English | عربی | Kurdî دواهەواڵ
ڕاستەوخۆ  
 
دوو وێستگەھــ ، د گەرا ئێکێ یا سەرۆکێ ھەرێمێ دا
2019-07-13 [07:31 AM]

نڤیسینا : غیاس خالد زێباری


ھەرچەندە نێچیرڤان بارزانی لدەمێ سەرۆکاتیا حکومەتا ھەرێما کوردستانێ دا  لساڵێن بووری چەندین سەرەدانێن فەرمی بۆ عیراقێ و وەڵاتێن ھەرێمی و جیھانی کرینە و پرانیا ڤان سەرەدانا د سەرکەفتی و پڕ بەرھەم بوونە ، شیایە پەیوەندیێن ھەرێما کوردستانێ دگەل ھەمی وەلاتێن بسەر کری بگەھینتە ئاستەکێ بلند و چەندین پرس و قەیرانان چارە بکەت ، لەوما جەنابێ وی ب ئەندازیارێ دبلۆماسیەتەکا سەرکەفتی و پڕ بەرھەم دھێتە نیاسین ، لەوما خەلکێ کوردستانێ باوەریەکا مۆکم ھەیە کۆ کاروانێ سەرکەفتنێن سیاسی و دبلۆماسی پشتی لرۆژا ٢٨ مەھا دەربازبوویی وەک سەرۆکێ ھەرێما کوردستانێ ھاتیە ھەلبژارتن دێ بەردەوام و پڕ بەرھەمتر بن . 
پشتی چەند رۆژان لسەر ھەلبژاردنا سەرۆکێ نوو یێ ھەرێما کوردستانێ کاروانێ بەرەڤ بھێزترکرنا کوردستانێ و مۆکۆمکرنا پەیوەندیێن ھەرێمێ دگەل بەغدا و جیھانێ دەسپێکر ، گەڕا ئێکێ یا سەرەدانێن سەرۆک نێچیرڤان بارزانی بۆ دەرڤەی ھەرێمێ ، ھەتا نھۆ ل ھەردوو وێستگەھێن بەغدا و تورکیا پێک دھێت . 
ھەرچەندە ئەڤ سەرەدانا جەنابێ وی بۆ بەغدا لدەمەکێ دھێت کۆ لسەر دەستێ وی چەندین پرس و ناکۆکی یێن دناڤبەرا بەغدا و ھەولێر چارەبوونە ، مینا پرسا بۆدجە و مۆچێ فەرمانبەرێن ، لێ ھژمارەکا زۆرا پرسێن گرنگ ھێشتا ھەڵاویستی مانە و خەلکێ کوردستانێ چاڤەرێ چارەسەریێ یە ، مینا پرسا ماددێ ١٤٠ و کەرووک و ئاوارەیان و ھەماھەنگیا پێشمەرگەھی و لەشکرێ ئیراقێ و دارشتنا ستراتیژیەکا مۆکۆم بۆ بەرھنگاربوونا روودان و پێشھاتێن سیاسی و ئاسایش ل عیراقێ ، چونکی پێشبینا روودانێن مەزن دھێتە کرن مینا سەرھەلدانەڤا تیرۆرێ و ئەگەرێن شەرێ دناڤەرا ئەمریکا و ئیرانێ . 
پێشوازیا سەرۆکێ ھەرێما کوردستانێ ژلایێ مەزنە بەرپرسێن عیراقێ و کۆمبوونێن دگەل سەرۆک کۆمار و سەرۆک وەزیر و سەرۆک پەرلەمانی ئاماژەنە کۆ سەرۆک نێچیرڤان بارزانی ، ئەو کەسە یێ جھێ باوەریا خەلکێ کوردستانێ بۆ چارەسەرکرنا پرس و ئاریشەیێن ھەلاویستی و مایی دناڤبەرا ھەردوو ئالیان ، دڤان کاودانان دا خەلکێ کوردستانێ و عیراقێ پێتڤی ب چارەسەرکرنا ڤان پرسا و چەساندنا دەستوورێ عیراقێ ھەیە و دوور کەفتن ل وان ھەلویستێن بەری نێزیکی دوو سالان دەولەتا عیراقێ دژی ھەرێما کوردستانێ وەرگرتین ، لوی دەمی ژی ئەگەر سەرۆک نێچیرڤان بارزانی و خۆراگریا پێشمەرگەھێن کوردستانێ نەبان دوو نەبوو ئەو پیلان دژی ھەرێما کوردستانێ سەرگرتبان و ھەرێما کوردستانێ بەرەڤ ئاییندەکێ نەدیار چووبا . 
راستە ھەلویستێ حکومەتا نھو یا ئیراقێ بەرامبەر ھەرێمێ ھاتیە گۆڕین ، لێ ھندەک کەس و ئالیێن شۆفینی و ڕەگەز پەرستێن ئیراقێ ھەولا تێکدانا پەیوەندیێن ھەرێمێ و بەغدا ددەن و گڤاشتنا لسەر حکومەتا فیدرال دکەن و ئەڤ پێشڤەچوون و لێک تێگەھشتنا دناڤبەرا ھەردوو ئالیان دا د بەرژەوەندا ھەرێما کوردستانێ دزانن و دڤێت گەماروویێن ئابووری بسەر ھەرێما کوردستانێ دووبارە بکەنەڤە و ڕەنگە ھندەک ئالیێن سیاسی یێن ھەرێما کوردستانێ ژی چاڤ بڤان سەرکەفتنێن سەرۆک نێچیرڤان بارزانی ڕانەبن و بەرژەوەندا خەلکێ کوردستانێ و دەسکەفتێن ھەرێمێ لبەرچاڤ نەگرن ، پشتەڤانیا وان شوفینیا بکەن و بۆ دروستکرنەڤا قەیرانا ئابۆری و دارایی بۆ ھەرێما کوردستانێ . 
لەوما ئەڤ سەرەدانە دێ رێکێ بەرامبەر وان ھەوڵان گریت و پەیوەندیێن دناڤبەرا ھەردوو ئالیان دێ بەرەڤ باشتربوونێ چن ، چونکی نێچیرڤان بارزانی ئەو سەرکردە و سیاسی و دبلۆماتکارە ئەوێ ھەردەم دشێت ب ئاشتیانە و دیلۆگێ ، لایەنێن بەرامبەر رازی و باوەردار بکەت بۆ لێکتێگەھشتنێ و چارەسەرکرنا پرسان و رێکەفتنان . 
ویستگەھا دوویێ ژی بۆ وەلاتێ تۆرکیا لرۆژا پاشتر (٢١ / ٦ ) کۆ ژلایێ سەرۆک کۆمارێ تورکیا ھاتیە پێشوازیکرن و کۆمبوونا دناڤبەرا ھەردوو سەرۆکان دا ، ئاماژەیە کۆ مەزنترین وەلاتێ دەڤەرێ ( تورکیا ) گرنگیا سەرۆکێ ھەرێما کوردستانێ بۆ خورتکرنا پەیوەندیا و چارەسرکرنا پرسان دزانیت و دانپێدانێ بسەرۆکاتیا وی و ھەرێما کوردستانێ دکەت . 
ئەڤەژی ویستگەھەکا گرنگ بوو و سەرەدانەکا لدەمێ خۆدابوو ، چونکی ھەرێما کوردستانێ ژبلی وەک جیران ، وەکی مەزنترین و کاریگەرترین وەلاتێ دەڤەرێ پێتڤی ب خۆرتکرنا پەیوەندیێن دگەل تورکیا ھەیە و بەرژەوەندێن ھەڤپشک دناڤبەرا ھەردوو ئالیان دا ھەنە ، ژلایێ ئابۆری و بازرگانی و ئەمنی ,  دەرگەھێ پەیوەندیێن ھەرێمێ لگەل ئەورۆپا ، ژبلی کۆ تورکیا دەرگەھێ گەھشتنا نەفت و گازا کوردستانێ یە بۆ بازارێن جیھانێ . 
گەھاندنا پەیوەندیێن ھەرێما کوردستانێ لگەل تورکیا بۆ ڤی ئاستێ بلند لسەر دەستێ سەرۆک نێچیرڤان بارزانی دەسکەفتەکێ مەزنن بۆ ھەرێما کوردستانێ و چونکی تورکیا لسالێن بووری تۆندترین ھەلویست بەرامبەر ھەرێما کوردستانێ ھەربوو ، لێ ڤان پەیوەندیان ھەلویستێ وان گۆری و لدەلیڤیێن بەرتەنگ دا دەرگەھێن سنووری و ئاسمانی لسەر ھەرێمێ نەگرتن ، زۆر پرس  وئاریشە بڤان پەیوەندیان چارەبوونە و ڕەنگە زۆر وەلاتێن دیتر ژی چاڤ ل تورکیا بکەن و بڤێن پەیوەندیێن خۆ لگەل ھەرێمێ مۆکۆمتر بکەن . 
بکۆتی نێچیرڤان بارزانی سەرۆکێ ھەرێما کوردستانێ داھێنەرێ سیاسەت دبلۆماسیەتا نوو یا کوردستانێ یە و ئەو سەردەم تێپەراند لایەنێن بەرامبەر دیالۆگ و دانۆستاندنا تنێ بۆ بەرژەوەندێن خۆ بکار بینن و دھەر دانۆستاندنەکا جەنابێ وی دا بەرژەوەندێن دوو ئالی دھێنە پاراستن و زۆر جارا پاراستنا بەرژەوەندێن کوردستانێ پترن .





ئەم هەواڵە 2923جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad