English | عربی | Kurdî دواهەواڵ
ڕاستەوخۆ  
 
بەسەرپەرشتی مەسرور بارزانی ئەنجوومەنی وەزیران لە كۆبوونەوەدایە
2019-07-15 [08:54 AM]

ZNA- هه‌ولێر


كاتژمێر 11ـی پێشنیوه‌ڕۆی ئەمڕۆ ئه‌نجوومه‌نی وه‌زیرانی هه‌رێمی كوردستان به‌ سه‌رۆكایه‌تی مه‌سرور بارزانی، یه‌كه‌م كۆبوونه‌وه‌ی فه‌رمی خۆی ئه‌نجامدا و گفتوگۆ لەسەر چەند تەوەرێك دەكەن‌، تائێستا كۆبوونەوەكە بەردەوامە.

 

له‌ كۆبوونه‌وه‌كه‌دا سێ ته‌وه‌ر تاوتوێ ده‌كرێت، یه‌كه‌م كارنامه‌ی حكوومه‌ت، كارنامه‌ی وه‌زاره‌ته‌كان و تاوتوێكردنی پرسی وه‌زاره‌ته‌كان ئه‌گه‌ر كه‌موكوڕییه‌كیش هه‌یه‌ بخرێته‌روو.

 

كۆبوونەوەكەی ئەنجوومەنی وەزیران وەك یەكەم كۆبوونەوەی فەرمی كابینەی نۆیەمە و بە سەرپەرشتی مەسرور بارزانی، سەرۆكی حكوومەتی ھەرێمی كوردستان و ئامادەبوونی قوباد تاڵەبانی، جێگری سەرۆكی حكوومەت و وەزیرانی كابینەی نوێ بەڕێوەدەچێت. كوردستان24 زانیویەتی، ناوەرۆكی كۆبوونەوەكە بریتی دەبێت لە تاوتوێكردنی ھێڵە گشتییەكانی ئەو كارنامەیەی كە مەسرور بارزانی لە دوای سوێندخواردنی لە پەرلەمانی كوردستان پێشكەشیكرد، ھەروەھا دەرفەت دەدرێتە وەزیرەكان تا پلانی سەرەتاییان بۆ كاركردنیان لە وەزارەتەكەیان پێشكەش بكەن و پلانی ستراتیژیی وەزارەتەكانیان بۆ چوار ساڵی داھاتوو ئامادە بكەن. جگە لەوەش لە كۆبوونەوەكەدا باس لە بارودۆخی ھەرێمی كوردستان و عێراق بە گشتی دەكرێت و پەیوەندییەكانی نێوان ھەولێر و بەغدا و كێشە ھەڵپەسێردراوەكان و كێشە ناوخۆییەكانی ھەرێمی كوردستان تاوتوێ دەكرێن.





ئەم هەواڵە 3913جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad