English | عربی | Kurdî دواهەواڵ
ڕاستەوخۆ  
 
کونسووڵی گشتیی تورکیا: تورکیا پشتیوانیی حکوومەتی نوێی هەرێم دەکات
2019-07-15 [01:36 AM]

ZNA- هه‌ولێر


تورکیا پشتیوانی بۆ حکوومەتی نوێی ھەرێمی کوردستان دووپات دەکاتەوە و جەخت لە بەھێـزیی پەیوەندییەکان و گەشەی ئابووری دەکات، بە گرینگییەوە دەڕوانێتە ھەرێمی کوردستان، دڵخۆشن بەوەی پێکھاتەکان لە حکوومەتی ھەرێمدا بەشدارن.

ھاکان کەرەجای، کونسووڵی گشتیی تورکیا لە ھەولێررایگەیاند: "پشتیوانیی حکوومەتی نوێی ھەرێمی کوردستان بە سەرۆکایەتیی ڕێزدار، مەسروور بارزانی، دەکەین و، ئومێدی سەرکەوتنی بۆ دەخوازین، پەیوەندیی نێوان ھەرێمی کوردستان و تورکیا لە ڕووی سیاسی و ئابووری و دیبلۆماسییەوە پەیوەندییەکی کارا و پتەوە، لە قۆناغی داھاتوودا ئاستی پەیوەندییەکانی نێوان ھەردوولا گەشەی زیاتر بەخۆیەوە دەبینێت، ئەوەمان بە بەڕێز، مەسروور بارزانی و کابینەکەی گەیاندووە."

کونسووڵی گشتیی تورکیا گوتی: "بە بەشداریی کارای پێکھاتەی تورکمان لە حکوومەتی ھەرێمدا دڵخۆشین، پێدانی پۆستی وزاری بەو پێکھاتانە ئاشتی و دیموکراسی لە ھەرێمی کوردستاندا پتەوتر دەکات و ھەرێمی کوردستان وەکو چەترێک دەبێت بۆ پێکھاتە جیاوازەکان."

ھاکان کەرەجای گوتیشی: "بەردەوام دەبن لە بەرزکردنەوەی ئاستی جموجووڵی بازرگانی لەگەڵ ھەرێمی کوردستان لە سێکتەری جیاواز و زیاتر گەشەی پێ دەدەن، ھەرێمی کوردستان بۆ ئێمە دۆست و بازاڕێکی گرینگە بۆ وەبەرھێنان و پەیوەندییە دیپلۆماسییەکان لە ناوچەکەدا."

 

سه‌رچاوه‌: KDP





ئەم هەواڵە 4204جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad