English | عربی | Kurdî دواهەواڵ
ڕاستەوخۆ  
 
سەرۆکى هه‌رێمی كوردستان پێشوازى لە باڵیۆزى ڕووسیا کرد
2019-07-17 [07:53 AM]

ZNA-هەولێر



 
به‌ڕێز ماكسیم ماكسیمۆڤ باڵیۆزی ڕووسیا له‌ عێراق پیرۆزبایی خۆی و به‌ڕێزان سێرگی لاڤرۆڤ وه‌زیری ده‌ره‌وه‌ و میخائیل بۆگدانۆڤ جێگری وه‌زیری ده‌ره‌وه‌ی ڕووسیای به‌‌ به‌ڕێز نێچیرڤان بارزانی ڕاگه‌یاند بۆ دەستبەکاربوونى وەک سەرۆکى هه‌رێمی كوردستان و هیوای سه‌ركه‌وتنیان بۆ خواست، له‌ به‌رامبه‌ردا سه‌رۆك نێچیرڤان بارزانى سوپاسی كردن و سڵاو و رێزی بۆ به‌رێزان وه‌زیری ده‌ره‌وه‌ی ڕووسیا و جێگره‌كه‌ی نارد.

له‌ دیدارێکدا كه‌ سه‌رله‌به‌یانیی ئه‌مڕۆ 17/7/2019 له‌ هه‌ولێر به‌ڕێوه‌ چوو، هه‌ردوولا جه‌ختیان له‌ په‌ره‌پێدانی په‌یوه‌ندییه‌كانی هه‌رێمی كوردستان و ڕووسیا و چارەسەرکردنى كێشه‌كانی هه‌ولێر ـ به‌غدا له‌سه‌ر بنه‌مای ده‌ستوور کردەوە. له‌مباره‌یه‌وه‌ سەرۆک نێچیرڤان بارزانی ئاماده‌ییی هه‌رێمی كوردستانی بۆ چارەسەر نیشان دا و ئاماژه‌ی بە سەردانى دوێنێى شاندێكی باڵای حكوومه‌تی هه‌رێمی كوردستان بۆ به‌غدا کرد.

تاوتوێكردنی دۆخی ڕۆژهه‌ڵاتی ناوه‌ڕاست و چه‌ند بابه‌تێكی په‌یوه‌ندیدار به‌ دۆخی سیاسی و ئه‌منیی عێراق و هه‌رێمی كوردستانه‌وه‌، لایه‌نێكی دیكه‌ی كۆبوونه‌وه‌كه‌ بوو.





ئەم هەواڵە 4060جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad