English | عربی | Kurdî دواهەواڵ
ڕاستەوخۆ  
 
عادل عەبدولمەهدی: داخستنی بارەگاكانی حەشدی شەعبی دەستیپێكردووە
2019-07-17 [05:45 AM]

​ZNA – هەولێر


سەرۆك وەزیرانی عێراق جەخت رایگەیاند، داخستنی بارەگاكانی حەشدی شەعبی دەستیپێكردووە و داواش دەكات ھەموو لایەك رێز لە بڕیاری حكوومەت بگرن.

عادل عەبدولمەھدی، سەرۆك وەزیرانی عێراق لە كۆنفرانسی رۆژنامەوانی ھەفتانەی خۆیدا  گوتی، فەرمانی دیوانی دەرچووە بۆ پشتیوانیكردنی كەسوكاری شەھیدان و چەكدارانی حەشدی شەعبی و سێ سەرۆكایەتییەكەی عێراقیش پشتیوانی لێدەكەن، ئەوەش لەپێناو رێكخستنی حەشدی شەعبی و دەستمان بە جێبەجێكردنی خێرای ئەو فەرمانە دیوانییە كردووە".

سه‌رۆك وه‌زیرانی عێراق ده‌ڵێت: "زۆرینەی گروپەكانی نێو حەشدی شه‌عبی ھاوكاریمان دەكەن و لەگەڵ ئەو فەرمانە دیوانییەدان، ئەوان ھەست دەكەن تەواوی حەشدی شەعبی رێز لەو بڕیارە دەگرن لەپێناو رێزگرتن لە ھەیبەت و دەسەڵاتی وڵات".

ئەو گوتیشی: "پێویست ناكات ھیچ لایەك ترسیان لە بڕیاری داخستنی حەشدی شەعبی ھەبێت، چونكە ئەوە لە بەرژەوەندی ئاسایشی عێراقە و گرنگە".

عەبدولمەھدی ئاماژە بەوەش دەكات، لەچوارچێوەی فەرمانەكانیان، مافی كەسوكاری شەھیدان و چەكدارانی حەشدی شەعبی رێزیان لێدەگیرێت و بەشێك لە گروپەكان دەستیان كردووە بە داخستنی بارەگاكانیان و رێوشوێنەكانیش لەوبارەوە بەردەوامن.

 





ئەم هەواڵە 8797جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad