک بنگەهێ گرنگ و هەری ب هێز یێ کوردستانێ بوویە کو هەڤکێشە دگەل سنورێ نیڤدەولەتی ، بازرگانی و ئابوری ، گەشتیاری. سەرۆک نێچیرڤان بارزانی دەما بەرسڤا ناما فراکسیۆنا پارتی ل پەرلەمانێ کوردستانێ دای کو دیڤچوونێ و چارەسەریا ڤان کشەیان بکەت ، دەملدەست باندۆر و کاریگەری ل جادێ دروست کریە و بەرسڤەک بوویە بۆ دوبارە ڤەژاندنا هیڤی و ئاواتێن خەلکی کو جار دن ب ئێکبوون و هەڤ ژیان د قەوارێ هەرێمێ دا ژیانێ ب بورینن ، تایبەت ژی بەرسڤ بوویە بۆ وان یێن ئاریشەیێن خەلکێ دهۆکێ وەکو مۆزایدە یان ژی ب پرسێن سیاسی ڤە دگرێدن کو هیچ ئەڤ د خزمەتا خەلکی دا نینە. ژبەر هندێ خەلکی باوەری و  پشتراستیەکا مەزن ب بارزانی هەیە کو تنێ ل بەندا سەرۆکێ هەرێمێ نە بۆ هاڤێتنا پێنگاڤان پێخەمەت چارەسەرکرنا ڤان ئاریشەیان تایبەت ل ڤێ داویێ. ئەڤرۆ تاک ب تاک وەلاتی ب گەشبینی هیڤیا پێنگاڤێن سەرۆکێ گەنج یێ هەرێمێ نە ژ بۆ سەرخستنا چارەسەریا کێشە و ئاریشەیان ئەم ژی دوپاتی ل داخوازیێن خەلکێ دهۆکێ دکەین و پابەندین ب گەهشتنا چارەسەریەکا بلەز بۆ دیتنا رێگە چارەیا بورینا کێشەیان.





ئەم هەواڵە 2698جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad