English | عربی | Kurdî دواهەواڵ
ڕاستەوخۆ  
 
په‌تریارك ئیگناتیوس ئه‌فرامی دووه‌م: په‌یامی مه‌سرور بارزانی خزمه‌تكردنی پێكهاته‌كانی هه‌رێمی كوردستانه‌
2019-07-14 [09:45 AM]

ZNA-هەولێر


په‌تریارك ئیگناتیوس ئه‌فرامی دووه‌م، سه‌رۆكی باڵای كڵێسای سریانی ئه‌رسە‌دۆكسی له‌ جیهان، په‌یامێكی پیرۆزبایی ئاراسته‌ی مه‌سرور بارزانی، سه‌رۆكی حكوومه‌تی هه‌رێمی كوردستان كردووه‌ و ده‌ڵێت، به‌ متمانه‌دان به‌ كابینه‌كه‌ت له‌لایه‌ن په‌رله‌مانی كوردستانه‌وه‌ خۆشحاڵم و ئه‌ركێكی گه‌وره‌تان كه‌وتوووه‌ته‌ ئه‌ستۆ کە خزمه‌تكردنی سه‌رجه‌م پێكهاته‌كانی هه‌رێمی كوردستانە.

په‌تریارك له‌ په‌یامه‌كه‌یدا ده‌ڵێت: "ده‌وڵه‌تمه‌داری به‌ڕێز مه‌سرور بارزانی، زۆر خۆشحاڵ بوون به‌ بیستنی هه‌واڵی سه‌ركه‌وتنی كابینه‌كه‌ت و متمانه‌ وه‌رگرتنی له‌لایه‌ن په‌رله‌مانی كوردستانەوە، پێكهێنانی ئه‌نجومه‌نی وه‌زیرانی حكوومه‌تی هه‌رێمی كوردستانی عێراق، به‌رپرسیارێتییه‌كی گه‌وره‌ی خستووه‌ته‌ ئه‌ستۆتان".

هه‌روه‌ها ده‌ڵێت: "ئه‌ركی ئێوه‌ په‌یامێكی شه‌ره‌فمه‌ندانه‌یه‌ بۆ پێشكه‌شكردنی خزمه‌تگوزاریی بۆ رۆڵه‌كانی هه‌رێم به‌ سه‌رجه‌م پێكهاته‌كانییه‌وه و له‌گه‌ڵ فه‌خامه‌تی نێچیرڤان بارزانی سه‌رۆكی هه‌رێمی كوردستان هه‌وڵ بده‌ن هه‌رێمی كوردستان پێش بخه‌ن و گه‌شه‌ی پێ بده‌ن".

ئیگناتیوس ئه‌فرامی دووه‌م له‌ په‌یامه‌كه‌یدا ده‌ڵێت: "به‌ناوی خۆم و له‌بری رۆڵه‌كانی كڵێسای سریانیی ئه‌رسه‌دۆكسی له‌ هه‌رێمی كوردستان، گه‌رمترین پیرۆزباییتان پێشكه‌ش ده‌كه‌ین، هیوادارین خوای گه‌وره‌ كۆششه‌كانتان سه‌ركه‌وتوو بكات، به‌تایبه‌تی پارێزگاریی له‌ ئارامی و سه‌قامگیریی هه‌رێم بكات و ئه‌و قه‌یرانانه‌ی وه‌ك گه‌رده‌لوول داویانه‌ له‌ هه‌موو لایه‌كی ناوچه‌كه‌ نه‌مێنن".

له‌ كۆتایی په‌یامه‌كه‌دا هاتووه:‌ "داواكارم ته‌ندروست و سه‌ركه‌وتوو بن و هه‌رێمی كوردستانی عێراق به‌رده‌وام پێش بكه‌وێت و گه‌شه‌ بكات و رێزمان قه‌بووڵ بفه‌رموون".





ئەم هەواڵە 4054جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad